Genesis 32:6 - Ti Baro a Naimbag a Damag Biblia

⁶ Nagsubli dagiti naibaon ket kinunada ken ni Jacob, “Nakasaomi ni Esau a kabsatmo ket umaynaka sabten. Addan iti dalan a kaduana ti 400 a lallaki.”

Ti Biblia (1973)

⁶ Ket dagiti nangyammo nagsublida ken Jacob a kinunada, Nacagtengcami ken cabsatmo nga Esau, ngem umay metten sumabet kenca agraman cadagiti uppat a gasut a lallaki a cacuyogna.

Genesis 32:6 Iomraidhean Croise

Genesis 32:11

Isalakannak koma iti pannakabalin ni kabsatko nga Esau. Mabutengak amangan no umaynakami patayen amin, pati dagiti babbai ken ubbing.

Genesis 32:7

Nagbuteng ken nariribukan ni Jacob. Biningayna iti dua a bunggoy dagiti tattaona, kasta met dagiti karnero, kalding, baka ken kamelio.

Genesis 32:8

Kinunana iti bagina, “No darupennakami ni Esau, mabalin a makalibas ti maysa a bunggoy.”

Genesis 33:1

Nakita ni Jacob a sumungsungad ni Esau ken dagiti 400 a tattaona, isut' gapuna a biningayna dagiti annakna. Naipanda kadagiti innada, da Lea ken Raquel; ken kadagiti dua nga adipen a babbai.

Genesis 33:15

“Mangibatiak ngarud iti sumagmamano a tattaok a mangkuyog kadakayo,” kinuna ni Esau. Ngem kinuna ni Jacob, “Uray saanen, ta kayatko la a magun-od ti panagtalekmo.”

Genesis 33:8

Sinaludsod ni Esau, “Ket daydiay sabali a bunggoy a nasabatko? Ania ti kayatna a sawen?” “Agpaay kenka tapno magun-odko ti panagtalekmo,” insungbat ni Jacob.

Genesis 34:11

Kinuna ni Sikem iti ama ken kadagiti kakabsat ni Dina, “Pangngaasiyo ta patganyo ti dawatko ket itedko ti aniaman a kayatyo.

Genesis 47:25

Insungbatda, “Naimbagka unay kadakami, apo. Inispalnakami. Sisasaganakami nga agbalin a tagabu ti ari.”

Amos 5:19

Mayarigto iti maysa a tao nga itartarayanna ti maysa a leon ket adda oso a masabatna! Wenno mayarigto iti agkamang iti maysa a balay sana isadag ti imana iti diding ket kagaten ti maysa nga uleg!

Ruth 2:13

Kinuna ni Ruth, “Naimbagkayo unay kaniak, apo. Nakagin-awaak iti naanus a panagsaoyo kaniak, nupay no saanak a maipada iti maysa kadagiti adipenyo a babbai.”

Ruth 2:2

Iti maysa nga aldaw, kinuna ni Ruth ken ni Noemi, “Innak idiay taltalon ket agtudtodak kadagiti dawa a mabati dagiti agan-ani. Agyanak iti likudan ti siasinoman a mangipalubos nga agtudtodak iti dawa a mabati.” “Inka, a, anakko,” insungbat ni Noemi.

1 Samuel 1:18

“Sapay koma ta kankanayon a nasayaat ti panangipapanmo kaniak,” kinuna ni Ana. Kalpasanna, pimmanaw, nangan ket saanen a naliday.