Genesis 26:14 - Ti Baro a Naimbag a Damag Biblia

¹⁴ Inapalan dagiti Filisteo ta adu ti tagabu ken arbanna a karnero ken baka.

Ti Biblia (1973)

¹⁴ Ket naaddaan iti cucuana a pangpangen, ken ar-arban, ken adu a tattaona; ket dagiti Filisteos inagumanda.

Genesis 26:14 Iomraidhean Croise

Genesis 12:16

Gapu ken ni Sarai, nasayaat ti pannakilangen ti ari ken ni Abram. Inikkanna ni Abram kadagiti arban ti karnero ken kalding, baka, asno, tagabu ken kamelio.

Genesis 13:2

Baknang idin ni Abram. Adu ti karnero, kalding ken bakana agraman pirak ken balitok.

Genesis 24:35

“Nawadwad ti bendision nga inted ti Apo iti apok. Bimmaknang ta pinaraburanna iti adu a karnero, kalding ken baka, pirak ken balitok, adipen a lallaki ken babbai, kamelio ken asno.

Genesis 25:5

Impatawid ni Abraham ti amin a sanikuana ken ni Isaac.

Genesis 30:43

Kastoy ti panagbalin ni Jacob a nakabakbaknang. Adu ti karnero, tagabu, kamelio ken asnona.

Genesis 37:11

Adda apas dagiti kakabsatna kenkuana ngem pinampanunot ni tatangna ti maipapan iti tagtagainep.

Ti Libro ni Job 1:3

Adu ti animal a tarakenna: 7,000 a karnero, 3,000 a kamelio, 1,000 a baka ken 500 nga asno. Adu met ti adipenna ket isu ti kabaknangan iti deppaar ti Daya.

Ti Libro ni Job 42:12

Kadagiti maudi a tawen ti panagbiag ni Job, ad-adu ti bendision nga inted ni Yahweh kenkuana ngem idi damo. Naaddaan iti 14,000 a karnero, 6,000 a kamelio, 2,000 a baka ken 1,000 nga asno.

Ti Libro ni Job 5:2

Patayem la ti bagim gapu iti gura ken sakit ti nakem. Minamaag daytoy nga ar-aramidem.

Dagiti Salmo 112:10

Makita daytoy dagiti managdakdakes, ket makapungtotda. Agngarrietda ket pumanawda kalpasanna; mapukaw a mamimpinsan ti namnamada.

Dagiti Salmo 112:3

Nasanikua ken nabaknang ti familiana, ket agnanayonto ti kinalintegna.

Dagiti Proverbio 10:22

Ti bendision ti Apo pabaknangenna ti maysa a tao. Mabalin a saan a manayonan ti kinabaknangna iti kinagagetna unay.

Dagiti Proverbio 27:4

Naranggas ken nadawel ti pungtot, ngem nakarkaro pay ti imon.

Eclesiastes 4:4

Natakuatak met no apay nga igaed dagiti tattao ti agtrabaho tapno agballigida: gapu ta apalanda dagiti sanikua dagiti kaarrubada. Ngem awan ti serserbina. Mayarig iti panangkamkamat iti angin.

1 Samuel 18:9

Manipud idin, napalalo ti apasna ken ni David.