Genesis 26:3 - Ti Baro a Naimbag a Damag Biblia

³ Agnaedka ditoy ket addaakto kenka. Bendisionankanto. Itedkonto amin daytoy a daga kenka ken kadagiti kaputotam, kas inkarik ken ni tatangmo nga Abraham.

Ti Biblia (1973)

³ Agnaedca iti daytoy a daga, ket siac addaacto kenca, ket bendicionancanto; ta kenca ken iti putotmo itedconto amin dagitoy a dagdaga, ket patalgedacto ti sapata nga insaptac ken Abraham nga amam;

Genesis 26:3 Iomraidhean Croise

Genesis 12:7

Nagparang ni Yahweh ken ni Abram ket kinunana kenkuana, “Daytoy ti daga nga itedko kadagiti kaputotam.” Nangbangon sadiay ni Abram iti altar nga agpaay ken ni Yahweh a nagparang kenkuana.

Genesis 13:15

Itedko kenka ken kadagiti kaputotam ti amin a daga a makitam ket kukuayonto iti agnanayon.

Genesis 13:17

Ita, inka sursoren ti entero a daga gapu ta itedko amin kenka daytoy.”

Genesis 15:18

Iti dayta met la a kanito, nakitulag ni Yahweh ken ni Abram. Kinunana, “Ikarik nga itedko iti kaputotam amin daytoy a daga manipud iti beddeng ti Egipto agingga iti Karayan Eufrates,

Genesis 17:19

Ngem kinuna ti Dios, “Saan. Aganakto ni Sara iti lalaki ket panaganamto iti Isaac. Tungpalekto ti pagtulaganmi ken ni Isaac ken kadagiti kaputotanna. Agnanayon daytoy a tulag.

Genesis 17:8

Itedkonto kenka ken kadagiti kaputotam daytoy a daga a pagnanaedam ita a kas ganggannaet. Kukuanto dagiti kaputotam iti agnanayon ti entero a daga ti Canaan, ket siakto ti Diosda.”

Genesis 20:1

Pimmanaw ni Abraham idiay Mamre ket napan iti Negeb. Nagnaed iti nagbaetan ti Kades ken Sur. Bayat ti panagnaedna idiay Gerar,

Genesis 25:11

Kalpasan ti ipapatay ni Abraham, binendisionan ti Dios ni Isaac nga anakna a nagnaed iti asideg ti Beer-lahai-roi.

Genesis 26:12

Nagtalon ni Isaac iti dayta a daga. Iti dayta a tawen, nakaapit iti maminggasut a kaadu ti immulana, gapu ta binendisionan ni Yahweh.

Genesis 26:14

Inapalan dagiti Filisteo ta adu ti tagabu ken arbanna a karnero ken baka.

Genesis 26:24

Iti dayta a rabii, nagparang ni Yahweh kenkuana ket kinunana, “Siak ti Dios ni Abraham a tatangmo. Dika agbuteng; addaak kenka. Bendisionanka ket paraburanka iti adu a kaputotan gapu iti karik ken ni adipenko nga Abraham.”

Genesis 28:13

Pagammoan, nakitana ni Yahweh nga agtaktakder iti dennana. “Siak ni Yahweh a Dios ni Abraham ken ni Isaac,” kinunana. “Itedkonto kenka ken iti kaputotam daytoy a daga a pagid-iddaam.

Genesis 28:15

Laglagipem nga addaakto kenka ket salaknibankanto iti amin a papanam. Isublikanto ditoy a daga. Dikanto baybay-an agingga a maaramidko ti amin nga inkarik kenka.”

Genesis 31:3

Kinuna ni Yahweh ken ni Jacob, “Agsublika iti daga dagiti kapuonam ken kadagiti kakabagiam. Addaakto kenka.”

Genesis 35:12

Itedkonto kenka ken kadagiti sumarsaruno a kaputotam ti daga nga inkarik kada Abraham ken Isaac.”

Genesis 39:2

Nagserbi ni Jose iti balay ti apona nga Egipcio. Tinultulongan ni Yahweh ket nagballigi iti aniaman nga aramidenna.

Genesis 39:21

Ngem saan a binaybay-an ni Yahweh. Binendisionanna ni Jose, isu a nagbalin a nasayaat kenkuana ti guardia ti pagbaludan.

