Genesis 24:7 - Ti Baro a Naimbag a Damag Biblia

⁷ “Innalanak ti Apo, isu a Dios ti langit, iti balay ni amak ken iti daga dagiti kakabagiak, ket insapatana nga itednanto daytoy a daga kadagiti kaputotak. Ibaonnanto ti anghelna nga umun-una ngem sika a mapan sadiay tapno tulongannaka a mangpili iti asawaen ti anakko.

Ti Biblia (1973)

⁷ Ni Jehova a Dios dagiti langlangit, a nangala caniac iti balay ni amac, ken iti daga a nacayanacac, ken nagsao caniac, ken nagsapata caniac, a cunana, Iti putotmo itedconto daytoy a daga; isu ibaonnanto ti angelna iti masangoanam ket mangalacanto idiay ti asawa ti anacco.

Genesis 24:7 Iomraidhean Croise

Genesis 13:15

Itedko kenka ken kadagiti kaputotam ti amin a daga a makitam ket kukuayonto iti agnanayon.

Genesis 15:18

Iti dayta met la a kanito, nakitulag ni Yahweh ken ni Abram. Kinunana, “Ikarik nga itedko iti kaputotam amin daytoy a daga manipud iti beddeng ti Egipto agingga iti Karayan Eufrates,

Genesis 16:7

Iti asideg ti maysa nga ubbog iti let-ang, iti dalan nga agturong idiay Sur, adda anghel ni Yahweh a nangsabat kenkuana.

Genesis 17:8

Itedkonto kenka ken kadagiti kaputotam daytoy a daga a pagnanaedam ita a kas ganggannaet. Kukuanto dagiti kaputotam iti agnanayon ti entero a daga ti Canaan, ket siakto ti Diosda.”

Genesis 21:17

Nangngeg ti Dios ti sangit ti ubing. Manipud langit, kinuna ti anghel ti Dios ken ni Agar, “Ania ti pakariribukam, Agar? Dika agbuteng. Nangngeg ti Dios ti sangit ti ubing.

Genesis 22:11

ngem nagpukkaw ti anghel ni Yahweh manipud langit, “Abraham! Abraham!” “Adtoyak, Apo,” insungbat ni Abraham.

Genesis 24:3

Kayatko nga isapatam iti Apo a Dios ti langit ken daga, a dimonto ipaasawa ti anakko iti taga-ditoy Canaan a pagnanaedak.

Genesis 24:40

‘Ti Apo a kanayon a nagtulnogak,’ insungbatna, ‘ibaonnanto ti anghelna a kumuyog kenka ket pagballigiennakanto. Mangalakanto iti asawaen ti anakko kadagiti kailiak, iti familia ni tatangko.

Genesis 26:24

Iti dayta a rabii, nagparang ni Yahweh kenkuana ket kinunana, “Siak ti Dios ni Abraham a tatangmo. Dika agbuteng; addaak kenka. Bendisionanka ket paraburanka iti adu a kaputotan gapu iti karik ken ni adipenko nga Abraham.”

ESDRAS 1:2

“Daytoy ti bilin ni Ciro nga Emperador ti Persia. Ti Apo a Dios ti langit ti nangisaad kaniak nga agturay iti entero a lubong. Imbagana kaniak a mangbangonak iti templo nga agpaay kenkuana idiay Jerusalem iti Juda.

Dagiti Salmo 103:20

Idaydayawyo ti Apo, dakayo a mannakabalin ken napipigsa nga anghelesna, dakayo a dumngeg ken agtulnog iti bilinna.

Dagiti Salmo 136:26

Agyamankayo iti Dios ti langit; agnanayon ti di agbaliw nga ayatna.

Dagiti Salmo 32:8

Kuna ni Yahweh, “Idalanka iti rumbeng a pagnaam; isuroka ken inka balakadan.

Dagiti Salmo 34:7

Aywanan ti anghel ni Yahweh dagiti agbuteng kenkuana, ket ispalenna ida iti amin a pagpeggadanda.

Dagiti Salmo 73:24

Idaldalannak, babaen kadagiti pamagbagam ket iti kamaudiananna, awatennak babaen iti pammadayaw.

Exodo 13:5

Inkari ti Apo kadagiti kapuonanyo nga itedna kadakayo ti daga dagiti Cananeo, Heteo, Amorreo, Heveo ken Jebuseo. Nabaknang ken nabunga dayta a daga. Inton ipannakay iti dayta a daga, tinawen a rambakanyo daytoy a fiesta iti umuna a bulan.

