Genesis 48:9 - Ti Baro a Naimbag a Damag Biblia

⁹ “Isuda dagiti annakko nga imparabur kaniak ti Dios iti kaaddak ditoy Egipto,” insungbat ni Jose. Kinuna ni Jacob, “Yasidegmo ida kaniak tapno bendisionak ida.”

Ti Biblia (1973)

⁹ Ket ni Jose kinunana ken amanna, Isuda dagiti annacco a lallaki, nga inted ti Dios caniac ditoy. Ket kinunana, dawatec kenca, Yegmo ida, caniac, ket bendicionacto ida.

Genesis 48:9 Iomraidhean Croise

Genesis 27:4

Lutoem 'tay pagay-ayatko a potahe samonto yeg kaniak. Kalpasan ti pannanganko, bendisionankanto sakbay a matayak.”

Genesis 30:2

Nakaunget ni Jacob ken ni Raquel ket kinunana, “Mabalinko aya nga alaen ti lugar ti Dios? Saan a siak ti manglaplapped iti panaganakmo.”

Genesis 33:5

Idi iwaras ni Esau ti panagkitana ket nakitana dagiti babbai ken ubbing, sinaludsodna, “Siasino dagitoy kinakuyogmo?” “Isuda, apo, dagiti annak nga imparabur ti Dios kaniak,” insungbat ni Jacob.

Genesis 49:28

Dagitoy dagiti sangapulo ket dua a tribu ti Israel ket daytoy ti imbaga ni tatangda idi agpakada kadakuada a nangbendisionanna iti tunggal maysa kadagiti annakna.

1 Cronicas 25:5

Dagitoy ti inted ti Dios nga annak ni Heman a profeta ti ari; 14 a lallaki ken tallo a babbai. Inkari idi ti Dios daytoy tapno maaddaan ni Heman iti pannakabalin.

Dagiti Salmo 127:3

Dagiti annak sagut ni Yahweh ida, bunga ken gunggona ti maysa nga ina.

Isaias 8:18

Adtoykami kadagiti annakko nga inted kaniak ti Apo a Mannakabalin-amin a naisaad ti tronona idiay Bantay Sion. Imbaonnakami a kas sibibiag a mensahe kadagiti Israelita.

Deuteronomio 33:1

Sakbay ti ipapatay ni Moises a tao ti Dios, binendisionanna dagiti Israelita. Kinunana,

Hebreo 11:21

Gapu ta adda pammati ni Jacob, binendisionanna ti tunggal maysa kadagiti annak ni Jose sakbay ti ipapatayna. Nagsammaked ni Jacob iti sarukodna ket nagdaydayaw iti Dios.

1 Samuel 1:20

Nagsikog ngarud ni Ana ket impasngayna ti maysa a lalaki. Pinanagananna iti Samuel, ta kas iti panangilawlawagna, “Nagdawatak iti Apo nga ikkannak iti anak.”

1 Samuel 1:27

Dinawatko kenkuana nga itedna kaniak daytoy nga ubing ket pinatganna ti dawatko.