Genesis 20:7 - Ti Baro a Naimbag a Damag Biblia

⁷ Ngem ita, isublim ti babai iti asawana. Profeta ti asawana ket ikararagannakanto tapno dika matay. Ngem no dimo isubli, ballaaganka a saan la a sika ti matay no di ket mairaman pay amin a tattaom.”

Ti Biblia (1973)

⁷ Ita, ngarud, isublim ti babai ken asawana; ta daytoy ti maysa a mammadto, ket icarcararagannacanto, ket agbiagcanto: ket no dicanto isubli, ammoem a mataycanto a di bumurong, sica ken amin a tattaom.

Genesis 20:7 Iomraidhean Croise

Genesis 12:15

Adda dagiti ofisiales ti palasio a nakakita kenkuana ket imbagada iti Faraon ti kinapintasna. Ket naipan ni Sarai iti palasio.

Genesis 12:17

Ngem gapu iti naaramid, nagpungtot ni Yahweh, ket nagsagaba ti ari ken dagiti tattao iti palasio. Nakaro a sakit ti indissuor kadakuada ni Yahweh.

Genesis 2:17

malaksid ti bunga ti kayo ti pannakaammo iti naimbag ken dakes. Dimo kanen ti bunga dayta a kayo. No manganka, matayka iti isu met la nga aldaw a pannanganmo.”

Genesis 20:3

Iti maysa a rabii, nagparang ti Dios kenkuana iti maysa a tagtagainep, ket kinunana, “Matayka, agsipud ta siaasawa daytoy a babai nga innalam.”

Genesis 20:8

Iti agsapa iti sumuno nga aldaw, inayaban ni Abimelec dagiti amin nga ofisialesna ket idi imbagana kadakuada ti amin a napasamak, kasta unay ti butengda.

Genesis 23:6

“Denggennakami, apo. Bigbigendaka a naindaklan a pangulo iti lugarmi. Itabonmo ti asawam iti kasayaatan a tanem a kukuami. Maragsakan ti siasinoman kadakami a mangted kenka iti pangitanemam kenkuana.”

2 Samuel 24:17

Nakita ni David ti anghel, ket kinunana ken ni Yahweh, “Siak ti nagbasol. Siak ti nagaramid iti dakes. Ania aya ti inaramid dagitoy nanumo a tattao? Siak ken ti familiak ti rumbeng a dusaem.”

1 Ar-ari 13:6

Kinuna ti ari kenkuana, “Pangngaasim, ta ikararagannak iti Apo a Diosmo ket dawatem kenkuana a paimbagenna ti imak.” Nagkararag ti profeta ket naisubli ti sigud a kasasaad ti ima ti ari.

2 Ar-ari 5:11

Ngem kasta unay ti pungtot ni Naaman a pimmanaw ket kinunana, “Impagarupko nga umaynak sabten, agkararag iti Apo a Diosna, aplawanna ti batog ti saksakiten ket maimbagan ti kukutel!

1 Cronicas 16:22

“Diyo ranggasan dagiti pinilik nga adipenko; diyo sagiden dagiti bukodko a profeta.”

2 Cronicas 30:18

Saan la a dayta. Adu kadagiti naggapu kadagiti tribu ti Efraim, Manases, Isacar ken Zebulon ti saan a nangaramid iti seremonia ti pannakadalus ket saan a maiparbeng ti panangrambakda iti Fiesta ti Paskua. Ngem inkararagan ni Ari Hezekias ida:

Ti Libro ni Job 34:19

Saanna nga ayonan dagiti agtuturay. Dina idumduma dagiti baknang kadagiti napanglaw ta pinarsua amin ti Dios ida.

Ti Libro ni Job 42:8

Ita ngarud, mangalakay iti pito a toro a baka ken pito a kalakian a karnero sayo ited ken ni Job, ket puoranyo dagitoy nga animal a kas datonyo. Idawdawatannakayto ni Job ket sungbatakto ti kararagna. Iti kasta, dikayto ibabain a kas iti kaikarianyo. Ngamin, saan a pudno ti imbagayo maipapan kaniak a kas iti inaramid ni Job.”

Dagiti Salmo 25:14

Gagayyem ni Yahweh dagiti agtulnog kenkuana, ket patalgedanna kadakuada ti tulagna.

Exodo 18:17

“Saan a husto ti ar-aramidem,” imbalakad ni Jetro.

