Genesis 22:1 - Ti Baro a Naimbag a Damag Biblia

¹ Iti saan a nabayag, sinuot ti Dios ni Abraham. Kinunana, “Abraham.” “Adtoyak, Apo,” insungbat ni Abraham.

Ti Biblia (1973)

¹ Ket naaramid, calpasan dagitoy a banbanag, a ni Jehova sinuutna ni Abraham, ket kinunana kencuana, Abraham; ket isu simmungbat, Adtoyac.

Genesis 22:1 Iomraidhean Croise

Genesis 15:1

Kalpasan daytoy, nagparmata ni Abram ket nangngegna ni Yahweh a makisasao kenkuana: “Dika agbuteng, Abram. Salaknibanka iti amin a peggad ket ikkanka iti naindaklan a gunggona.”

Genesis 21:11

Kasta unay ti pannakaburibor ni Abraham gapu iti daytoy agsipud ta anakna met ni Ismael.

Genesis 22:11

ngem nagpukkaw ti anghel ni Yahweh manipud langit, “Abraham! Abraham!” “Adtoyak, Apo,” insungbat ni Abraham.

Genesis 22:7

kinuna ni Isaac, “Tatang.” “Apay, anakko?” insungbat ni Abraham. Sinaludsod ni Isaac, “Makitak nga adda dagiti beggang ken kayo, ngem ayanna ti maidaton nga urbon a karnero?”

Genesis 37:13

Kinuna ni Israel ken ni Jose, “Kayatko nga inka idiay Sikem ta ay-aywanan dagiti kakabsatmo dagiti arban sadiay.” “Sisasaganaak,” insungbat ni Jose.

Genesis 46:2

Iti rabii, iti maysa a parmata, nagsao ti Dios kenkuana. Inyawagna, “Jacob, Jacob!” “Adtoyak, Apo,” insungbat ni Jacob.

2 Samuel 24:1

Iti naminsan, nakaunget ni Yahweh iti Israel ket sinugsoganna ni David a mangyeg iti didigra kadagiti Israelita. Kinuna ni Yahweh kenkuana, “Inka sensusen dagiti tattao ti Israel ken Juda.”

2 Cronicas 32:31

Uray idi dimteng dagiti pannakabagi ti Babilonia tapno agdamagda kadagiti karkarna a pasamak iti daga, pinalubosan ti Dios nga aramiden ni Hezekias ti kaykayatna tapno suotenna laeng ti kababalinna.

Dagiti Salmo 11:5

Dagiti naimbag ken dakes a tattao, agpapadada nga usigen ti Apo; dagiti saan nga agtulnog iti linteg, guraenna iti amin a pusona.

Exodo 16:4

Kinuna ni Yahweh ken ni Moises, “Pagtudoekto iti taraon nga agpaay kadakayo amin. Masapul a rummuar dagiti tattao nga agurnong iti umdas a kanenda iti tunggal aldaw. Kastoy ti panangsuotko kadakuada no tungpalenda met laeng dagiti bilinko.

Exodo 3:4

Idi makita ni Yahweh nga umas-asideg ni Moises, inawaganna manipud iti tengnga ti kayo. “Moises, Moises!” kinunana. “Adtoyak,” insungbat ni Moises.

Dagiti Proverbio 17:3

Magugoran ti balitok ken pirak babaen iti apuy, kas iti panangsuot ni Yahweh iti puso ti tao.

Isaias 6:8

Nangngegko a kinuna ni Yahweh, “Siasino ti ibaonko? Siasino ti ibaontayo?” Insungbatko, “Adtoyak! Ibaonnak!”

1 Taga-Corinto 10:13

Tunggal sulisog nga umay kadakayo, gagangay a dumteng iti tao. Ngem tungpalen ti Dios ti karina; dina ipalubos a masulisogkayo iti nalabes a diyo kabaelan a sarangten. No masulisogkayo, ikkannakayo iti pigsa a mangibtur, ket iti kasta, makalisikayo.

Deuteronomio 13:3

diyo ipangpangag dayta a tao. Susuotennakayo la ti Apo a Diosyo tapno maammoanna no ay-ayatenyo met laeng ti Apo iti amin a pusoyo.

Deuteronomio 8:16

Iti let-ang, tinaraonannakayo iti mana, maysa a kita ti taraon a dipay naramramanan dagidi kapuonanyo. Pinagsagabanakayo tapno suotennakayo, ket iti kasta, iti kamaudianna, paraburannakayo iti agkakaimbag a banag.

Deuteronomio 8:2

Lagipenyo ti panangidalan ti Apo a Diosyo kadakayo iti nabayag a panagdaliasatyo iti let-ang iti uneg ti 40 a tawen. Sinuotnakayo tapno maammoanna no ania ti adda iti pusoyo ken no tungpalenyo dagiti bilinna.

Hebreo 11:17

Gapu ta adda pammati ni Abraham, indatonna ni Isaac nga anakna idi suoten ti Dios. Wen, ni Abraham ti nakaitedan ti kari ti Dios. Sisasagana idi a mangidaton iti kakaisuna nga anakna.

Santiago 2:21

Kasano a napalinteg idi ni amatayo nga Abraham iti imatang ti Dios? Napalinteg babaen iti aramidna! Iti rabaw ti altar, indatonna ni Isaac nga anakna.

1 Pedro 1:7

Nairanta dagitoy a pangpaneknek iti kinapudno ti pammatiyo. Uray pay ti balitok a madadael, magugoran iti apuy. Ket ti pammatiyo a napatpateg ngem balitok, masapul met a masuot tapno mataginayon. Iti kasta, awatenyonto ti dayaw, dayag ken tan-ok inton maiparangarang ni Jesu-Cristo.

Uk-ukom 2:22

Usarekto ida tapno maammoak no tungpalen dagiti Israelita ti bilinko a kas iti panagtungpal dagidi kapuonanda.”

1 Samuel 3:4

Inawagan ni Yahweh ni Samuel, “Samuel! Samuel!” “Addaak ditoy, apo,” kinuna ni Samuel,