Genesis 4:10 - Ti Baro a Naimbag a Damag Biblia

¹⁰ Ket kinuna ni Yahweh, “Apay a kasta ti inaramidmo? Um-umkis kaniak ti dara ti kabsatmo manipud iti daga ket dumawdawat iti panagibales.

Ti Biblia (1973)

¹⁰ Ket kinunana, Ania ti inaramidmo? Ti timec ti dara ni cabsatmo awagannac manipud iti daga.

Genesis 4:10 Iomraidhean Croise

Genesis 18:20

Kinuna ni Yahweh ken ni Abraham, “Nakabutbuteng ti naipulong nga ar-aramiden ti Sodoma ken Gomorra ket nakaro unay ti basolda.

Genesis 3:13

“Apay nga inaramidmo ti kasta?” sinaludsod ni Yahweh a Dios iti babai. Insungbatna, “Inallilawnak ti uleg, isu a nasulisogak a nangan.”

Genesis 9:5

No adda mangpatay iti tao, patayek met, uray ti animal. Patayek met ti siasinoman a mangpatay iti padana a tao.

2 Ar-ari 9:26

‘Nakitak idi kalman ti pannakapapatay ni Nabot ken dagiti annakna. Ket inkarik a dusaenka iti daytoy met la a talon.’ Alaem ngarud ti bangkay ni Joram,” imbilin ni Jehu iti katulonganna, “ket ibellengmo iti talon a kukua ni Nabot, tapno matungpal ti sao ti Apo.”

2 Cronicas 28:9

Ngem adda profeta ni Yahweh nga agnaed idiay Samaria; Oded ti naganna. Idi agsubli ti armada ti Israel ket dandanida sumrek iti siudad a kaduada dagiti balud a taga-Juda, sinabat ti profeta ida ket kinunana kadakuada, “Nakapungtot idi ti Apo a Dios dagiti kapuonanyo iti Juda ket impalubosna a parmekenyo ida ngem nagpapataykayo ket diyo natengngel ti pungtotyo.

Ti Libro ni Job 16:18

O daga, dimo kaluban dagiti dakes a naaramid kaniak! Ipalubosmo a mangngeg ti asugko a mangtunton iti kalintegak.

Ti Libro ni Job 24:12

Manipud siudad, rumkuas ti ikkis dagiti nasugat ken agbugbugsot, ngem saan nga ipangag ti Dios ti kararagda.

Dagiti Salmo 50:21

Inaramidmo amin dagitoy ngem diak nagtagtagari; iti kasta, impagarupmon a kaslaak met kenka. Ngem ita, babalawenka, ket ilawlawagko ti amin kenka.

Dagiti Salmo 72:14

Ispalenna ida iti pannakaidadanes ken kinaranggas; ispalenna ida ta napateg kenkuana ti biagda.

Dagiti Salmo 9:12

Silalagip ti Dios kadagiti agsagsagaba; wen, dina malipatan dagiti sangsangitda, ket dusaenna dagiti mangranggas kadakuada.

Dagiti Salmo 9:13

Kaasiannak, O Apo, kaasiannak! Kitaem ti panangranggas dagiti gumura kaniak. Iti patay, O Apo, isalakannak,

Exodo 3:7

Kinuna ni Yahweh, “Nakitak ti nakakaasi a kasasaad dagiti tattaok idiay Egipto. Nangngegko ti panagdawatda iti tulong gapu iti pannakaparparigatda. Wen, ammok dagiti sagsagabaenda.

Isaias 5:7

Ti Israel ti kaubasan ni Yahweh a Mannakabalin-amin; dagiti taga-Juda ti ubas nga immulana. Ninamnamana a naimbag ti aramidenda, ngem panagpapatay ketdi ti inaramidda. Ninamnamana a nalinteg ti aramidenda, ngem immawag iti hustisia dagiti indadanesda!

Numero 35:33

No aramidenyo daytoy, tulawanyo ti daga a pagnanaedanyo. Gapu iti pammapatay, matulawan ti daga ket saan a madalusan no saan a maiparukpok ti dara ti tao a pimmatay.

Dagiti Aramid 5:3

Kinuna ni Pedro, “Ananias, apay a pinaiturayanka ken ni Satanas ket inulbodmo ti Espiritu Santo babaen iti panangilemmengmo iti dadduma a naglakoam?

Dagiti Aramid 5:9

Iti kasta, kinuna ni Pedro, “Apay a nagtulaganyo nga agassawa a suoten ti Espiritu ti Apo? Denggem dagiti arimpadek! Addan iti ruangan dagiti lallaki a napan nangitanem iti asawam. Umaydaka met iruar!”

Deuteronomio 21:1

Intuloy ni Moises, “No adda masarakanyo a bangkay iti maysa a talon iti daga nga ited ti Apo a Diosyo kadakayo, ket diyo ammo ti pimmatay,

Hebreo 11:4

Gapu ta adda pammati ni Abel, nangipaay iti Dios iti nasaysayaat a daton ngem ti daton ni Cain. Babaen iti pammatina, nagun-odna ti yaanamong ti Dios kas nalinteg a tao agsipud ta inawat ti Dios dagiti sagutna. Gapu iti pammati ni Abel, agsasao pay laeng uray no natayen.

Hebreo 12:24

Immasidegkayo ken ni Jesus a nangisayangkat iti baro a tulag ken iti naiparukpok a darana a mangipanamnama kadatayo kadagiti bambanag a nasaysayaat ngem ti dara ni Abel.

Santiago 5:4

Diyo pay tinangdanan dagiti pinagtrabahoyo. Denggenyo dagiti angalda. Dimmanonen iti Dios, ti Apo a Mannakabalin-amin, ti ikkis dagiti pinaganiyo.

Josue 7:19

Kinuna ni Josue ken ni Acan, “Anakko, ibagam ti pudno iti sango ni Yahweh a Dios ti Israel. Ipudnom kaniak ti inaramidmo. Dika aglibak kaniak.”

1 Samuel 13:11

ngem kinuna ni Samuel, “Apay a kasta ti inaramidmo?” “Makitak a mawaran ti armada ket mangrugin a panawandakon dagiti tattao,” insungbat ni Saul. “Dika met simmangpet iti aldaw nga imbagam nga isasangpetmo idinto nga aguummong dagiti Filisteo idiay Micmas.