Genesis 21:7 - Ti Baro a Naimbag a Damag Biblia

⁷ Kinunana pay, “Siasino ti makaibaga idi ken ni Abraham nga agpasusonto ni Sara? Ngem naganakak met laeng nupay lakayen ni asawak.”

Ti Biblia (1973)

⁷ Ket kinunana, Siasino ti nagsao ken Abraham, a ni Sara mamasusu cadagiti annac? ta nangyanacac kencuana ti maysa a lalaki iti kinalacayna.

Genesis 21:7 Iomraidhean Croise

Genesis 17:17

Nagpakleb ni Abraham iti daga ngem nagkatawa idi malagipna ti kinalakayna. Kinunana iti bagina, “Makaputot pay ngata ti lalaki a 100 ti tawenna? Aganak pay ngata ni Sara idinto a 90 ti tawennan?”

Genesis 18:13

Sinaludsod ni Yahweh ken ni Abraham, “Apay a nagkatawa ni Sara a kunana, ‘Pudno kadi a mabalinko ti aganak idinto ta baketakon?’

Genesis 21:8

Dimmakkel ti ubing. Iti aldaw a pannakapusotna, nangipaay ni Abraham iti dakkel a padaya.

1 Ar-ari 11:20

Naganakda iti maysa a lalaki a pinanagananda iti Genubat. Innala ti reyna ket dimmakkel ti ubing iti palasio a kaduana dagiti annak ti ari.

1 Ar-ari 3:21

Kabigatanna, idi makariingak ket pasusoek koma ti anakko, nakitak a natay met gayam. Ngem idi miningmingak a nalaing, nabigbigko a saan nga isu ti anakko.”

Dagiti Salmo 86:10

Mannakabalinka, ket nakaskasdaaw dagiti aramidmo; siksika laeng ti Dios, awanen sabali.

Dagiti Salmo 86:8

Awan ti dios a kas kenka, O Apo, awan ti makaaramid iti maaramidmo.

Isaias 49:21

Iti kasta, kunamto iti bagim, ‘Siasino ti nangted kaniak kadagitoy nga ubbing? Natay dagiti annakko, ket diak naganaken. Naitalawak a kas balud ket nayadayoak— siasino ngarud ti nangpadakkel kadakuada? Maymaysaak a nabati, naggapuan ngarud dagitoy nga ubbing?’”

Isaias 66:8

Adda kadin nakakita wenno nakadamag iti kastoy a pasamak? Adda kadin nasion a naipasngay iti maysa la nga aldaw? Saan a nasken nga agsagaba ti Sion iti mabayag sakbay a maipasngay ti nasion.

Jeremias 20:15

Mailunod koma ti tao a nangipadamag iti amak, “Addan anakmo, maysa a lalaki!” Anian a ragsak idi ni amak a nakadamag.

Numero 23:23

Awan buyon wenno padles a maaramat a maibusor iti Israel. Ita, kuna dagiti tattao maipapan iti Israel: ‘Kitaenyo ti inaramid ti Dios!’

Taga-Efeso 3:10

Ita, babaen iti iglesia, maammoan dagiti agtuturay ken dagiti pannakabalin sadi langit ti kinasirib ti Dios iti nadumaduma a pannakaiparangarangna.

2 Taga-Tesalonica 1:10

Mapasamakto daytoy inton umay iti dayta nga Aldaw tapno awatenna ti pannakaitan-ok nga aggapu kadagiti amin a tattaona ken pammadayaw nga aggapu kadagiti amin a mamati. Mairamankayto met kadakuada agsipud ta pinatiyo ti mensahe nga impakaammomi kadakayo.