Genesis 47:9 - Ti Baro a Naimbag a Damag Biblia

⁹ Insungbat ni Jacob, “Aganay a sangagasut ket tallopulo a tawenen nga agalla-allaak iti rabaw ti daga. Bassit ken narigat dagiti tawen a panagbiagko, saan a kas kapaut ti panagbiag dagiti kapuonak.”

Ti Biblia (1973)

⁹ Ket ni Jacob kinunana ken Faraon, Dagiti al-aldaw dagiti tawtawen a panagpagpagnac sangagasut ket tallopuloda a tawen: bassit ken saan a nasayaat dagiti al-aldaw dagiti tawtawen ti panagbiagco, ket saanda a nacadanon cadagiti al-aldaw dagiti tawtawen ti panagbiag dagiti dadackelco cadagiti al-aldaw a panagbarbariw-asda.

Genesis 47:9 Iomraidhean Croise

Genesis 11:11

Nagbiag pay ni Sem iti 500 a tawen ket naaddaan pay iti dadduma nga annak.

Genesis 35:28

Nadanon ni Isaac ti tawen a 180.

Genesis 47:28

Sangapulo ket pito a tawen a nagnaed ni Jacob idiay Egipto agingga a nadanonna ti 147 a tawen.

Genesis 47:8

“Mano ti tawenmon?” sinaludsod ti ari.

Genesis 5:27

Natay idi agtawen iti 969.

Genesis 50:26

Agtawen iti 110 ni Jose idi matay. Binalsamoda ti bangkayna idiay Egipto sada inkabil iti lungon.

1 Cronicas 29:15

Ammom, O Apo, a kas kadagidi kapuonanmi, ganggannaet ken agalla-allakami. Kasla aniniwan nga aglabas dagiti aldawmi, ket dimi maliklikan ti patay.

Ti Libro ni Job 14:1

Agpapadatay amin a nakapuy ken awan mabalbalinna, ababa ken napno iti rigat ti biagtayo.

Dagiti Salmo 119:19

Ganggannaetak laeng ditoy rabaw ti daga; dimo kad ilinged kaniak dagiti bilinmo.

Dagiti Salmo 119:54

Bayat ti ababa a panagbiagko ditoy daga ikankantak dagiti bilbilinmo.

Dagiti Salmo 39:12

“O Apo, denggem kadi ti kararagko, ket ipangagmo ti ararawko. Dika koma agulimek no kenka umawagak. Ganggannaetak laeng kenka, maysaak a sangaili a kas kadagiti kapuonak.

Dagiti Salmo 39:13

Dinak kadi dusdusaen tapno mabang-aranak, sakbay a pumusayak ket awanakon ditoy a biag.”

Dagiti Salmo 39:5

Nagababa ketdin ti biag nga impabulodmo! Kasla awan aniamanna iti imatangmo. Wen, kasla pul-oy laeng ti angin ti biag ti tao;

Exodo 6:4

Nakitulagak pay kadakuada: Inkarik nga itedko kadakuada ti daga a Canaan a nagnaedanda a kas ganggannaet.

Exodo 7:7

Agtawen iti 80 ni Moises ket 83 met ni Aaron idi makisaoda iti ari.

2 Taga-Corinto 5:6

Isut' gapuna a kanayon a natalgedkami. Ammomi a bayat ti panagtaengmi iti daytoy a bagi, adayokami iti Apo.

Deuteronomio 34:7

Agtawen ni Moises iti 120 idi matay. Saan a kimmapsut ti bagina wenno ti panagkitana.

Hebreo 13:14

Ta awan ti permanente a siudadtayo ditoy daga. Birbirokentayo ti maysa a siudad nga umayto iti masakbayan.

Santiago 4:14

Diyo ammo no anianto ti panagbiagyo inton bigat! Ngamin, mayarigkay iti angep nga agpukaw kalpasan ti apagdarikmat a panagparangna.

Josue 24:29

Kalpasan dagitoy, natay ni Josue nga anak ni Nun, ti adipen ni Yahweh idi 110 ti tawenna.

1 Pedro 2:11

Kakabsatko, kas ganggannaet ken agdaldaliasat iti daytoy a lubong, agdawatak kadakayo. Dikay paiturayan kadagiti nailasagan a tarigagay a kanayon a makiranget iti kararua.