Genesis 4:11 - Ti Baro a Naimbag a Damag Biblia

¹¹ Mailunodka ket dimon mabalin a talonen daytoy a daga, ta inungapna ti ngiwatna a nangawat iti dara ni kabsatmo idi pinataymo.

Ti Biblia (1973)

¹¹ Ita ngarud, nailunodca iti daga, a nanglucat iti ngiwatna tapno awatenna ti dara ni cabsatmo ita imam;

Genesis 4:11 Iomraidhean Croise

Genesis 3:14

Kinuna ni Yahweh a Dios iti uleg, “Madusaka gapu iti inaramidmo. Sika laeng kadagiti amin nga animal ti masapul a mangibaklay iti daytoy a lunod: Manipud ita, aguyaska ket tapok ti kanem iti unos ti panagbiagmo.

Genesis 4:14

Ita ta pinagtalawnakon iti daytoy a daga tapno adayoak iti imatangmo, agkalkallautang ken agalla-allaakto. Papatayennakto ti siasinoman a makakita kaniak.”

Genesis 5:29

Kinuna ni Lamec, “Manipud iti daga nga inlunod ti Apo, mangyeg daytoy nga ubing iti gin-awa kadagiti amin a nadagsen a trabahotayo.” Isu a pinanagananna iti Noe.

Ti Libro ni Job 16:18

O daga, dimo kaluban dagiti dakes a naaramid kaniak! Ipalubosmo a mangngeg ti asugko a mangtunton iti kalintegak.

Isaias 26:21

Manipud iti nailangitan a taengna, umay ti Apo a mangdusa kadagiti tattao ditoy daga gapu kadagiti basolda. Maibutaktakto dagiti pammapatay a naaramid iti nalimed ket dinton ilemmeng ti daga dagiti napapatay.

Taga-Galacia 3:10

Nailunod dagiti mangipagarup nga awatento ida ti Dios gapu iti panagtungpalda iti Linteg. Ta kuna ti Nasantoan a Surat, “Mailunod ti siasinoman a saan nga agtungpal iti amin a naisurat iti libro ti Linteg!”

Paltiing 12:16

Ngem timmulong ti daga iti babai. Nagrengngat ket inigupna ti danum nga impugso ti dragon.