Genesis 26:4 - Ti Baro a Naimbag a Damag Biblia

⁴ Paraburankanto iti adu a kaputotan a kas iti kaadu dagiti bituen ket itedkonto kadakuada amin daytoy a daga. Dawatento dagiti amin a nasion ditoy lubong a bendisionak ida kas iti panangbendisionko kadagiti kaputotam.

Ti Biblia (1973)

⁴ Ket pagaduecto ti putotmo a cas cadagiti bitbitwen ti langit, ket itedconto iti putotmo amin dagitoy a dagdaga; ket amin a nasnacion iti daga mabendicionandanto iti putotmo;

Genesis 26:4 Iomraidhean Croise

Genesis 13:16

Paraburankanto iti adu a kaputotan. Awanto ti makabilang iti kaaduda ket nalaklakanto a bilangen ti tapok iti daga.

Genesis 15:18

Iti dayta met la a kanito, nakitulag ni Yahweh ken ni Abram. Kinunana, “Ikarik nga itedko iti kaputotam amin daytoy a daga manipud iti beddeng ti Egipto agingga iti Karayan Eufrates,

Genesis 15:5

Inruar ni Yahweh ni Abram ket kinunana, “Tumangadka ket padasem a bilangen dagiti bituen. Kastanto ti kaadu dagiti kaputotam.”

Genesis 18:18

Agbalinto dagiti kaputotanna a naindaklan ken nabileg a nasion. Agdawatto dagiti amin a nasion ti lubong a bendisionak ida a kas iti panangbendisionko kenkuana.

Genesis 26:24

Iti dayta a rabii, nagparang ni Yahweh kenkuana ket kinunana, “Siak ti Dios ni Abraham a tatangmo. Dika agbuteng; addaak kenka. Bendisionanka ket paraburanka iti adu a kaputotan gapu iti karik ken ni adipenko nga Abraham.”

Genesis 28:14

Umadunto ti kaputotam—kaslanto tapok ti kaaduda. Agwarasdanto iti amin a lugar ket dawatento dagiti amin a nasion a bendisionak met ida a kas iti panangbendisionko kenka ken kadagiti kaputotam.

Genesis 28:3

Bendisionan koma ti Dios a Mannakabalin-amin ti kallaysayo ket ikkannakayo iti adu nga annak tapno agbalinka nga ama ti dakkel a nasion.

Genesis 35:12

Itedkonto kenka ken kadagiti sumarsaruno a kaputotam ti daga nga inkarik kada Abraham ken Isaac.”

Genesis 47:27

Nagnaed dagiti Israelita iti deppaar ti Gosen idiay Egipto. Bimmaknangda ken immadu dagiti annakda.

1 Cronicas 27:23

Saan nga inraman ni Ari David iti sensus dagiti tattao nga awan pay 20 a tawenna agsipud ta inkari ni Yahweh a paaduenna dagiti Israelita a kas iti kaadu dagiti bituen.

Dagiti Salmo 72:17

Pulos a dinto koma malipatan ti naganna; agpaut koma a kas iti init ti kinalatakna. Agdaydayaw koma dagiti amin a nasion kenkuana; dawatenda koma a bendisionan ti Dios ida a kas iti pannakabendision ti ari.

Exodo 32:13

Laglagipem da Abraham, Isaac ken Jacob nga adipenmo. Laglagipem ti kari a sinapataam kadakuada a paaduem ti kaputotanda a kas iti kaadu dagiti bituen ti langit ket itedmo amin daytoy a daga nga inkarim a tagikuaenda iti agnanayon.”

Exodo 6:4

Nakitulagak pay kadakuada: Inkarik nga itedko kadakuada ti daga a Canaan a nagnaedanda a kas ganggannaet.

Dagiti Aramid 3:25

Agpaay kadakayo dagiti inkari ti Dios babaen kadagiti profeta, ket mairamankay iti katulagan ti Dios kadagiti kapuonanyo idi kinunana ken ni Abraham: ‘Bendisionakto amin a tattao ditoy daga babaen kadagiti kaputotam.’

Taga-Galacia 3:16

Ita, adda inkari ti Dios ken ni Abraham ken iti kaputotanna. Saan a kuna ti kari, “ken kadagiti kaputotam,” kayatna a sawen, adu a tattao; ngem kunana, “ken iti kaputotam,” kayatna a sawen, maymaysa laeng a tao nga isu ni Cristo.

Taga-Galacia 3:8

Impakpakauna ti Nasantoan a Surat a palintegen ti Dios dagiti Hentil babaen iti pammati. Ket naipakaammo ti Naimbag a Damag ken ni Abraham, “Sikanto ti aramaten ti Dios iti panangbendisionna iti amin a sangkataoan.”

Deuteronomio 13:17

Awan ti alaenyo kadagiti naituding a madadael tapno agbaaw ti pungtot ti Apo ken kaasiannakayo ket paaduennakayto a kas inkarina kadagiti kapuonanyo.

Deuteronomio 9:5

Saan a gapu ta naimbagkayo ket nasayaat ti aramidyo nga ipalubos ti Apo a tagikuaenyo ti dagada. Pagtalawenna ida gapu iti kinadakesda ken tapno matungpal ti karina kada Abraham, Isaac ken Jacob a kapuonanyo.

Hebreo 11:2

Gapu iti pammati, nagun-od dagiti tattao idi un-unana ti yaanamong ti Dios kadakuada.