Genesis 3:15 - Ti Baro a Naimbag a Damag Biblia

¹⁵ Pagginnuraenkayto iti babai. Saanto nga agpatingga ti panagbinnusor dagiti kaputotanyo. Rim-itento ti kaputotanna ti ulom ket kagatemto met ti mukodna.”

Ti Biblia (1973)

¹⁵ Ket Siac pagginnuraencayto iti babai, ken ti caputotam ken ti caputotanna: daytoy sugatennanto ta olom, ket sica sugatemto ti mucodna.

Genesis 3:15 Iomraidhean Croise

Genesis 49:17

Arigto ni Dan iti uleg iti igid ti dalan; wen, nagita nga uleg iti igid ti dana a mangkagat iti mukod ti kabalio a pakatnagan ti nagsakay.

Dagiti Salmo 132:11

Sinapataam ti karim ken ni David, ket saanmonto a paglikudan: “Isaadkonto nga ari ti maysa kadagiti annakmo, ket sumarunonto kenka nga agtugaw iti trono.

Isaias 53:12

Ikkakto ngarud iti natan-ok a saad, saad a maipaay kadagiti natan-ok ken nabileg a tattao. Siaayat a nangted iti biagna, ket naibilang kadagiti managdakdakes. Innalana ti lugar dagiti adu a managbasol, ket sinagabana ti dusa a maipatay kadakuada.”

Isaias 7:14

Ngarud, ti Apo a mismo ti mangted kenka iti pagilasinan. Adtoy, agsikogto ti maysa nga agtutubo a balasang. Aganakto iti lalaki ket panagananna iti Immanuel.

Jeremias 31:22

Kasano pay kabayag ti panagsarimadengyo, dakayo a saan a napudno a tattao? Pinarsuak ti maysa a baro a banag; naidumduma a kas iti babai a mangsalaknib iti lalaki.”

Daniel 9:26

Inton aggibus dayta a tiempo, mapapatayto nga awan gapgapuna ti pinili ti Dios. Madadaelto ti siudad ken ti Templo. Dadaelento ti rumaut nga armada ti maysa a nabileg a pangulo. Kaslanto layus a dumteng ti panungpalan. Yegnanto ti gubat ken pannakadadael nga insagana ti Dios.

Amos 9:3

No aglemmengda iti tapaw ti Bantay Carmel, birokekto ida ket tiliwek ida. No ilemmengandak iti lansad ti taaw, bilinekto ti dragon ti taaw a mangalun-on kadakuada.

Mikias 5:3

Ngarud, yawatto ni Yahweh dagiti tattaona kadagiti kabusorda agingga nga ipasngay ti babai ti anakna a lalaki. Kalpasanna, agsublinto dagiti kadaraanna a naitalaw a kas balud ket maitiponda kadagiti kailianda.

San Mateo 1:23

“Agsikogto ti birhen a balasang. Ipasngaynanto ti maysa a lalaki, ket mapanagananto iti Immanuel a kayatna a sawen, ‘Adda kadatayo ti Dios.’”

San Mateo 1:25

Ngem saanna a dinennaan ni Maria sakbay a nangipasngay iti anak a lalaki a pinanaganan ni Jose iti Jesus.

San Mateo 12:34

Dakayo a kaputotan ti uleg, kasano ti panagsaoyo iti naimbag idinto a dakeskayo? Ta isawang ti ngiwat ti linaon ti puso.

San Mateo 13:38

“Ti talon isu ti lubong. Ti nasayaat a bukel isuda dagiti annak ti Pagarian. Dagiti ruot isuda dagiti annak ti Managdakdakes.

San Mateo 23:33

Karasaen! Annak dagiti uleg! Kasano ti pananglisiyo iti dusa idiay infierno?

San Mateo 3:7

Idi makita ni Juan dagiti adu a Fariseo ken Saduceo tapno agpabuniagda kenkuana, kinunana kadakuada: “Dakayo a kaputotan ti uleg, siasino ti nangibaga a malisianyo ti dusa a dandanin idissuor ti Dios?

San Marcos 16:18

Uray no agiggemda kadagiti uleg, wenno uminumda iti sabidong, didanto maan-ano. Ipataydanto ti imada kadagiti masakit ket umimbagdanto.”

San Lucas 1:76

“Sika, anakko, managanankanto iti profeta ti Dios a Kangatoan. Ta umun-unakanto ngem ti Apo, Tapno isaganam ti pagnaanna,

San Lucas 10:19

Denggenyo: Inikkankayo iti pannakabalin a mangbaddek kadagiti uleg ken manggagama ken mangparmek iti bileg ti Kabusor. Awanto ti pakaan-anoanyo.

