Genesis 32:11 - Ti Baro a Naimbag a Damag Biblia

¹¹ Isalakannak koma iti pannakabalin ni kabsatko nga Esau. Mabutengak amangan no umaynakami patayen amin, pati dagiti babbai ken ubbing.

Ti Biblia (1973)

¹¹ Dawatec kenca, isalacannac, iti ima ni cabsatco, iti ima ni Esau: ta cabutengco di la ket ta umay ket sugatennac, ken ti ina ken dagiti annac.

Genesis 32:11 Iomraidhean Croise

Genesis 24:27

Kinunana, “Madaydayaw ti Apo a Dios ni Abraham nga apok. Tinungpalna ti karina. Inturongnak iti balay dagiti kabagian ni apok.”

Genesis 27:41

Ginura ni Esau ti kabsatna ta isu ti binendisionan ti amada. Kinuna ni Esau iti panunotna, “Uray ta asidegen ti ipapatay ni tatang. Patayekto ni Jacob kalpasan ti tiempo ti panagdung-aw.”

Genesis 27:42

Ngem idi naammoan ni Rebecca ti panggep ni Esau, pinaayabanna ni Jacob ket kinunana, “Denggem, kayatnaka a patayen ni Esau a kabsatmo tapno makaibales.

Genesis 32:3

Pinauna ni Jacob ti sumagmamano a tattaona a mapan ken ni kabsatna nga Esau iti pagilian ti Edom.

Genesis 32:7

Nagbuteng ken nariribukan ni Jacob. Biningayna iti dua a bunggoy dagiti tattaona, kasta met dagiti karnero, kalding, baka ken kamelio.

Genesis 33:4

Ngem nagtaray ni Esau a nangsabat kenkuana, inarakupna ni Jacob sana inagkan. Nagsangsangitda a dua.

2 Samuel 7:18

Napan ni Ari David iti nasagradoan a tolda, nagtugaw ket inkararagna: “Saanak a maikari wenno ti familiak, O Apo Dios, iti impaaymo kaniak.

Dagiti Salmo 119:134

Subbotennak kadagiti mangidadanes kaniak tapno matungpalko dagiti bilinmo.

Dagiti Salmo 142:6

Ipangagmo koma ti asugko, ta awanen a pulos ti namnamak. Isalakannak kadagiti kabusorko a napigpigsa nga adayo ngem siak.

Dagiti Salmo 16:1

Salaknibannak, O Dios, ta sika ti pagkamangak.

Dagiti Salmo 25:20

Salaknibannak ket isalakannak; dimo ipalubos a maparmekak, agsipud ta kenka, agkamangak.

Dagiti Salmo 31:2

Denggennak ket dika agtaktak a mangisalakan kaniak. Sika koma ti kamangko ket ikanawanak. Sika koma ti salingedko ket ispalennak.

Dagiti Salmo 43:1

Ipakaammom, O Dios, nga awan basolko, ket ikalintegannak kadagiti awanan Dios; ispalennak kadagiti naulbod ken nakillo!

Dagiti Proverbio 18:19

Tulongam ni kabsatmo ket salaknibannakanto a kasla nabileg a bakud ti siudad, ngem no makiapaka kenkuana, dinakanto pastreken iti balayna.

Daniel 3:17

No ti Dios a pagserserbianmi mabalinnakami nga isalakan iti gumilgil-ayab nga urno ken iti pannakabalinmo, aramidenna dayta.

Oseas 10:14

umayto ti gubat iti iliyo ket madadaelto ti amin a sarikedkedyo. Kaslanto iti aldaw idi rinebbek ni Ari Salmana ti siudad ti Bet-arbel ket narumrumek dagiti inna ken dagiti annakda.

San Mateo 6:13

Dinakam iturong iti nakaro a pakasuotan; Ilisinakami ketdi iti Managdakdakes.’

Deuteronomio 22:6

“No makasarakkayo iti umok ti billit iti kayo wenno iti daga ket adda tumatayab a manguk-ukop wenno mangsalsallukob kadagiti piekna diyo alaen ti tumatayab.

1 Samuel 12:10

Kalpasanna, nagpatulongda manen iti Apo. Kinunada, ‘Nagbasolkami, gapu ta tinallikudandaka, O Apo, ket nagdaydayawkami kadagiti imahen da didiosen a Baal ken Astarte. Ispalennakami kadagiti kabusormi, ket agdaydayawkaminto kenka!’

1 Samuel 24:15

Ninto Apo ti mangukom ket ikeddengna no sinno kadata ti nagbiddut. Usigenna koma daytoy a banag; salaknibannak ket isalakannak iti pannakabalinmo.”