Genesis 2:25 - Ti Baro a Naimbag a Damag Biblia

²⁵ Agpada a lamolamo ti lalaki ken ti babai ngem awan kadakuada ti panagbain.

Ti Biblia (1973)

²⁵ Ket isuda a dua ti lalaki ken ti asawana, silamolamoda idi ket dida nagbain.

Genesis 2:25 Iomraidhean Croise

Genesis 3:7

Apaman a nakapanganda, naaddaanda iti pannakaawat ket nabigbigda a lamolamoda. Iti kasta, namagsasaipda kadagiti bulong ti kayo nga igos a pinangabbongda iti bagida.

Dagiti Salmo 25:3

Saan a maparmek dagiti agtalek kenka, ngem maibabain dagiti mangbusor kenka.

Dagiti Salmo 31:17

Kenka, O Apo, umawagak; dimo kadi ipalubos a maibabainak. Ipababam dagiti managdakdakes agingga nga agiddada iti tanemda nga awan arimekmekda.

Exodo 32:25

Naammiris ni Moises a pinalubosan ni Aaron dagiti tattao nga aglablabesda ket nagbalinda a maag iti imatang dagiti kabusorda.

Isaias 44:9

Awan ti serserbi dagiti amin nga agar-aramid kadagiti imahen. Awan mamaay dagiti didiosen nga ipatpategda unay. Bulsek ken ignorante dagita nga agdaydayaw kadagitoy a didiosen. Maibabaindanto.

Isaias 47:3

Makitadanto ti kinalamolamom a kas babai a tagabu, maimatangandanto ti pannakaipababa ken pannakaibabainmo. Agibalesakto ket awan ti makaatipa.”

Isaias 54:4

Dika agbuteng—dikanton maibabain; saankanton a malalais. Malipatamton ti kinagulibmo a kas asawa idi ubingka pay. Malipatamton ti nakaay-ay-ay a kasasaadmo a kas balo.

Jeremias 17:13

Ni Yahweh ti namnama ti Israel; maibabainto ti amin a mangtallikud kenkuana. Agpukawdanto a kas iti nagan a naisurat iti tapok, agsipud ta binaybay-anda ni Yahweh nga ubbog ti danum a sibibiag.

Jeremias 6:15

Nagbainda kadi idi inaramidda dagitoy makarimon a bambanag? Saan! Pulos a dida nagbain; dida pay ammo ti rikna ti mabainan. Iti kasta, mapasagdanto a kas kadagiti dadduma inton dusaek ida ket daytanton ti paggibusanda. Siak, ni Yahweh ti agsasao.”

Ezekiel 16:61

Malagipmonto ti inaramidmo, ket pagbabainamto inton mapasublim ti inauna ken inaudi a kakabsatmo. Pagbalinekto ida a kasla annakmo a babbai, nupay saan a paset daytoy ti nagtulaganta.

Joel 2:26

Adunton ti taraonyo, ket mapnekkayto. Idaydayawyonto ti Apo a Diosyo, a nagaramid kadagiti nakaskasdaaw a banag nga agpaay kadakayo. Saanton a malalais dagiti tattaok.

San Marcos 8:38

Ngarud, ti mangibain kaniak ken dagiti saok iti daytoy managbasol ken awanan pammati a kaputotan, ibainto met ti Anak ti Tao inton umay iti dayag ni Amana a kuyogen dagiti nasantoan nga angheles.”

San Lucas 9:26

Ti mangibain kaniak ken iti pannursurok, ibainto met ti Anak ti Tao inton umay iti bukodna a dayag, iti dayag ti Ama ken dagiti nasantoan nga angheles.

Taga-Roma 10:11

Kuna ti Nasantoan a Surat, “Dinto maibabain ti siasinoman a mamati kenkuana.”