San Lucas 22:53

Inaldaw a nakipulpulapolak kadakayo idiay Templo, ngem didak inan-ano. Nupay kasta, daytoyen ti orasyo—ti oras a panagturay ti sipnget.”

San Lucas 24:27

Ket impalawagna kadakuada dagiti bambanag maipapan kenkuana kas masarakan kadagiti amin a Sursurat manipud kadagiti libro ni Moises ken dagiti sursurat dagiti amin a profeta.

San Juan 8:44

Annaknakayo ti Diablo nga amayo, ket kayatyo a tungpalen ti pagayatanna. Mammapatayen manipud idi damo ket pulos a dina kanunongan ti pudno, ta awan kenkuana ti pudno. No agulbod, ar-aramidenna laeng ti natural kenkuana ta sigud nga ulbod ken ama ti amin a kinaulbod.

Dagiti Aramid 13:10

sana kinuna: “Sika nga anak ti Diablo! Sika ti kabusor ti amin a kinalinteg. Nasikapka la unay. Apay a kankanayonmo a balballikugen ti kinapudno maipapan iti Apo?

Taga-Roma 16:20

Iti mabiit, ti Dios a pagtaudan ti talna, parmekennanto ni Satanas. Adda koma kadakayo ti parabur ni Apotayo a Jesus.

Taga-Roma 3:13

Kasla tanem a silulukat ti ngiwatda, agkakadakes a kinaulbod ti baliksen dagiti dilada. Makapatay a sao, kasla gita ti uleg ti yebkas dagiti bibigda.

Taga-Galacia 4:4

Ngem idi dimtengen ti tumutop a tiempo, imbaon ti Dios ti mismo nga Anakna. Immay a nayanak iti babai; nagbiag iti babaen ti Linteg dagiti Judio

Taga-Efeso 4:8

Kas kuna ti Nasantoan a Surat, “Idi immuli sadi langit Adu a balud ti inkuyogna. Nagited iti sagsagut iti sangkataoan.”

Taga-Colosas 2:15

Iti dayta a krus, pinarmek ni Cristo dagiti naespirituan nga agtuturay ken pannakabalin. Impabuyana ida a sipupungo iti parada ti panagballigina.

Hebreo 2:18

Ita, matulonganna dagiti masulisog, agsipud ta isu a mismo, nasulisog ken nagsagaba.

Hebreo 5:7

Bayat ti panagbiag ni Jesus ditoy daga, inyikkis ken insangitna ti nagkararag ken nagdawat iti Dios a makaisalakan kenkuana iti patay. Impangag ti Dios agsipud ta natulnog ken napakumbaba.

1 Juan 3:10

Ti nalawag a pakaigiddiatan dagiti annak ti Dios kadagiti annak ti Diablo isu daytoy: Saan nga anak ti Dios ti siasinoman a di agaramid iti naimbag wenno di agayat iti kabsatna.

1 Juan 3:8

Ngem kadua ti Diablo ti saan a sumardeng nga agbasol, ta nagbasolen ti Diablo manipud pay idi punganay. Daytoy ti gapuna nga immay ti Anak ti Dios tapno dadaelenna dagiti aramid ti Diablo.

1 Juan 5:5

Siasino ti makaparmek iti lubong? Awan sabali no di ti mamati a ni Jesus ket Anak ti Dios.

Paltiing 12:17

Gapu iti pungtot ti dragon, napanna ginubat dagiti nabati nga annak ti babai, dagiti amin nga agtungtungpal kadagiti bilbilin ti Dios ken mangsaksaksi iti pudno nga impaltiing ni Jesus.

Paltiing 13:7

Napalubosan a manggubat ken mangparmek kadagiti tattao ti Dios, ket naikkan iti kalintegan a mangituray kadagiti tattao iti amin a tribu, pagilian, pagsasao ken puli.

Paltiing 2:10

Dika agbuteng kadagiti panagsagaba a dumtengto kenka. Denggem, suotennaka ti Diablo babaen iti panangipisokna iti sumagmamano kadakayo iti pagbaludan. Agrigatkayto iti uneg ti sangapulo nga aldaw. Agtalinaedka ngarud a mapagtalkan uray pay no isut' pakatayam ket itedkonto kenka ti biag a kas gunggona ti balligim.

Paltiing 20:10

Kalpasanna, naitappuak iti dan-aw ti apuy ken asufre ti Diablo a nangallilaw kadakuada. Daytoy met la a dan-aw ti nakaitappuakan ti narungsot nga animal ken ti sinan-profeta. Matutuokdanto sadiay iti aldaw ken rabii, iti agnanayon nga awan inggana.