Genesis 39:9 - Ti Baro a Naimbag a Damag Biblia

⁹ Adda turayko a kas kenkuana iti daytoy a balay. Sika laeng ti dina intalek kaniak ta asawanaka. Kasano ngarud nga aramidek ti kasta a kinadakes, ket agbasolak iti Dios?”

Ti Biblia (1973)

⁹ Isu saan a dacdackel itoy a balay ngem siac; ket awan sabali a dina intalec caniac no di la sica, a gapu ta sica ti asawana: casano ngarud ti panangaramidco itoy naindaclan a kinadakes, ken macabasolac iti Dios?

Genesis 39:9 Iomraidhean Croise

Genesis 13:13

Managdakdakes dagiti tattao ti Sodoma ket nakaro ti panagbasolda ken ni Yahweh.

Genesis 20:3

Iti maysa a rabii, nagparang ti Dios kenkuana iti maysa a tagtagainep, ket kinunana, “Matayka, agsipud ta siaasawa daytoy a babai nga innalam.”

Genesis 20:6

Insungbat kenkuana ti Dios iti tagtagainep, “Wen, ammok a nadalus ti konsensiam, isu a diak impalubos a sagidem ti babai tapno saanka a makabasol.

Genesis 20:9

Kalpasanna, pinaayaban ni Abimelec ni Abraham ket sinaludsodna, “Ania daytoy nga inaramidmo kadakami? Ania aya ti dakes nga inaramidko kenka ta inyegmo daytoy a kinadakes kaniak ken iti pagariak? Saan a rumbeng nga aramiden ti siasinoman ti inaramidmo kaniak.

Genesis 24:2

Kinuna ni Abraham iti kalakayan nga adipen nga agay-aywan iti amin a sanikuana, “Ikabilmo ta imam iti baet dagiti luppok ket agsapataka.

Genesis 39:10

Saan nga inkaskaso ni Jose ti inaldaw a pananggargari kenkuana ti babai.

Genesis 41:40

Isaadka a mangituray iti pagiliak ket tungpalendakanto dagiti amin a tattao. Sika laeng ti sumaruno kaniak iti kinaturay.

Genesis 42:18

Iti maikatlo nga aldaw, kinunana kadakuada, “Managbutengak iti Dios ket ispalek ti biagyo iti maysa laeng a kondision.

2 Samuel 11:27

Apaman a nalpas ti tiempo a panangdung-awna iti asawana, pinaala ni David ni Batseba, ket nagbalin nga asawana. Nagpasngay ni Batseba iti lalaki. Ngem saan a naragsakan ni Yahweh iti inaramid ni David.

2 Samuel 12:13

Kinuna ni David, “Nagbasolak iti Apo.” Simmungbat ni Natan, “Pakawanennaka ti Apo iti basolmo; saanka a matay.

Nehemias 5:15

Pinadagsenan dagiti gobernador nga immun-una ngem siak dagiti tattao. Inaldaw nga agsingirda iti kagudua a kilo a pirak a maigatang iti taraon ken arak. Uray dagidi adipenda, pinarparigatda dagiti tattao. Ngem sabali ti inaramidko ta adda panagbutengko iti Dios.

Nehemias 6:11

“Saanak a takrot a lalaki nga agtaray ken aglemmeng,” insungbatko. “Ipagarupmo kadi nga aglemmengak iti Templo tapno maispal ti biagko? Diak aramiden dayta.”

Ti Libro ni Job 31:23

Kabutengko ti pannusa ti Dios isut' gapuna a diak maaramid ti kasta.

Dagiti Salmo 51:4

Nagbasolak kenka, wen, sika laeng ti nagbasolak, nagaramidak iti dakes iti imatangmo. Iti kasta, nalinteg ti panangukommo kaniak, ket nainkalintegan ti pannakadusak.

Exodo 20:14

“Dika makikamalala.

Dagiti Proverbio 6:29

Kasta ti kapeggad ti pannakikaidda iti asawa ti sabali. Agsagaba ti agaramid iti kasta.

Dagiti Proverbio 6:32

Ngem maag ti tao a makikamalala. Dadaelenna laeng ti bagina.

Eclesiastes 7:26

Nasarakak ti nabilbileg ken nasasaem ngem patay—maysa a babai. Kasla iket ti ayatna a mangsilo kenka, kasla kawar ti imana a mangkayetket kenka. Malisian ti nalinteg a tao daytoy a babai, ngem tiliwen ti babai ti managbasol.

Jeremias 28:16

Daytoy ti gapuna a kuna ti Apo a pukawennaka. Sakbay a maturpos daytoy a tawen, mataykanto agsipud ta imbagam kadagiti tattao a sukirenda ti Apo.”

Jeremias 50:7

Darupen ida dagiti makasarak kadakuada. Kuna dagiti kabusorda, ‘Saan a dakes ti inaramidtayo ta nagbasolda iti Apo. Nagtalek dagidi kapuonanda iti Apo ket rebbengda koma ti nagtalinaed a sipupudno kenkuana.’

Levitico 20:10

“Mapapatay ti lalaki a mangkaidda iti asawa ti padana nga Israelita, mapapatay pay ti babai.

Levitico 6:2

Agbasol iti Apo ti siasinoman a di mangisubli iti naipadulin kenkuana wenno mangsaur iti padana a tao wenno agtakaw,

Numero 32:23

Ngem no diyo tungpalen ti kariyo, ipakpakaunak nga agbasolkayo iti Apo. Uray kitaenyo, awan duadua a madusakayto gapu iti basolyo.

San Lucas 12:48

Nalaglag-anto ti pannakasaplit ti adipen a di makaammo iti kayat a paaramid ti amongna nupay no agaramid iti pakaigapuan ti pannakadusana. “No adu ti naited iti tao, adunto met ti manamnama nga aggapu kenkuana. Ngem no ad-adu ti maited iti tao, ad-adunto met ti manamnama nga aggapu kenkuana.”

1 Taga-Corinto 4:2

Ngem masapul a napudno ti adipen iti apona.

Tito 2:10

wenno takawan ida, ngem ipakitada ketdi a napudno ken mapagtalkanda, tapno iti amin nga aramidenda, idayawda ti pannursuro maipapan iti Dios a Mangisalakan kadatayo.

Hebreo 13:4

Masapul a saan a matulawan ti matrimonio ket agtalinaed dagiti agassawa a napudno iti maysa ken maysa. Ngamin, ukomento ti Dios dagiti immoral ken makikamalala.

1 Juan 3:9

Saan nga agbasol ti anak ti Dios, agsipud ta adda kenkuana ti kababalin ti Dios. Gapu ta ti Dios ti Amana, saanna a mabalin ti agbasol.

Paltiing 21:8

Ngem nakabutbutengto ti pagbanagan dagiti takrot, dagiti traidor, dagiti naderrep, dagiti mammapatay, dagiti mannakikamalala, dagiti managanito, dagiti agrukbab kadagiti didiosen ken amin nga ulbod—agyandanto iti dan-aw ti gumilgil-ayab nga apuy ken asufre nga isu ti maikadua nga ipapatay.”

Paltiing 22:15

Ngem mabati iti ruar ti siudad dagiti narukop a tattao, dagiti managsalamangka, dagiti mannakikamalala, dagiti mammapatay, dagiti agdaydayaw kadagiti didiosen ken dagiti managayat ken agaramid iti kinaulbod.