Genesis 20:6 - Ti Baro a Naimbag a Damag Biblia

⁶ Insungbat kenkuana ti Dios iti tagtagainep, “Wen, ammok a nadalus ti konsensiam, isu a diak impalubos a sagidem ti babai tapno saanka a makabasol.

Ti Biblia (1973)

⁶ Ket kinuna ti Dios kencuana iti tagtagainep, Wen, ammoc nga iti kinapudno ti pusom, inaramidmo daytoy, ket tinubengca met nga agbasol iti maicaniwas caniac gapuna a diac impalubos kenca a sagidem.

Genesis 20:6 Iomraidhean Croise

Genesis 26:11

Ket binallaagan ni Abimelec dagiti tattaona: “Mapapatay ti siasinoman a mangdangran kadagitoy nga agassawa.”

Genesis 3:3

“Ngem saanmi a mabalin a kanen ti bunga ti kayo nga adda iti tengnga. No mangankami kano iti bungana wenno uray sagidenmi la koma, mataykami.”

Genesis 31:24

Iti dayta a rabii, natagtagainep ni Laban a nagparang ti Dios kenkuana ket kinunana, “Kitaem ta dimo dangran ni Jacob.”

Genesis 31:7

Kaskasdi a sinaurnak ket naminsangapulo a binaliwanna ti tulagan iti panangtangdanna kaniak. Ngem saan nga impalubos ti Dios a dangrannak.

Genesis 35:5

Idi pumanawda, kasta unay ti buteng dagiti tattao kadagiti kabangibang nga ili ket awan ti nakaitured a nangdarup kadakuada.

Genesis 39:9

Adda turayko a kas kenkuana iti daytoy a balay. Sika laeng ti dina intalek kaniak ta asawanaka. Kasano ngarud nga aramidek ti kasta a kinadakes, ket agbasolak iti Dios?”

Dagiti Salmo 51:4

Nagbasolak kenka, wen, sika laeng ti nagbasolak, nagaramidak iti dakes iti imatangmo. Iti kasta, nalinteg ti panangukommo kaniak, ket nainkalintegan ti pannakadusak.

Dagiti Salmo 81:12

Gapu iti kinasukirda binaybay-ak ida nga agaramid iti aniaman a kayatda.

Dagiti Salmo 84:11

O Apo ken Diosmi, arigmo iti init ken kalasag; mangipaayka iti parabur ken dayaw. Dimo ipaidam ti nasayaat a banag kadagiti agaramid iti naimbag.

Exodo 34:24

Kalpasan ti panangpapanawko kadagiti tattao iti isusungadyo ket palawaek ti sakupyo, awanto ti agpanggep a mangraut iti pagilianyo bayat ti pannakarambak dagiti tallo a fiesta.

Dagiti Proverbio 21:1

Nalaka nga idalan ti Apo ti panunot ti ari, a kas iti kalaka ti panangiturongna iti ayus ti waig.

Dagiti Proverbio 6:29

Kasta ti kapeggad ti pannakikaidda iti asawa ti sabali. Agsagaba ti agaramid iti kasta.

Levitico 6:2

Agbasol iti Apo ti siasinoman a di mangisubli iti naipadulin kenkuana wenno mangsaur iti padana a tao wenno agtakaw,

San Mateo 27:19

Maysa pay, idi agtugtugaw ni Pilato iti pangukoman, pinaibaga ti asawana daytoy: “Dimo pakibiangan dayta nalinteg a tao, ta natagtagainepko idi rabii a nagsagabaak iti kasta unay gapu kenkuana.”

1 Taga-Corinto 7:1

Ita, sungbatak dagiti saludsod iti suratyo: Nasayaat no saan a mangasawa ti lalaki.

2 Taga-Corinto 6:17

Isut' gapuna a kuna ti Apo: “Panawanyo ida ket suminakayo kadakuada. Diyo sagiden dagiti makatulaw a banag, Ket awatenkayto.

2 Taga-Tesalonica 2:11

Daytoy ti gapuna a ti Dios ibaonna ti pannakabalin ti biddut nga agtrabaho kadakuada tapno patienda ti ulbod.

2 Taga-Tesalonica 2:7

Madaman nga agtartrabaho ti Palimed ti Kinadakes, ngem santo la agsardeng inton maikkat ti manglaplapped.

1 Samuel 25:26

Ti Apo ti manglapped kenka nga agibales ken mangpatay kadagiti kabusormo. Ita, isapatak kenka iti nagan ti Apo a sibibiag a madusanto dagiti kabusormo ken dagiti agpanggep a mangranggas kenka a kas iti pannakadusanto ni Nabal.

1 Samuel 25:34

Saan nga impalubos ti Apo a dangranka. Ket no dika nagdardaras nga immay nangsabat kaniak, isapatak iti Apo a sibibiag a Dios ti Israel a sakbay a dumteng ti bigat, natay koma aminen a tattao ni Nabal!”