Genesis 24:44 - Ti Baro a Naimbag a Damag Biblia

⁴⁴ No painumennak ket sumakdo pay iti danum para kadagiti kameliok, sapay koma ta isu ti pinilim nga asawaen ti anak ti apok.’

Ti Biblia (1973)

⁴⁴ Ket isu cunaenanto, Uminumca, ken casta met mangalaacto ti danum nga agpaay cadagiti camellom: isu cadi daytoy ti babai nga insagana ni Jehova iti anac ti apoc.

Genesis 24:44 Iomraidhean Croise

Genesis 2:22

Inaramidna a babai ti paragpag ket impanna iti lalaki.

Genesis 24:14

No kunak iti maysa kadakuada, ‘Pangngaasim ta ibabam ta karambam ta uminumak,’ ket kunananto, ‘Uminumka, ken painumek met dagiti kameliom,’ isu koman ti babai a pinilim nga asawaen ni Isaac nga adipenmo. Daytoyto ti pakaammoak a tinungpalmo ti karim iti apok.”

Genesis 24:43

Addaak ditoy abay ti bubon. No adda balasang nga umay sumakdo, dawatek kenkuana a makiinumak iti karambana.

Genesis 24:45

Diak pay nalpas ti naulimek a panagkararagko itay dumteng ni Rebecca a nakaawit iti karamba. Simmalog a napan simmakdo iti bubon ket kinunak kenkuana, ‘Makiinumak man.’

Dagiti Proverbio 16:33

Agbibinnunot dagiti tattao tapno ammoenda ti pagayatan ti Dios, ngem ti Dios a mismo ti mangikeddeng iti sungbat.

Dagiti Proverbio 18:22

Mangasawaka ket naimbag a banag ti masarakam; daytoy ti pakakitaan a pinaraburannaka ti Apo.

Dagiti Proverbio 19:14

Mabalin a tawiden ti maysa a tao ti balay ken ti kuarta dagiti nagannak kenkuana, ngem ti Apo laeng ti makaited kenkuana iti manakem nga asawa.

Isaias 32:8

Ngem ti natakneng, nalinteg ti aramidna ket pagtakderanna ti aniaman a nainkalintegan.

1 Timoteo 2:10

Kas maiparbeng kadagiti babbai a managtulnog iti Dios, masapul a mararaemda gapu kadagiti naimbag nga aramidda.

Hebreo 13:2

Laglagipenyo a pasangbayen dagiti ganggannaet. Adda dagiti nagpadagus iti balbalayda a dida ammo nga angheles dagiti sinangailida.

1 Pedro 3:8

Kamaudiananna, agmaymaysakay iti panunot ken rikna. Agiinnayatkayo a kas agkakabsat. Manangngaasi koma ti tunggal maysa ket saankayo nga agpalpalangguad.