Genesis 3:6 - Ti Baro a Naimbag a Damag Biblia

⁶ Nakita ti babai a napintas ti kayo ken impapanna a nasayaat a kanen ti bungana. “Nagsayaat ket ngatan ti agbalin a masirib!” kinunana iti nakemna. Nangpuros iti sumagmamano a bunga ti kayo sa nangan. Inikkanna met ti asawana ket nangan ti lalaki.

Ti Biblia (1973)

⁶ Ket idi ti babai nakitana nga ti cayo nasayaat a canen, ken macaayayo a buyaen ken cayo a macagargari a mamagsirib, pimmuros iti bungana ket nangan, casta met iniccanna ni asawana ket isu nakipagcaan met.

Genesis 3:6 Iomraidhean Croise

Genesis 3:12

“Wen, inikkannak ti babai nga intedmo a katakunaynayko ket kinnanko,” insungbat ti lalaki.

Genesis 3:17

Kinunana iti lalaki, “Impangagmo ti asawam ket kinnanmo ti bunga nga imbagak a dimo kanen. Gapu iti daytoy nga inaramidmo, mailunodto ti daga. Masapul nga igaedmo ti agtrabaho iti unos ti panagbiagmo tapno adda apitem ket umanay ti taraonmo.

Genesis 39:7

Iti saan a mabayag, nakayawan kenkuana ti asawa ni Potifar. Ginargari ti babai nga agkaiddada.

Genesis 6:2

Idi makita dagiti nailangitan a parsua a napipintasda, pinilida dagiti magustoanda ket inasawada ida.

2 Samuel 11:2

Iti maysa a mumalem, kalpasan ti pannaturog ni David immuli iti tuktok ti palasio ket nagpagnapagna. Manipud iti ayanna, natannawaganna ti maysa a babai nga agdigdigos. Nakapimpintas ti babai.

1 Ar-ari 13:19

Simmurot ngarud ti profeta a taga-Juda iti lakay a profeta ket nakipangan kenkuana.

Ti Libro ni Job 31:1

Insapatak a pulos a diak matmatan a sidederrep ti maysa a balasang.

Ezekiel 24:16

“Anak ti tao, kellaatek nga alaen ti tao nga ipatpategmo unay. Ngem saanka koma nga agreklamo, wenno agsangit wenno aglua.

Ezekiel 24:21

nga ipakaammok kadakayo nga Israelita ti mensahena. Tulawanto ti Apo ti templona—ti sarikedked a pagtangtangsityo ken pagay-ayatyo a kitkitaen ken sarungkaran. Matayto iti gubat dagiti ubbing a kameng ti familiayo a nabati iti Jerusalem.

Ezekiel 24:25

Kinuna ni Yahweh, “Ita, anak ti tao, ikkatek ti natibker a Templo a pagtangtangsit ken pagragsakanda, pagay-ayatda a kitkitaen ken sarsarungkaran. Alaekto dagiti annakda.

Oseas 6:7

“Ngem apaman a simrekda iti daga ti Adam, sinalungasingda ti nagtutulaganmi.

San Mateo 5:28

Ngem ita, ibagak kadakayo a ti siasinoman a mangmatmat iti maysa a babai, ket gartemanna, iti pusona nakabasolen iti pannakikamalala.

1 Timoteo 2:14

Saan a ni Adan ti naallilaw no di ket ti babai a nangsalungasing iti linteg ti Dios.

Josue 7:21

Adda dagiti inagumak kadagiti nasamsamtayo; mairaman kadagitoy ti napintas a kagay Babilonia, agarup walo a libra a pirak ken maysa a barreta ti balitok nga agdagsen iti nasurok a dua a libra. Masarakanyo dagitoy a naikali iti uneg ti toldak, agraman ti pirak iti lansadna.”

1 Juan 2:16

Ta agtaud iti lubong ti amin nga adda ditoy lubong, a kas iti kinaderrep ti derrep, kinaderrep ti mata ken kinapalangguad. Saanda nga agtaud iti Ama.

Uk-ukom 14:17

Daytoy ti nagsangsangitan ti babai bayat ti boda. Ngem iti maikapito nga aldaw, imbaga ni Samson agsipud ta pinilit ni asawana nga ibagana. Ket imbaga ti asawana daytoy kadagiti kailianna.