Genesis 23:4 - Ti Baro a Naimbag a Damag Biblia

⁴ “Maysaak a ganggannaet nga agnaed iti dagayo. Pangngaasiyo ta lakoandak iti daga a pangitanemak iti asawak.”

Ti Biblia (1973)

⁴ Gangannaetac ken sangsangailiac cadacayo: iccandac cadi ti maysa a disso a pagitamnan a tagicuaec cadacayo, tapno iponponco ti minatayco a maipanaw iti imatangco.

Genesis 23:4 Iomraidhean Croise

Genesis 17:8

Itedkonto kenka ken kadagiti kaputotam daytoy a daga a pagnanaedam ita a kas ganggannaet. Kukuanto dagiti kaputotam iti agnanayon ti entero a daga ti Canaan, ket siakto ti Diosda.”

Genesis 23:5

Kinuna dagiti Heteo,

Genesis 3:19

Masapul nga agling-etka ket agtrabahoka iti nadagsen tapno adda ibunga ti daga agingga nga agsublika iti daga a nakaparsuaam. Nabukelka iti tapok ket agsublikanto met laeng iti tapok.”

Genesis 47:9

Insungbat ni Jacob, “Aganay a sangagasut ket tallopulo a tawenen nga agalla-allaak iti rabaw ti daga. Bassit ken narigat dagiti tawen a panagbiagko, saan a kas kapaut ti panagbiag dagiti kapuonak.”

Genesis 49:30

idiay Macpela, iti daya ti Mamre iti daga ti Canaan. Ginatang ni Abraham daytoy a rukib ken ti talon ken ni Efron a Heteo tapno agpaay a pagitaneman.

Genesis 50:13

Impanda ti bangkayna idiay Canaan ket intabonda iti rukib idiay Macpela, iti daya ti Mamre, iti talon a ginatang ni Abraham ken ni Efron a Heteo.

1 Cronicas 29:15

Ammom, O Apo, a kas kadagidi kapuonanmi, ganggannaet ken agalla-allakami. Kasla aniniwan nga aglabas dagiti aldawmi, ket dimi maliklikan ti patay.

Ti Libro ni Job 30:23

Ammok nga ipannak iti pakatayak, iti pagtungpalan ti amin a tao.

Dagiti Salmo 119:19

Ganggannaetak laeng ditoy rabaw ti daga; dimo kad ilinged kaniak dagiti bilinmo.

Dagiti Salmo 39:12

“O Apo, denggem kadi ti kararagko, ket ipangagmo ti ararawko. Dika koma agulimek no kenka umawagak. Ganggannaetak laeng kenka, maysaak a sangaili a kas kadagiti kapuonak.

Exodo 2:22

Nangipasngay ni Sefora iti maysa a lalaki. Gapu ta ganggannaet ni Moises iti sabali a daga, pinanagananna iti Gersom ti anakna.

Eclesiastes 12:5

Mabutengkanto kadagiti nangato a disso ket napeggadto ti pannagnam. Agubankanto; awanton ti essemmo a makikaidda ket mapukawmonton ti amin a tarigagaymo. Agturturongtayo iti agnanayon a paginanaantayo ket addanto panagdung-aw kadagiti kalsada.

Eclesiastes 12:7

Agsublinton ti bagitayo iti tapok ti daga ket agsubli ti anges ti biag iti Dios a naggapuanna.

Eclesiastes 6:3

Uray no maaddaan ti tao iti sangagasut nga annak ken napaut ti panagbiagna, ngem awan met ti ragsakna, ken saan a nasayaat ti pannakaipumponna, kunak a naim-imbag ti kasasaad ti maysa a maladaga a natay a nayanak.

Levitico 25:23

Saan a mailako ti dagayo a tagikuaen nga agnanayon ti gumatang. Ngamin, saan a dakayo ti akinkukua iti daga no di ti Dios ket mayarigkayo kadagiti ganggannaet a mapalubosan a mangtalon iti daytoy.

Dagiti Aramid 7:16

Naipan dagiti bangkayda idiay Sikem, ket naikabilda iti tanem a ginatang ni Abraham kadagiti annak ni Hamor.

Dagiti Aramid 7:5

Awan ti sanikua nga inted ti Dios ken ni Abraham, uray la koma sangkadakulapan a daga, ngem inkarina nga agpaay daytoy a daga kenkuana ken kadagiti kaputotannanto uray awan pay anakna idi.

Hebreo 11:9

Gapu ta adda pammatina, nagnaed a kas ganggannaet iti daga nga inkari ti Dios kenkuana. Nagyan kadagiti tolda agraman da Isaac ken Jacob, isuda a nagkarian met ti Dios.

1 Pedro 2:11

Kakabsatko, kas ganggannaet ken agdaldaliasat iti daytoy a lubong, agdawatak kadakayo. Dikay paiturayan kadagiti nailasagan a tarigagay a kanayon a makiranget iti kararua.