Genesis 41:8 - Ti Baro a Naimbag a Damag Biblia

⁸ Kabigatanna, nariribuk ti ari, isu a pinaayabanna dagiti amin a salamangkero ken mamasirib iti Egipto. Sinaritana kadakuada dagiti natagtagainepna, ngem awan ti makailawlawag ti kaipapananda.

Ti Biblia (1973)

⁸ Ket naaramid iti cabigatanna, a naculcolan ti cararuana; ket nagbaon ket pinaayabanna amin dagiti managsalamangca sadi Egipto, ken amin dagiti mamasirib ti daga: ket ni Faraon sinaritana cadacuda ti tagtagainepna; ngem awan cadacuada ti nacaipalawag ken Faraon.

Genesis 41:8 Iomraidhean Croise

Genesis 40:6

Kabigatanna, idi mapan agserbi kadakuada ni Jose, nadlawna nga adda pakariribukanda

Genesis 40:8

“Ammom,” kinunada. “Adda natagtagainepmi idi rabii ngem awan man la ditoy ti makailawlawag iti kaipapanan dagitoy.” Kinunana ni Jose, “Ti Dios laeng ti makailawlawag iti kaipapanan dagiti tagtagainep. Ibagayo kaniak dagiti tagtagainepyo.”

Genesis 41:15

“Nagtagtagainepak,” kinuna ti ari ken ni Jose, “ngem awan ti makaibaga iti kaipapanan ti tagtagainepko. Naibaga kaniak a nalaingka kano a mangipatarus iti tagtagainep.”

Genesis 41:24

Inalun-on dagiti eppes a dawa dagiti nabagas. Imbagak ti tagtagainepko kadagiti salamangkero ngem awan ti makaibaga iti kaipapananda.”

Genesis 41:7

Inalun-on dagiti eppes a dawa dagiti nabagas ken natangkenan a dawa. Nakariing ti ari ket nabigbigna nga agtagtagainep la gayam.

Dagiti Salmo 25:14

Gagayyem ni Yahweh dagiti agtulnog kenkuana, ket patalgedanna kadakuada ti tulagna.

Exodo 7:11

Inayaban ti ari dagiti mamasirib ken dagiti salamangkerona ket babaen iti salamangkada, inaramidda met ti inaramid ni Aaron.

Exodo 7:22

Ngem nagsalamangka dagiti salamangkero ti Egipto; kasta met ti inaramidda. Ad-adda manen a timmangken ti puso ti ari. Dina impangag da Moises ken Aaron a kas iti kinuna ni Yahweh.

Exodo 8:7

Ngem babaen iti salamangka dagiti salamangkero, kastoy met ti inaramidda ket timmakdang dagiti tukak.

Exodo 9:11

Kas kadagiti dadduma nga Egipcio, nagsagaba met dagiti salamangkero iti gaddil. Nalapunos ti bagida iti gaddil ket saanda nabalinan ti sumango ken ni Moises.

Isaias 19:3

Paayekto ti panggep dagiti taga-Egipto ket dadaelekto ti tured ti pakinakemda. Agpatulongdanto kadagiti didiosenda. Makiumandanto kadagiti mammuyon ket pabagbagaandanto kadagiti espiritu dagiti natay.

Isaias 29:14

Ngarud, makigtotdanto inton agsasaruno a yegko ti saan a mapakpakadaan a didigra. Agbanagto a maag dagiti masirib ket awanto ti imbag nga ipaay kadakuada ti kinasikapda.”

Isaias 8:19

Ibaganto dagiti tattao a makiumankayo kadagiti mammadles ken mammuyon nga agar-arasaas ken agtantanamitim. Addanto agkuna, “Makiumankayo kadagiti mammadles ken mammuyon nga agar-arasaas ken agtantanamitim.” Ngem saan kadi a ti Dios ti pakiumanan dagiti tattao? Rumbeng kadi a makiumanda kadagiti natay nga agpaay kadagiti sibibiag?

Daniel 1:20

Uray ania ti saludsoden ti ari kadakuada, wenno uray ania a problema ti saludsodenna, natakuatanna a dagiti uppat nalalaingda nga amang ngem ti uray siasinoman a mammuyon wenno salamangkero iti entero a pagarian.

