Genesis 2:8 - Ti Baro a Naimbag a Damag Biblia

⁸ Nangaramid ni Yahweh a Dios iti maysa a minuyongan idiay Eden, iti Daya. Sadiay ti nangikabilanna iti pinarsuana a tao.

Ti Biblia (1973)

⁸ Ket ni Jehova Dios incabilna iti maysa a minuyongan iti daya, idiay Eden; ket insaadna idiay ti tao a binukelna.

Genesis 2:8 Iomraidhean Croise

Genesis 13:10

Inwaras ni Lot ti panagkitana ket naimatanganna ti entero a Tanap ti Jordan agingga idiay Zoar. Adu ti danumna a kas iti Minuyongan ni Yahweh wenno ti daga ti Egipto. (Saan pay idi a nadadael dagiti siudad ti Sodoma ken Gomorra.)

Genesis 3:23

Ngarud, pinagtalaw ni Yahweh a Dios ti tao iti minuyongan ti Eden ket pinagtrabahona iti daga a nagtaudanna.

Genesis 3:24

Iti bangirna't daya ti minuyongan, nangikabil kadagiti narungsot nga animal a nagpayak. Nangikabil pay iti sumsumged a kampilan tapno awan umasideg iti kayo ti biag.

Genesis 4:16

Pimmanaw ngarud ni Cain iti imatang ni Yahweh ket napan nagnaed iti daya ti Eden, iti lugar a maaw-awagan iti Nod.

2 Ar-ari 19:12

Dinadael dagidi kapuonak dagiti siudad ti Gozan, Haran ken Resef ket pinapatayda dagiti tattao ti Beteden nga agnaed idi idiay Telassar; awan kadagiti diosda ti nakaisalakan kadakuada.

Isaias 51:3

“Kaasiakto ti Sion, ken amin nga agnaed kadagiti rebrebbana. Uray no let-ang ti dagana, pagbalinekto a minuyongan, kas iti inaramidko idiay Eden. Addanto sadiay ti rag-o ken ragsak; addanto met dagiti kanta a pangidaydayaw ken pagyaman kaniak.

Ezekiel 27:23

Nakinegosio kenka dagiti siudad ti Haran, Canne, Eden, dagiti agtagtagilako a taga-Seba, dagiti siudad ti Assur ken Kilmad.

Ezekiel 28:13

Nagnaedka idiay Eden a hardin ti Dios, ket nagalahaska iti amin a kita ti napateg a bato: rubi, diamante, topasio, berilio, karnelia, haspe, safiro, esmeralda ken karbunkulo. Adda idi al-alahasmo a balitok. Naaramidda nga agpaay kenka iti aldaw a pannakaparsuam.

Ezekiel 31:16

Inton itinnagko ti kayo iti lubong dagiti natay, agkintayegto dagiti nasion iti kanarpaak ti pannakatuangna. Gapu iti daytoy, maragsakanto amin a kayo ti Eden, amin a napili ken nasayaat ti pannakapadanumna a kayo ti Libano nga adda iti akimbaba a lubong.

Ezekiel 31:18

“Ti kayo isu ti ari ti Egipto ken dagiti amin a tattaona. Uray dagiti kayo ti Eden awan ti kas kenkuana a natayag ken nadaeg. Ngem ita, kas kadagiti kayo ti Eden, maitappuakto met iti lubong dagiti natay ket tumipon kadagiti awan diosna ken kadagiti natay iti gubat. Naibagakon,” kuna ti Apo a Dios.

Joel 2:3

Kasda la apuy nga agkaan kadagiti mula. Kasla Hardin ti Eden ti sangpetanda a daga, ngem no panawandan maysan a let-ang nga awan nagyanna. Awan ti lisianda.