Genesis 44:9 - Ti Baro a Naimbag a Damag Biblia

⁹ Apo, rumbeng a mapapatay ti pakasarakam kadakami iti nasao a kopa ket agbalinkami amin a tagabu.”

Ti Biblia (1973)

⁹ Uray siasino a pacasaracannanto cadagiti ad-adipenmo, matay coma, ket tagabuennacamto pay ni apomi.

Genesis 44:9 Iomraidhean Croise

Genesis 31:32

Ngem no maipapan kadagiti didiosen, no adda kadakami ti masarakam a nangala kadagitoy, rumbeng a mapapatay. Agpaay a saksi dagiti tattaota; kitaem no adda ditoy ti kukuam ket alaem no masarakam.” Saan nga ammo ni Jacob a tinakaw ni Raquel dagiti didiosen.

Genesis 43:18

Nagbuteng dagiti agkakabsat idi maipanda iti balay. Kinunada, “Nalabit a nayegtayo ditoy gapu iti kuarta a naisubli iti sakotayo idi damotayo ti umay. Mabalin a kellaatendatayo a tiliwen, alaenda dagiti asnotayo ket pagbalinendatayo a tagabu.”

Genesis 44:10

Insungbat ti adipen, “Ala wen. Ngem ti laeng pakasarakak iti kopa ti agbalin a tagabuk ket mapalubosan dagiti dadduma.”

Genesis 44:16

Insungbat ni Juda, “Ania pay koma ti masaomi kenka, apo? Kasano a makilinnawagkami? Ania ti ibagami tapno maipaneknekmi nga awan ti basolmi? Ti Dios ti nakasukal iti nakabasolanmi, apo. Ita, agbalinkamin a tagabum, dakami amin—saan la a ti nakasarakan iti kopa.”

Dagiti Aramid 25:11

No adda sinalungasingko a linteg, ket nakaaramidak iti banag a rumbeng a pakatayak, diak rigaten ti matay. Ngem no awan kinapudno dagiti nakaidarumak, awan ti kalintegan ti siasinoman a mangyawat kaniak kadakuada. Agkamangak iti Emperador.”