Daniel 4:18

“Daytoy ti natagtagainepko,” kinuna ni Ari Nebucadnesar. “Ita, Beltesazar, ibagam kaniak ti kayatna a sawen. Awan kadagiti mammagbaga iti palasio ti makaibaga kaniak iti kayatna a sawen. Ngem maibagam kaniak agsipud ta adda kenka ti espiritu dagiti nasantoan a didiosen.”

Daniel 4:19

Nabayag a nailabeg ni Daniel (a managan pay iti Beltesazar) ket nagdanag iti pampanunotenna. Kinuna ti ari kenkuana, “Beltesazar, saanka a mariribuk gapu iti tagtagainepko ken ti kaipapananna.” Simmungbat ni Beltesazar, “Natan-ok nga Ari, dagiti la koman kabusormo ti pakapasamakan ti kayat a sawen ti tagtagainepmo.

Daniel 4:5

Ngem adda nakabutbuteng a tagtagainepko; nakaal-alliaw dagiti parmatak bayat ti pannaturogko.

Daniel 4:6

Pinaayabak dagiti amin a mamasirib iti Babilonia tapno ibagada ti kaipapanan ti tagtagainepko.

Daniel 4:7

Dimmatag ngarud kaniak dagiti mammadles, salamangkero, mammuyon ken astrologo. Sinaritak kadakuada ti tagtagainepko, ngem dida maibaga ti kaipapananna.

Daniel 5:11

Adda lalaki ditoy pagariam a naparaburan iti espiritu dagiti nasantoan a didiosen. Idi ni tatangmo ti ari, impakita daytoy a tao a naparaburan iti nasayaat a pannakaawat, pannakaammo ken sirib a kas iti sirib dagiti didiosen. Daytoy ti gapuna a dinutokan idi ni Ari Nebucadnesar a tatangmo a mangipangulo kadagiti mammadles, salamangkero, mammuyon ken astrologo.

Daniel 7:28

Daytoy ti pagpatinggaan ti pakasaritaan ti napasamak. Kasta unay ti butengko isut' gapuna a bimsagak ngem awan nangibagbagaak iti daytoy.

Daniel 8:27

Kimmapsutak ket nagsakitak iti sumagmamano nga aldaw. Kalpasanna, bimmangonak ket intuloyko ti trabaho nga inted ti ari kaniak, ngem mailablabegak iti parmata a diak maawatan.

Levitico 19:31

“Dikay mapan makiuman kadagiti agan-anito wenno espiritista tapno saankayo a maibilang a narugit. Siak ni Yahweh a Diosyo.

Levitico 20:6

“Ti siasinoman a mapan kadagiti agan-anito wenno espiritista, diakton ibilang a maysa kadagiti tattaok.

Habakuk 3:16

Mangngegko amin dagitoy ket agkintayegak; agtigerger dagiti bibigko iti buteng. Agkapsut ti bagik, ket agkutukot dagiti tumengko. Anusak nga urayen ti idadateng ti tiempo a panangdusa ti Dios kadagiti mangraut kadakami.

San Mateo 2:1

Nayanak ni Jesus iti ili a Betlehem idiay Judea, idi ni Herodes ti agdama nga ari. Saan a nabayag kalpasan ti pannakayanakna, adda mamasirib a lallaki a taga-daya a napan idiay Jerusalem.

Dagiti Aramid 17:18

Nakisuppiat met kenkuana dagiti mamaestro nga Epicureo ken Estoico. Kinuna ti sumagmamano kadakuada, “Ania ti salsalawasawen daytoy aginsisirib a tao?” Kinuna met ti dadduma, “Kasla sabali a dios ti ikaskasabana.” Kinunada daytoy agsipud ta ikaskasaba ni Pablo ti maipapan ken ni Jesus ken iti panagungar.

Dagiti Aramid 7:22

Iti kasta, naisuro kenkuana ti amin a sirib dagiti taga-Egipto ket nagbalin a naindaklan a tao iti sao ken aramid.

1 Taga-Corinto 1:19

Kas kuna ti Nasantoan a Surat, “Dadaelekto ti sirib dagiti mamasirib, ikkatekto ti pannakaawat dagiti nasaririt.”

1 Samuel 6:2

Kalpasanna, inayaban dagiti tattao dagiti papadi ken dagiti mammadles ket sinaludsodda, “Ania ti aramidenmi iti Lakasa ti Tulag ti Apo ti Israel? Ania ti ipakuyogmi no isublimi iti sigud a yanna?”