Exodo 4:16

Isunto ti pannakangiwatmo ket agbalinkanto a kas iti Dios a mangibaga no ania ti sawenna kadagiti tattao.

Exodo 7:1

Kinuna ni Yahweh ken ni Moises, “Pagbalinenka a pannakabagi ti Dios iti sangoanan ti ari, ket ninto Aaron a kabsatmo ti pannakangiwatmo nga agsao kenkuana.

Jeremias 14:11

Kinuna ti Apo kaniak, “Dimo kiddawen a tulongak dagitoy a tattao.

Jeremias 15:1

Kinuna ti Apo kaniak, “Uray no da Moises ken Samuel ti agparintumeng, diak kaasian dagitoy a tattao. Papanawem ida; diak kayat a makita ida.

Jeremias 27:18

No agpayso a profetada, ken no adda kadakuada ti saok, dawatenda koma kaniak, ni Yahweh a Mannakabalin-amin a saanko a paipan idiay Babilonia dagiti nabati iti Jerusalem nga al-alikamen iti Templo ken kadagiti palasio.” (

Ezekiel 3:18

No ipakaammok a matay ti maysa a managdakdakes a tao, ngem dimo ballaagan wenno pagsardengen nga agaramid iti dakes tapno agbiag, matayto a managbasol, ket singirekto kenka ti darana.

Ezekiel 33:8

No kunak a matay ti managdakdakes, ngem dimo ballaagan a mangbaliw iti aramidna, matayto a managbasol ket pabasolenka iti ipapatayna.

Levitico 6:4

No makabasol ti maysa a tao iti uray ania kadagitoy, masapul a bayadanna ti aniaman nga innalana iti sinasaur. Iti aldaw a naduktalan a nakabasol, masapul a bayadanna iti akinkukua ti gatad ti sinaurna. Manayonan pay iti apagkalima ti presio ti innalana.

Levitico 6:7

Idatag ti padi ti daton ket mapakawan dayta a tao iti aniaman a nagbasolanna.

Dagiti Aramid 8:24

Kinuna ni Simon kada Pedro ken Juan, “Pangngaasiyo ta idawdawatandak iti Apo tapno saan a mapasamak kaniak ti uray ania kadagitoy.”

1 Taga-Corinto 14:4

Ti tao nga agsao iti sabali a pagsasao, ti la bagina ti tulonganna. Ngem ti agsao iti mensahe ti Dios, tulonganna ti entero nga iglesia.

Hebreo 1:1

Kadagidi un-unana nga aldaw, nagsao ti Dios kadagidi kapuonantayo iti namin-adu a daras ken iti nadumaduma a wagas babaen kadagiti profeta.

Hebreo 13:4

Masapul a saan a matulawan ti matrimonio ket agtalinaed dagiti agassawa a napudno iti maysa ken maysa. Ngamin, ukomento ti Dios dagiti immoral ken makikamalala.

1 Juan 5:16

No makita ti siasinoman kadakayo ti kabsatna nga agbasol iti saan nga agtungpal iti patay, masapul nga ikararaganna iti Dios a mangted kenkuana iti biag. Agpaay daytoy kadagiti dadduma pay a nagbasol iti saan nga agtungpal iti patay. Basol ti amin a kita ti kinadakes. Ngem adda basol nga agtungpal iti patay, ket adda met basol a di agtungpal iti patay.

1 Samuel 12:19

Kinunada ken ni Samuel, “Apo, pangngaasim ta ikararagannakami iti Apo a Diosyo tapno saankami a matay. Mabigbigmin a malaksid ti dadduma a basolmi, nagbasolkami pay gapu iti panagkiddawmi iti maysa nga ari.”

1 Samuel 12:23

No maipapan kaniak, adayo nga agbasolak iti Apo babaen iti panagsardengko a mangikarkararag kadakayo. Ngem isurokayo ketdi iti nasayaat ken nalinteg a dalan.

1 Samuel 7:5

Kalpasanna, imbilin ni Samuel kadagiti Israelita nga aguummongda idiay Mizpa. “Sadiay, ikararagankayto iti Apo,” kinunana.

1 Samuel 7:8

Kinunada ken ni Samuel: “Dika agsardeng nga agkararag iti Apo a Diostayo tapno isalakannatayo kadagiti Filisteo.”