Genesis 4:14 - Ti Baro a Naimbag a Damag Biblia

¹⁴ Ita ta pinagtalawnakon iti daytoy a daga tapno adayoak iti imatangmo, agkalkallautang ken agalla-allaakto. Papatayennakto ti siasinoman a makakita kaniak.”

Ti Biblia (1973)

¹⁴ Adtoy, pinagtalawnac ita nga aldaw iti rabaw ti daga; ket iti sangoanam aglemmengacto; agwalangwalangacto ken agpagnaacto iti daga; ket maaramidto nga uray siasino a macasarac caniac, patayennacto.

Genesis 4:14 Iomraidhean Croise

Genesis 3:24

Iti bangirna't daya ti minuyongan, nangikabil kadagiti narungsot nga animal a nagpayak. Nangikabil pay iti sumsumged a kampilan tapno awan umasideg iti kayo ti biag.

Genesis 4:13

Ket kinuna ni Cain ken ni Yahweh, “Nadagsen unay kaniak daytoy a pannusa.

2 Samuel 14:7

Ita, apo ari, nagmaymaysa dagiti kakabagiak a bimmusor kaniak. Kayatda nga alaen ti anakko tapno papatayenda met gapu iti panangpapatayna iti kabsatna. No patayenda ti anakko, sisiak laeng ti mabati. Pukawenda ti kakaisuna a namnamak ti biag; awan ti mabati a kaputotan ti asawak tapno mataginayon ti naganna.”

Dagiti Salmo 109:10

Agpalpalama koma nga awan taengda dagiti annakna; mapapanawda koma iti rebba a pagnaedanda.

Dagiti Salmo 109:12

Awan koma ti mangngaasi kenkuana; awan koma ti mangaywan kadagiti inulilana.

Dagiti Salmo 143:7

O Apo, inka kadin ipangag ti dawatko; ti amin a namnamak napukawko. Dinak kadi ilemmengan amangan no maipadaak kadagiti bumaba iti lubong dagiti natay.

Dagiti Proverbio 14:32

Dagiti killo nga aramid ti managdakdakes ti mangyeg iti mismo a pannakatnagna, ngem masalakniban ti naimbag a tao babaen iti kinataknengna.

Dagiti Proverbio 28:1

Agtaray ti managdakdakes uray awan kumamkamat kenkuana, ngem ti nalinteg natured a kas iti leon.

Isaias 8:22

wenno mulenglenganda ti daga, awanto ti makitada no di pasig a rigat ken sipnget, ti nakabutbuteng a sipnget a pakaituronganda.

Jeremias 52:3

Nakapungtot ni Yahweh kadagiti tattao ti Jerusalem ken Juda, isu a pinagtalawna ida iti imatangna. Binusor ni Zedekias ti ari ti Babilonia.

Oseas 13:3

Ngarud, mayarigdanto iti angep iti bigat, kas iti linnaaw a mabiit nga agpukaw. Arigdanto iti taep a maipalais iti pagirikan, kas asuk a rummuar iti simborio.

Levitico 26:17

Busorenkayto tapno parmekendakayto dagiti kabusoryo; iturayandakayto dagiti manggurgura kadakayo. Iti butengyo, agtataraykayto uray no awan mangkamkamat kadakayo.

Levitico 26:36

“Dakayo nga adda iti daga dagiti kabusoryo, natakrotkayto ket agtataraykayo uray karasakas laeng ti bulong a mayang-angin ti mangngegyo. Kasla kamkamatendakayto iti paggugubatan ket mapasagkayto uray no awan ti kabusor iti asidegyo.

Numero 35:19

Ti kaasitgan a kabagian ti natay ti akin-akem a mangpatay iti mammapatay iti sadinoman a pakasarakanna kenkuana.

Numero 35:21

wenno panangdanogna kenkuana maibilang a mammapatay ket masapul a mapapatay. Adda kalintegan ti kaasitgan a kabagian ti natay a mangpapatay kenkuana iti sadinoman a pakasarakanna.”

Numero 35:27

ket patayen ti kabagian ti natay, saan a maibilang a pammapatay daytoy a panagibales.

San Mateo 25:41

“Kunananto kadagiti adda iti makannigidna: ‘Umadayokayo kaniak, dakayo nga inlunod ti Dios! Inkayo iti agnanayon nga apuy a naisagana iti Diablo ken kadagiti anghelesna.

San Mateo 25:46

Ngarud, dagitoyto ti mapan iti agnanayon a pannakadusa. Ngem mapanto dagiti nalinteg iti agnanayon a biag.”

Deuteronomio 28:64

“Iwarawaranakayto ti Apo iti amin a suli ditoy lubong. Agserbikayto kadagiti didiosen a naaramid iti kayo wenno iti bato, didiosen a diyo pay nagdaydayawan ken di met nagdaydayawan dagidi kapuonanyo.

Deuteronomio 28:65

Awanto ti masarakanyo a talna iti sadinoman a lugar. Awanto ti disso a makunayo a kukuayo. Madandanagankayto. Kanayonkayto a masikoran ket maawanankayto iti namnama.

2 Taga-Tesalonica 1:9

Madusadanto iti agnanayon a pannakadadael, ket maisinadanto iti sangoanan ti Apo ken iti dayag ti pannakabalinna.