Genesis 20:5 - Ti Baro a Naimbag a Damag Biblia

⁵ Imbaga ni Abraham a kabsatna ti babai. Kinuna met ti babai a kabsatna ni Abraham. Nadalus ti konsensiak a nangaramid iti daytoy, isu nga awan ti basolko.”

Ti Biblia (1973)

⁵ Dina aya kinuna caniac, Isu cabsatco? ket ti babai, isu met laeng kinunana, Isu cabsatco a lalaki: iti kinapudno ti pusoc ken iti kinadalus dagiti imimac, inaramidco daytoy.

Genesis 20:5 Iomraidhean Croise

Genesis 12:13

Ibagam kadakuada nga agkabsatta. Gapu kenka, saandakto a patayen ket nasayaatto ti pannakilangenda kaniak.”

Genesis 20:13

Idi ibaonnak ti Dios a mapan iti sabali a daga, kinunak iti asawak, ‘Adda naimbag a maaramidmo kaniak no, iti sadinoman a papananta, ibagam nga agkabsatta.’”

Genesis 20:16

Kinunana met ken ni Sara, “Inikkak ni kabsatmo iti sangaribu a bagi ti pirak kas pammaneknek a saan a natulawan ti dayawmo; maammoanto ti tunggal maysa nga awan ti dakes nga inaramidmo.”

1 Ar-ari 9:4

Ita, no agserbika kaniak a kas iti daydi amam a David, ket buyogam iti kinatakneng ken kinapudno ket tungpalem amin a bilinko kenka ken agtulnogka kadagiti lintegko,

2 Ar-ari 20:3

“Laglagipem, O Apo, a nagserbiak kenka a sipupudno ken iti amin a pusok ket kanayon nga ikagumaak nga aramiden ti pagayatam.” Nagsangit ni Hezekias iti nasaem.

1 Cronicas 29:17

Ammok a suotem ti puso ti tunggal maysa ket maragsakanka kadagiti nalinteg a tattao. Napudno ken napasnekak a nangted amin kadagitoy kenka. Nakitak ti ragsak dagiti amin a tattaom a naummong ditoy a mangyeg kadagiti sagutda kenka.

Ti Libro ni Job 33:9

“Awan basolko, ket diak naglabsing. Nadalusak, ket awan dakes nga aramidko.

Dagiti Salmo 24:4

Ti nadalus ti aramidna ken ti panunotna, ti natarnaw ti pusona, ti napasnek nga agserbi iti kinapudno, ken ti saan nga agulbod.

Dagiti Salmo 25:21

Ti kinaimbag ken kinalinteg aywanandak koma, agsipud ta agtalekak kenka.

Dagiti Salmo 26:6

Buggoak dagiti imak a mangipakita nga awan basolko, ket likmutek ti altarmo iti panagdaydayawko kenka, O Apo.

Dagiti Salmo 7:8

Sika ti mangukom iti sangkataoan. Yetnagmo kaniak, O Apo, ti pangngeddengmo, ta pagaammom nga awan basolko.

Dagiti Salmo 7:9

Pagsardengem ti kinadakes dagiti nakillo, ket dawatek a gunggonaam dagiti naimbag a tattao. Nalintegka, O Dios; usigem dagiti panunot ken tarigagaymi.

Dagiti Salmo 73:13

Awan kadi ti serserbina a nagtalinaedak a nadalus ken nalinteg?

Dagiti Salmo 78:72

Iti kasta, sipapasnek nga inaywanan ni David ida, ket nainsiriban ti panangipangulona kadakuada.

Dagiti Proverbio 11:3

No naimbagka a tao, maidalanka babaen iti kinataknengmo. Madadael dagiti saan a mapagtalkan babaen iti bukodda a kinakillo.

Dagiti Proverbio 20:7

Nagasat dagiti annak no natakneng ti amada ken nalinteg ti aramidna.

Daniel 6:22

Imbaon ti Dios ti anghelna ket pinagkaemna ti ngiwat dagiti leon tapno saandak a dangran. Inaramidna daytoy agsipud ta ammona nga awan basolko kenka, O Natan-ok nga Ari!”

2 Taga-Corinto 1:12

Daytoy ti pagpasindayagmi: Paneknekan ti konsensiami a ti panagbiagmi ditoy lubong, nangruna ti pannakipulapolmi kadakayo, ket inturayan ti nadalus a panggep ken nadiosan a kinapudno, babaen iti pannakabalin ti parabur ti Dios, a saan a ti sirib ti tao.

1 Taga-Tesalonica 2:10

Dakayo ken ti Dios ti saksimi, a nasantoan, nalinteg ken awan pakababalawan ti panagbiagmi idi iti imatangyo a mamati.

1 Timoteo 1:13

uray no iti napalabas, nagsasaoak iti maibusor kenkuana, ken indaddadanes ken linalaisko. Nupay kasta, kinaasiannak ti Dios agsipud ta diak pay mamati idi ket diak ammo ti ar-aramidek.

Josue 22:22

“Ti Dios ti Mannakabalin-amin! Isu ti Apo! Ti Dios ti Mannakabalin-amin! Isu ti Apo! Ammona no apay nga inaramidmi daytoy, ket kayatmi a maammoanyo met! No nagsukirkami, ket tinallikudanmi ti Apo, saankayon nga agtaktak a mangpatay kadakami!