Genesis 48:21

Kalpasanna, kinuna ni Jacob ken ni Jose, “Dandaniakon matay, ngem addanto ti Dios kadakayo ket isublinakayto iti daga dagidi kapuonanyo.

Genesis 50:24

Kinunana kadagiti kakabsatna, “Dandanin ti ipapatayko, ngem awan pagdanaganyo ta aywanannakayo ti Dios. Ipanawnakayo iti daytoy a daga ket ipannakayo iti daga a sinapataanna nga ited kada Abraham, Isaac ken Jacob.”

Dagiti Salmo 105:8

Silalagip nga agnanayon iti katulaganna, kadagiti karina iti rinibu a kaputotan.

Dagiti Salmo 105:9

Tungpalenna ti nagtulaganda ken ni Abraham, ken ti inkarina ken ni Isaac.

Dagiti Salmo 32:8

Kuna ni Yahweh, “Idalanka iti rumbeng a pagnaam; isuroka ken inka balakadan.

Dagiti Salmo 39:12

“O Apo, denggem kadi ti kararagko, ket ipangagmo ti ararawko. Dika koma agulimek no kenka umawagak. Ganggannaetak laeng kenka, maysaak a sangaili a kas kadagiti kapuonak.

Exodo 2:24

ket impangagna ida; nalagipna ti tulagna ken ni Abraham, ni Isaac ken ni Jacob.

Exodo 3:12

“Addaakto kenka,” insungbat ti Dios, “ket daytoyto ti pagilasinan a siak ti nangibaon kenka: Inton mairuarmo dagiti tattaok iti Egipto, agdaydayawkayto kaniak ditoy a bantay.”

Exodo 6:4

Nakitulagak pay kadakuada: Inkarik nga itedko kadakuada ti daga a Canaan a nagnaedanda a kas ganggannaet.

Exodo 6:7

Pagbalinenkayto a tattaok ket siakto ti Diosyo. Maammoanyonto a siak ni Yahweh a Diosyo inton wayawayaankayo iti pannakatagabuyo idiay Egipcio.

Exodo 6:8

Ipankayto iti daga nga insapatak nga ited kada Abraham, Isaac ken Jacob. Itedkonto a kukuayo. Siak ni Yahweh.’”

Isaias 43:2

No aglasatka kadagiti adalem a karayan, addaakto kenka; dinakanto parmeken dagiti pakariribukam. No magnaka iti apuy, dikanto mauram; dikanto maan-ano kadagiti nakaro a pakasuotam.

Isaias 43:5

Dika agbuteng ta addaak kenka! “Pagawidekto dagiti tattaom manipud iti kaadayoan a paset ti daya ken laud.

Mikias 7:20

Ipakitam ti kinapudnom ken ti di agbalbaliw nga ayatmo kadagiti tattaom nga Israelita a kaputotan ni Abraham ken ni Jacob, kas inkarim kadagidi kapuonanmi idi punganay.

Numero 23:19

Saan a tao ti Dios tapno agulbod; saan nga agbalbaliw ti panunotna. Aramidenna ti aniaman nga ikarina.

Deuteronomio 1:8

Dumngegkayo. Itedko kadakayo ti amin a daga iti masangoananyo. Inkayo sakupen ti daga nga inkari ti Apo nga ited kadagidi kapuonanyo, da Abraham, Isaac ken Jacob, ken kadagiti kaputotanda.’”

Deuteronomio 34:4

Kinuna ni Yahweh ken ni Moises, “Daytoy ti daga nga inkarik kada Abraham, Isaac ken Jacob nga ited kadagiti kaputotanda. Impalubosko a kitaem daytoy a daga ngem saankanto a makastrek sadiay.”

Taga-Filipos 4:9

Ipakatyo dagiti inadal ken inawatyo kaniak—dagiti nangngegyo a sinaok ken nakitayo nga inaramidko—ket addanto kadakayo ti Dios a mangted iti talnayo.

Hebreo 11:9

Gapu ta adda pammatina, nagnaed a kas ganggannaet iti daga nga inkari ti Dios kenkuana. Nagyan kadagiti tolda agraman da Isaac ken Jacob, isuda a nagkarian met ti Dios.

Hebreo 6:17

Agsipud ta kayat ti Dios nga ipakita a silalawag kadagiti umawat iti karina a dina baliwan ti panggepna, pinatalgedanna ti kari babaen iti panagsapatana.