Genesis 2:9 - Ti Baro a Naimbag a Damag Biblia

⁹ Pinagtubona ti amin a kita ti agkakapintas a kayo nga agbunga iti nasayaat. Iti tengnga ti minuyongan, adda ti kayo ti biag ken ti kayo ti pannakaammo iti naimbag ken iti dakes.

Ti Biblia (1973)

⁹ Ket ni Jehova Dios pinatubona iti daga, amin a cayo a nacaay-ayo a makita, ken naimbag a canen; casta met ti cayo ti biag iti tengnga ti minuyongan, ken ti cayo ti pannacaammo ti imbag ken ti dakes.

Genesis 2:9 Iomraidhean Croise

Genesis 2:17

malaksid ti bunga ti kayo ti pannakaammo iti naimbag ken dakes. Dimo kanen ti bunga dayta a kayo. No manganka, matayka iti isu met la nga aldaw a pannanganmo.”

Genesis 3:22

Kalpasanna, kinuna ni Yahweh a Dios, “Ita, nagbalinen ti tao a kas kadatayo ket ammonan ti naimbag ken dakes. Masapul a saan a mapalubosan a mangan iti kayo ti biag amangan no saanen a matay.”

Genesis 3:24

Iti bangirna't daya ti minuyongan, nangikabil kadagiti narungsot nga animal a nagpayak. Nangikabil pay iti sumsumged a kampilan tapno awan umasideg iti kayo ti biag.

Genesis 3:3

“Ngem saanmi a mabalin a kanen ti bunga ti kayo nga adda iti tengnga. No mangankami kano iti bungana wenno uray sagidenmi la koma, mataykami.”

Genesis 3:5

Kasta ti sao ti Dios ta ammona a no mangankayo iti bunga ti kayo, maaddaankayto iti pannakaawat. Agbalinkayto a kas iti Dios ket maammoanyonto no ania ti naimbag ken ti dakes.”

Dagiti Proverbio 11:30

Biag ti ited ti kinalinteg, ngem babaen iti kinaranggas, maikkat ti biag.

Dagiti Proverbio 3:18

Nagasat dagiti agbalin a masirib. Ti kinasirib ikkannanto ida iti biag.

Isaias 44:25

Pagbalinek a maag dagiti mammuyon, ket diak patuloyen ti padto dagiti mammadles. Ipakitak a saan a pudno ti sao dagiti mamasirib, ket iparangko a minamaag ti kinasiribda.

Isaias 47:10

“Impagarupmo a natalgedka iti kinadakesmo; kinunam nga awan ti makakita kenka. Inyaw-awannaka ti sirib ken ti ammom, ket kinunam iti bagim, ‘Mannakabalinak, awan ti nalalaing ngem siak!’

Ezekiel 31:16

Inton itinnagko ti kayo iti lubong dagiti natay, agkintayegto dagiti nasion iti kanarpaak ti pannakatuangna. Gapu iti daytoy, maragsakanto amin a kayo ti Eden, amin a napili ken nasayaat ti pannakapadanumna a kayo ti Libano nga adda iti akimbaba a lubong.

Ezekiel 31:18

“Ti kayo isu ti ari ti Egipto ken dagiti amin a tattaona. Uray dagiti kayo ti Eden awan ti kas kenkuana a natayag ken nadaeg. Ngem ita, kas kadagiti kayo ti Eden, maitappuakto met iti lubong dagiti natay ket tumipon kadagiti awan diosna ken kadagiti natay iti gubat. Naibagakon,” kuna ti Apo a Dios.

Ezekiel 47:12

Iti agsumbangir nga igid ti karayan, agtubonto ti amin a kita ti kayo a mangted iti taraon. Dinto malaylay dagiti bulongda ket didanto agsardeng nga agbunga. Binulanto nga adda nasayaat a bungada gapu ta kanayon a maay-ayusanda iti danum nga aggapu iti Templo. Agpaayto a taraon dagiti bunga ket maaramat met nga agas dagiti bulongda.”

San Juan 6:48

Siak ti tinapay ti biag.

1 Taga-Corinto 8:1

Ita, saritaek ti maipapan iti taraon a naidaton kadagiti didiosen. Agpayso ti makunkuna nga “adda amin ammotayo.” Nupay kasta, ti ammo mamagtangsit. Ngem ti ayat, mangparang-ay.

Deuteronomio 6:25

Maragsakanto ti Dios kadatayo no napudnotayo nga agtungpal kadagiti amin nga imbilinna kadatayo.’”

Paltiing 2:7

“No adda pannakaawatyo, denggenyo ngarud ti sao ti Espiritu kadagiti iglesia: “Ti agballigi, ikkakto iti kalintegan a mangan iti bunga ti kayo ti biag nga adda iti minuyongan ti Dios.”

Paltiing 22:14

Nagasat dagiti mangdalus kadagiti kawesda ta maikkanda iti kalintegan a sumrek iti siudad ken mangan iti bunga ti puon ti kayo a mangted iti biag.

Paltiing 22:2

Agayus ti karayan iti tengnga ti kalsada ti siudad. Iti agsumbangirna, adda dagiti puon ti kayo ti biag a binulan nga agbunga, ket nasamay dagiti bulongda a pangagas iti sakit dagiti pagilian.