Genesis 42:1 - Ti Baro a Naimbag a Damag Biblia

¹ Idi maammoan ni Jacob nga adda irik idiay Egipto, kinunana kadagiti annakna, “Ania ti kukuaenyo? Apay a dikayo agtignay?

Ti Biblia (1973)

¹ Idi ni Jacob naammoanna a sadiay Egipto adda pagtaraon idi, ni Jacob kinunana cadagiti annacna a lallaki, Ania ti gapuna nga agkikinnitacayo?

Genesis 42:1 Iomraidhean Croise

Genesis 41:54

ket nangrugi ti pito a tawen ti panagbisin, kas imbaga ni Jose. Adda taraon iti entero nga Egipto idinto nga adda panagbisin kadagiti sabali a pagilian.

Genesis 41:57

Iti amin a lugar, kimmaro ti kasta a kasasaad agingga a napan dagiti tattao iti entero a lubong idiay Egipto tapno gumatangda iti irik ken ni Jose.

Genesis 42:2

Nadamagko nga adda makan idiay Egipto. Inkayo gumatang sadiay iti kanentayo tapno ditayo matay iti bisin.”

1 Ar-ari 19:3

Nagbuteng ni Elias ket naglibas tapno maispal ti biagna. Intugotna ti adipenna ket napan idiay Beerseba iti sakup ti Juda. Imbatina ti adipenna sadiay.

ESDRAS 10:4

Rebbengmo ti aggunay. Ibagam ti rumbeng a maaramid, ket sumurotkami kenka.”

Exodo 20:18

Idi mangngeg dagiti tattao ti gurruod ken ti tangguyob, idi makitada ti kimat ken ti umas-asuk a bantay, nagpigergerda iti buteng ket immadayoda.

Exodo 5:19

Nabigbig dagiti kapatas nga agpeggad ti kasasaadda iti naibaga kadakuada a di maksayan ti bilang ti ladrilio nga aramidenda iti inaldaw.

Jeremias 8:14

“Apay nga agtutugawtayo nga awan ti ar-aramidentayo?” saludsoden dagiti tattao ti Dios. “Umaykayon, intayo kadagiti nasarikedkedan a siudad ket mataytayo sadiay. Inkeddeng ti Apo a Diostayo a mataytayo. Inikkannatayo iti nasabidongan a danum nga inumentayo agsipud ta nagbasoltayo kenkuana.

Oseas 5:13

Idi makita ti Israel ti sakitna, ken makita ti Juda dagiti sugatna, napan ti Israel idiay Asiria tapno agpatulong iti natan-ok nga emperador ngem dina ida maagasan wenno mapaimbag dagiti sugatda.

Dagiti Aramid 7:12

Idi madamag ni Jacob nga adda makan idiay Egipto, imbaonna a mapan sadiay dagiti annakna, isuda a kapuonantayo. Daytoy ti damo nga ipapanda idiay Egipto.

Taga-Galacia 2:7

Nabigbigda ketdi nga inted ti Dios kaniak ti trabaho a mangikasaba iti ebanghelio kadagiti Hentil, kas met iti panangitedna iti trabaho ken ni Pedro a mangikasaba iti ebanghelio kadagiti Judio.

Josue 7:10

Kinuna ni Yahweh ken ni Josue, “Apay nga agpakpaklebka? Bumangonka.