Exodo 32:13

Laglagipem da Abraham, Isaac ken Jacob nga adipenmo. Laglagipem ti kari a sinapataam kadakuada a paaduem ti kaputotanda a kas iti kaadu dagiti bituen ti langit ket itedmo amin daytoy a daga nga inkarim a tagikuaenda iti agnanayon.”

Exodo 33:2

Mangibaonak iti anghel a mangidalan kadakayo ket papanawekto dagiti Cananeo, Amorreo, Heteo, Perezeo, Heveo ken Jebuseo.

Isaias 63:9

iti amin a sagsagabaenda. Saan nga anghel ti nangisalakan kadakuada no di ket ti Apo. Wen, ti Apo ti nangispal kadakuada gapu iti ayat ken asina. Kanayon nga inay-aywananna ida iti napalabas.

Daniel 2:44

Iti panawen dagitoy nga agturay, mangipasdekto ti Dios ti langit iti pagarian a pulos a dinto agpatingga. Saanto a maparmek dayta a pagarian ngem gibusannanto dagiti amin a pagarian. Isu laeng ti agpaut iti agnanayon.

Jonas 1:9

Kinuna ni Jonas, “Maysaak a Hebreo. Agdaydayawak iti Apo a Dios ti langit a namarsua iti taaw ken iti daga.”

Numero 11:12

Saan a siak ti nangyanak kadakuada! Apay a kiddawem nga agbalinak a paraaw-awir ket ubbaek ida a kas ubbing tapno ipanko ida iti daga nga inkarim nga ited kadagiti kapuonanda?

Numero 14:16

a pinapataymo dagiti tattaom iti let-ang, agsipud ta dimo kabaelan nga ipan ida iti daga nga inkarim nga ited kadakuada.

Numero 14:30

Inkarik nga agnaedkayto sadiay, ngem awanto ti uray maysa a makagteng sadiay malaksid kada Caleb ken Josue.

Numero 32:11

‘Gapu ta dida nagtalinaed a napudno kaniak, awanto ti agtawen iti 20 wenno nasursurok a rimmuar iti Egipto a sumrek iti daga nga inkarik kada Abraham, Isaac ken Jacob.’

Dagiti Aramid 7:5

Awan ti sanikua nga inted ti Dios ken ni Abraham, uray la koma sangkadakulapan a daga, ngem inkarina nga agpaay daytoy a daga kenkuana ken kadagiti kaputotannanto uray awan pay anakna idi.

Deuteronomio 1:8

Dumngegkayo. Itedko kadakayo ti amin a daga iti masangoananyo. Inkayo sakupen ti daga nga inkari ti Apo nga ited kadagidi kapuonanyo, da Abraham, Isaac ken Jacob, ken kadagiti kaputotanda.’”

Deuteronomio 34:4

Kinuna ni Yahweh ken ni Moises, “Daytoy ti daga nga inkarik kada Abraham, Isaac ken Jacob nga ited kadagiti kaputotanda. Impalubosko a kitaem daytoy a daga ngem saankanto a makastrek sadiay.”

Hebreo 1:14

Siasino ngarud dagiti angheles? Espirituda nga agserserbi iti Dios ket imbaonna ida a tumulong kadagiti umawat iti pannakaisalakan.

Hebreo 11:9

Gapu ta adda pammatina, nagnaed a kas ganggannaet iti daga nga inkari ti Dios kenkuana. Nagyan kadagiti tolda agraman da Isaac ken Jacob, isuda a nagkarian met ti Dios.

Josue 1:6

Pakirdem ti pakinakemmo ket dika agbuteng ta ipanguloam dagitoy a tattao a mangsakup iti daytoy a daga nga insapatak nga ited kadagiti kapuonanda.

Josue 24:3

Innalak ni Abraham a kapuonanyo iti ballasiw ti karayan ket impanko iti daga ti Canaan. Inikkak iti adu a kaputotan. Intedko kenkuana ni Isaac.

Paltiing 11:13

Iti dayta met la a kanito, nagginggined iti napigsa. Nadadael ti apagkapullo a paset ti siudad ket 7,000 a tattao ti natay. Nagbuteng dagiti tattao a nabati ket nagdaydayawda iti Dios sadi langit.

Uk-ukom 2:1

Manipud Gilgal, napan ti anghel ni Yahweh idiay Bokim, ket kinunana kadagiti Israelita, “Inruarkay idiay Egipto ket inyegkay iti daga nga inkarik kadagidi kapuonanyo. Kinunak idi a diakto waswasen ti tulagko kadakayo.