Genesis 32:4 - Ti Baro a Naimbag a Damag Biblia

⁴ Kastoy ti pinaibagana: “Siak ni Jacob a kabsatmo ken natulnog nga adipenmo. Kayatko nga ipakaammo a nabayagak a nakipagtaeng ken ni uliteg a Laban ket ita la ti panagsublik.

Ti Biblia (1973)

⁴ Ket binilinna ida a kinunana, Saoenyonto ken apoc nga Esau ti castoy: Castoy ti sinao ni adipenmo a Jacob, Nakicabbalayac ken Laban, ket nakipagtaengac agpapan ita:

Genesis 32:4 Iomraidhean Croise

Genesis 23:6

“Denggennakami, apo. Bigbigendaka a naindaklan a pangulo iti lugarmi. Itabonmo ti asawam iti kasayaatan a tanem a kukuami. Maragsakan ti siasinoman kadakami a mangted kenka iti pangitanemam kenkuana.”

Genesis 25:30

Kinunana ken ni Jacob, “Mabisinak unay. Ikkannak man iti dayta nalabaga bukbukel a lutlutoem.” (Daytoy ti gapuna a napanaganan ni Esau iti Edom.)

Genesis 27:29

Agserbi koma kenka dagiti nasion ket agrukbab kenka dagiti tattao. Iturayam koma dagiti kabagiam ket agrukbab koma kenka dagiti kaputotan ni inam. Mailunod koma dagiti mangilunod kenka ket mabendisionan dagiti mangbendision kenka.”

Genesis 27:37

Simmungbat ni Isaac, “Awanen ti maitedko kenka, anakko. Dinutokakon a mangituray kenka ket pinagbalinkon nga adipenna dagiti amin a kabagianna. Intedkon kenkuana ti trigo ken arak, isu nga awanen ti nabati.”

Genesis 31:41

Kasta la a kasta iti unos ti duapulo a tawen a kaaddak kenka. Sangapulo ket uppat a tawen a nagpatagabuak kenka tapno maasawak dagiti dua nga annakmo. Innem met a tawen nga inaywanak dagiti arbanmo, ket naminsangapulo a binaliwam ti rumbeng a tangdanko.

Genesis 32:18

kastoyto ti isungbatmo, ‘Kukua ni adipenmo a Jacob. Paitedna dagitoy a kas sagut ken ni apona nga Esau. Sumarsaruno kadakami ni Jacob.’”

Genesis 32:5

Adu ti baka, asno, kalding, karnero ken tagabuk. Imbaonko dagitoy pannakabagik bareng magun-odko ti panagtalekmo.”

Genesis 33:14

Pangngaasim ta umun-unakan, ta sumarunoak nga agin-innayad. Ngem ikagumaak ti agdardaras kas kabaelan dagiti arban ken dagiti ubbing ket danonendakanto idiay Seir.”

Genesis 33:8

Sinaludsod ni Esau, “Ket daydiay sabali a bunggoy a nasabatko? Ania ti kayatna a sawen?” “Agpaay kenka tapno magun-odko ti panagtalekmo,” insungbat ni Jacob.

Genesis 36:8

Napan nagnaed ni Esau iti katurturodan a pagilian ti Seir.

Genesis 36:9

Dagitoy dagiti kaputotan ni Esau a kapuonan dagiti Edomita iti katurturodan a pagilian ti Seir.

Genesis 4:7

No naimbag ti inaramidmo, umis-isemka koma. Ngem gapu ta nagaramidka iti dakes, mayarig ti basol iti demonio nga agur-uray a mangkemmeg kenka. Kayatnaka nga iturayan ngem masapul a parmekem.”

1 Ar-ari 20:32

Ngarud, nagbarikesda iti nakersang a lupot ken nangipulipolda iti tali iti tengngedda sada napan ken ni Ahab ket kinunada, “Ipakpakaasi ni adipenmo a Ben-hadad nga ispalem ti biagna.” Insungbat ni Ahab, “Sibibiag kadi pay laeng? Nasayaat! Ibilangko a kas maysa a kabsat!”

Exodo 32:22

Insungbat ni Aaron, “Dinak koma kapungtot, apo. Ammom a napigsa ti tarigagayda nga agaramid iti dakes.

Dagiti Proverbio 15:1

No napakumbaba ti sungbat, sebsebanna ti pungtot; ngem no nagubsang, ad-adda a rubrobanna.

Dagiti Proverbio 25:15

Ti naanus a panangallukoy mabalinna a parukmaen ti napinget nga isusuppiat, ket maguyugoyna pay dagiti agtuturay.

Dagiti Proverbio 6:3

No kasta, anakko, addaka iti pannakabalin dayta a tao ngem kastoy ti aramidem tapno mailisika: dagusem ti mapan kenkuana ket agpakpakaasika a wayawayaannaka.

Eclesiastes 10:4

No kaungetnaka ti agturay kenka, dika agikkat iti trabahom. Mabalin a mapakawan dagiti nadagsen a biddut no agulimekka.

Isaias 21:11

Daytoy ti pakdaar maipapan iti Edom. Manipud Edom adda umawag kaniak, “Guardia, atiddog pay kadi ti rabii? Mabayag pay kadi ti panagbannawagna?”

San Lucas 14:11

Ta maipababanto ti amin a mangitan-ok iti bagina, ket maitan-okto ti amin nga agpakumbaba.”

1 Pedro 3:6

Kasta idi ni Sara. Nagtulnog ken ni Abraham ket inawaganna nga apona. Dakayo ita dagiti annak ni Sara no agaramidkayo iti naimbag ken awan koma ti pagbutengan-yo.

Uk-ukom 5:4

O Apo, idi pinanawam dagiti bantay ti Seir, idi rimmuarka iti sakup ti Edom, nagginggined ti daga; nagtudo wen, nagibuyat iti danum dagiti ulep ti langit.

1 Samuel 26:17

Nailasin ni Saul ti timek ni David ket sinaludsodna, “David, sika kadi dayta, anakko?” “Wen, siak, Natan-ok nga Ari,” insungbat ni David.