Genesis 5:1 - Ti Baro a Naimbag a Damag Biblia

¹ Daytoy ti listaan dagiti kaputotan ni Adan. Idi parsuaen ti Dios ti tao, inaramidna a kas kenkuana.

Ti Biblia (1973)

¹ Daytoy ti pacabasaan cadagiti caputotan ni Adan. Idi aldaw a pinarsua ti Dios ti tao, inaramidna a caasping ti Dios;

Genesis 5:1 Iomraidhean Croise

Genesis 10:1

Dagitoy dagiti kaputotan da Sem, Ham ken Jafet nga annak ni Noe, kalpasan ti layus.

Genesis 2:4

Kastoy ti pannakaparsua ti sangalubongan. Idi parsuaen ni Yahweh a Dios ti lubong,

Genesis 6:9

Daytoy ti pakasaritaan ni Noe. Tallo ti annakna a lallaki: da Sem, Ham ken Jafet. Ni la Noe ti naimbag a tao idi panawenna. Nagbiag iti pannakikadkaduana iti Dios.

1 Cronicas 1:1

Ni Adan ti ama ni Set nga ama ni Enos. Ni Enos ti ama ni Kenan.

Eclesiastes 12:1

Laglagipem ti Namarsua kenka ita ta agtutuboka pay sakbay a dumteng dagiti dakes nga aldaw ken tawen a panagkunam, “Awan ragsakko iti biag.”

Eclesiastes 7:29

Daytoy la ti naadalko: nalinteg ti tao a pinarsua ti Dios, ngem ti tao ti mangparnuay iti adu a parikutna.

San Mateo 1:1

Daytoy ti libro ti kapuonan ni Jesu-Cristo a nagtaud iti kaputotan ni David, a nagtaud met iti kaputotan ni Abraham.

1 Taga-Corinto 11:7

Saan a rumbeng nga agdalungdong ti lalaki, ta isu ti pakakitaan iti ladawan ken dayag ti Dios. Ti babai ti mangiladawan iti dayag ti lalaki.

2 Taga-Corinto 3:18

Ngarud, datayo amin nga awan abbong ti rupana, ipakitatayo ti dayag ti Apo. Balbaliwannatayo dayta met laeng a dayag nga aggapu iti Apo nga isu ti Espiritu tapno umaspingtayo kenkuana iti naranraniag pay a dayag.

Taga-Efeso 4:24

Masapul nga agbalinkay a baro a tao a pinarsua ti Dios nga umasping kenkuana, ket maipakita daytoy iti nalinteg ken nasantoan a panagbiag.

Taga-Colosas 3:10

ket inkawesyon ti baro a kinatao. Daytoy ti baro a tao a kanayon a mapabpabaro tapno umasping iti Dios a namarsua kenkuana, ket naan-anay ti pannakaammoyo kenkuana.

Hebreo 1:3

Ti Anak ti mangipakita iti dayag ti Dios. Isu ti napaypayso a ladawan ti kinadiosna. Isu pay ti mangtartarawidwid iti amin a lubong babaen iti mannakabalin a saona. Kalpasan ti pananggun-odna iti pannakapakawan ti basol ti sangkataoan, nagtugaw sadi langit iti makannawan ti Kangatoan a Pannakabalin.

Hebreo 12:9

Panunotentayo ti maipapan kadagiti bukodtayo nga amma: dinisiplinaandatayo ket nagraemtayo kadakuada. Ngarud, saan kadi nga ad-adda a rumbeng laeng nga awatentayo ti pannusa nga ipatay ti naespirituan nga Amatayo tapno agbiagtayo? Iti las-ud ti ababa a tiempo, dinusadatayo dagiti bukodtayo nga amma, kas maibatay iti ipagarupda a naimbag. Ngem no maipapan iti panagsagaba nga ipalak-am ti Dios, aramidenna daytoy a pagimbagantayo tapno agbalintayo a nasagradoan a kas kenkuana.