Genesis 26:22 - Ti Baro a Naimbag a Damag Biblia

²² Pimmanaw sadiay ket nagkali iti sabali a bubon. Gapu ta awan ti riri a timmaud, pinanagananna iti Rehobot. Kinunana, “Ita, inikkannatayo ti Apo iti wayawaya nga agnaed iti daga. Rumang-aytayo ditoy.”

Ti Biblia (1973)

²² Ket pimmanaw idiay, ket nangcali iti sabali a bobon, ket saanda a kinasusic maipuon itoy: ket pinanagananna iti Rehobot (Disso), ket kinunana, Gapu ta ita ni Jehova iniccannatayo ti disso a nawaya, ket rumang-aytayto iti daga.

Genesis 26:22 Iomraidhean Croise

Genesis 17:6

Ikkankanto iti adu a kaputotan. Agbalinto nga ari ti sumagmamano kadakuada. Adunto unay ti kaputotam. Ket agbalindanto nga adu a nasion.

Genesis 26:21

Nagkali dagiti adipen ni Isaac iti sabali a bubon. Gapu ta rimsua manen ti riri, pinanaganan ni Isaac iti Sitnah.

Genesis 28:3

Bendisionan koma ti Dios a Mannakabalin-amin ti kallaysayo ket ikkannakayo iti adu nga annak tapno agbalinka nga ama ti dakkel a nasion.

Genesis 41:52

Kinunana pay, “Inikkannak ti Dios iti annak iti daga a nagtuokak.” Iti kasta, pinanagananna ti maikadua iti Efraim.

Dagiti Salmo 118:5

Immawagak iti Apo idi marigatanak; impangagnak ket winayawayaannak.

Dagiti Salmo 119:32

Tungpalek a sigagagar dagiti bilinmo gapu ta nayonam ti pannakaawatko.

Dagiti Salmo 18:19

Tinulongannak idi nagpeggadak; insalakannak gapu ta maragsakan kaniak.

Dagiti Salmo 4:1

Ipangagnak kadi, O Dios, no umawagak! Sika a mangsalaknib kaniak. Tinulongannak idi nariribukak. Kaasiannak ket ipangagmo toy kararag!

Exodo 1:7

Nupay kasta, napardas ti panagadu dagiti Israelita, isu a pimmigsada ket nagwaras dagiti kaputotanda iti entero nga Egipto.

Isaias 54:2

Palawaem ti tolda a pagtaengam, silpoam dagiti talina ket palagdaem dagiti pasokna.

Isaias 54:3

Palawaemto ti masakupan dagiti beddengmo; mapasublinto dagiti tattaom ti daga a pagnanaedan ita dagiti nasion. Adunto a tattao ti agnaed kadagiti siudad a langalang ita.