Genesis 4:7 - Ti Baro a Naimbag a Damag Biblia

⁷ No naimbag ti inaramidmo, umis-isemka koma. Ngem gapu ta nagaramidka iti dakes, mayarig ti basol iti demonio nga agur-uray a mangkemmeg kenka. Kayatnaka nga iturayan ngem masapul a parmekem.”

Ti Biblia (1973)

⁷ No naimbag ti aramidem apay a dinto macaparagsac? ket no dica agaramid iti naimbag, ti basol cumleb iti ruangan; ket ti calicagumanna sica; ngem sica gundawayam coma.

Genesis 4:7 Iomraidhean Croise

Genesis 19:21

Insungbatna, “Ala wen, sadiayen ti papananyo ket diak dadaelen dayta nga ili.

Genesis 3:16

Kinunana iti babai, “Paaduekto ti rigat a sagabaem bayat ti panagsikogmo. Ket ad-addanto pay inton dumteng ti panagpasikalmo. Nupay kasta, kasapulamto latta ti asawam ngem iturayannakanto.”

2 Samuel 24:23

Inted amin ni Arauna iti ari sana kinuna kenkuana, “Sapay koma ta awaten ti Apo a Diosmo ti datonmo.”

2 Ar-ari 8:28

Kimmappon ni Ari Ahazias ken ni Joram nga ari ti Israel ket ginubatda ni Hazael nga ari ti Siria. Nagranget dagiti dua nga armada iti siudad ti Ramot idiay Galaad ket nasugatan ni Joram.

Ti Libro ni Job 11:14

Papanawem iti balaymo ti kinadakes ken kinakillo.

Ti Libro ni Job 11:15

Iti kasta, mabalinmonto manen a sangoen ti lubong ket maaddanka iti talged ken tured.

Ti Libro ni Job 29:4

Isuda dagidi aldaw a kapigpigsak, idi salsalakniban ti Dios ti pagtaengak, gapu ta gayyemnak.

Ti Libro ni Job 42:8

Ita ngarud, mangalakay iti pito a toro a baka ken pito a kalakian a karnero sayo ited ken ni Job, ket puoranyo dagitoy nga animal a kas datonyo. Idawdawatannakayto ni Job ket sungbatakto ti kararagna. Iti kasta, dikayto ibabain a kas iti kaikarianyo. Ngamin, saan a pudno ti imbagayo maipapan kaniak a kas iti inaramid ni Job.”

Dagiti Proverbio 18:5

Saan a rumbeng nga ayonan ti nakabasol gapu ta no kasta ti maaramid, saanen a maited ti hustisia kadagiti awan basolna.

Dagiti Proverbio 21:27

Kagura ti Apo dagiti managdakdakes nga agidatag kadagiti daton kenkuana, nangruna no dakes ti panggepda.

Jeremias 3:12

Imbagana kaniak nga innak idiay amianan ket ipakaammok daytoy iti Israel, “Mannakikamalala nga Israel, agsublika kaniak. Manangngaasiak ket saanak nga agpungtot. Saan nga agnanayon ti pungtotko kenka.

Jeremias 6:20

Ania ti gapuna a yegda kaniak dagiti insenso a naggapu idiay Seba wenno bangbanglo a naggapu iti adayo a daga? Diak awaten dagiti datonda ket diak maay-ayo kadagiti sakrifisioda.

Mikias 7:18

Awan ti dios a kas kenka, O Apo. Pakawanem dagiti basol dagiti tattao a nakalasat. Dika koma agpungtot iti agnanayon, no di ket ipakitam kadakami ti di agbalbaliw nga ayatmo.

Malakias 1:10

Kuna ti Apo a Mannakabalin-amin, “Adda koma maysa kadakayo a mangirikep iti ruangan ti Templo tapno dikay makastrek a mangpasged iti awan serserbina nga apuy iti altarko. Diak maragsakan kadakayo, ket diak awaten dagiti daton nga idatagyo kaniak.

Malakias 1:13

Kunayo, ‘Naumakamin kadagitoy!’ ket musiigandak. Mangidatagkayo iti tinakaw nga animal a kas datonyo kaniak wenno pilay wenno masakit. Ipagarupyo kadi nga awatek dagitoy?

Malakias 1:8

Ipagarupyo kadi a naimbag ti panangidatagyo kaniak iti bulsek, pilay wenno masakit nga animal? Padasenyo man ti mangted ti kasta nga animal iti gobernadoryo. Maragsakan ngata? Itedna ngata ti masapulyo?”

Numero 32:23

Ngem no diyo tungpalen ti kariyo, ipakpakaunak nga agbasolkayo iti Apo. Uray kitaenyo, awan duadua a madusakayto gapu iti basolyo.

Dagiti Aramid 10:35

Awatenna ti siasinoman nga agbuteng kenkuana ken agaramid iti nalinteg, uray ania a puli ti nagtaudanna.

Taga-Roma 12:1

Kakabsatko, dawatek ngarud kadakayo, a gapu iti naindaklan nga asi ti Dios kadatayo, ipaayyo koma ti bagiyo a kas daton a sibibiag, nasantoan ken makaay-ayo kenkuana. Daytoy ti pudno a panagdaydayaw a rumbeng nga ipaayyo.

Taga-Roma 14:18

Ket no kastoy ti panagserbi ti maysa a tao ken Cristo, paragsakenna ti Dios ket magun-odna ti panagraem ti padana a tao.

Taga-Roma 15:16

kas adipen ni Cristo Jesus nga agtrabaho kadagiti Hentil. Agserbiak a kas padi a mangikaskasaba kadakuada ti Naimbag a Damag nga aggapu iti Dios, tapno agbalin dagiti Hentil a daton a makaay-ayo iti Dios, ken naidaton kenkuana babaen iti Espiritu Santo.

Taga-Roma 6:12

Masapul a saanen nga agturay ti basol kadagiti narukop a bagiyo tapno diyo pabus-oyan dagiti dakes a tarigagayyo.

Taga-Roma 6:16

Awan duadua nga ammoyo a no patagabukayo, isukoyo ti bagiyo iti apoyo. No tungpalenyo ti basol, agtungpalkayto iti patay. No tungpalenyo ti Dios, mapalintegkayto iti sangoanan ti Dios.

Taga-Efeso 1:6

Idaydayawtayo ti Dios gapu iti nakaskasdaaw a panangipakitana iti kinaimbagna kadatayo, gapu iti intedna a sagut kadatayo babaen iti inaramid ti dungdungngoenna nga Anak.

1 Timoteo 5:4

Ngem no adda annak wenno appoko ti maysa a balo, masapul a sursuroenda nga umuna dagiti pagrebbenganda iti familia tapno makasubadda kadagiti nagannak kadakuada ken appoda, agsipud ta daytoy ti pakaragsakan ti Dios.

Hebreo 11:4

Gapu ta adda pammati ni Abel, nangipaay iti Dios iti nasaysayaat a daton ngem ti daton ni Cain. Babaen iti pammatina, nagun-odna ti yaanamong ti Dios kas nalinteg a tao agsipud ta inawat ti Dios dagiti sagutna. Gapu iti pammati ni Abel, agsasao pay laeng uray no natayen.

Santiago 1:15

ket inton mainawen ti dakes a tarigagay, maipasngay ti basol. No makadakkelen ti basol, yegna ti patay.

1 Pedro 2:5

Umasidegkayo a kas sibibiag a batbato a maaramat iti pannakabangon ti naespirituan a templo. Agserbikayo a kas nasantoan a papadi a mangipaay iti daton a naespirituan ken makaay-ayo iti Dios babaen ken Jesu-Cristo.