Genesis 19:8 - Ti Baro a Naimbag a Damag Biblia

⁸ Adda dua a babbalasang nga annakko. Iruarko ida ket aramidenyo ti kaykayatyo kadakuada. Ngem diyo an-anoen dagitoy a lallaki. Sangailida ket rumbeng a salaknibak ida.”

Ti Biblia (1973)

⁸ Adtoy ita, addada caniac dua nga annac a babbai a dida pay naam-ammo ti lalaki; dawatec cadacayo, palubosandac nga iyegco ida cadacayo, ket aramidenyo cadacuada ti pagayatanyo: isuna laeng a dicay aramiden cadagitoy a lallaki ti uray no ania, gapu ta immaydan iti linung ti atepco.

Genesis 19:8 Iomraidhean Croise

Genesis 18:5

Yalaankayo met iti taraon tapno adda pamigsayo a mangituloy iti panagbiaheyo. Mapadayawanak iti yaayyo iti taengko ket palubosandak kadi a mangsangaili kadakayo.” “Agyamankami,” insungbatda. “Padayawanmi ti awismo.”

Genesis 19:7

Kinunana kadakuada, “Gagayyem, pangngaasiyo ta dikay agaramid iti dakes.

Genesis 42:37

Kinuna ni Ruben iti amana, “No diak isubli kenka ni Benjamin, mabalinmo a patayen dagiti dua nga annakko a lallaki. Italekmo kaniak ni Benjamin ket isublikto met la kenka.”

Exodo 32:22

Insungbat ni Aaron, “Dinak koma kapungtot, apo. Ammom a napigsa ti tarigagayda nga agaramid iti dakes.

Dagiti Proverbio 9:7

No babalawem tapno suroam ti tao a mangipagarup a ti bagina ti kasayaatan, mapabainanka laeng. No tubngarem ti dakes a tao, masaktanka laeng.

Isaias 58:7

Ibingayanyo iti taraonyo dagiti mabisin. Pasangbayenyo dagiti napanglaw nga awan pagtaenganna. Kawesanyo dagiti awan aruatenna, ket diyo ipaidam ti tulongyo kadagiti bukodyo a kakabagian.

San Marcos 9:6

Kasta unay ngamin ti buteng dagiti adalan ket saan nga ammo ni Pedro ti tumutop a sawenna.

Taga-Roma 3:8

Apay ngarud a ditayo kuna, “Agaramidtayo iti dakes tapno tumaud ti imbag”? Agpayso nga adda dagiti mangpadpadakes kaniak ket pabpabasolendak a sinaok kano daytoy! Rumbeng a madusadanto.

Uk-ukom 19:23

Ngem rimmuar ti lakay ket kinunana, “Saan, kakabsatko! Pangngaasiyo ta dikay agaramid iti kasta a kinadakes ken kinaderrep. Sangailik daytoy a lalaki.

Uk-ukom 19:24

No kayatyo, adtoy ti kabbalayna ken ti balasang nga anakko. Paruarek ida ket aramidenyo kadakuada ti kaykayatyo. Ngem diyo koma aramiden ti kasta a nakababain a banag iti daytoy a tao.”

Uk-ukom 9:15

“Simmungbat ti sisiitan a mula, ‘No pudno a kayatdak nga agbalin nga ariyo, umaykayo ngarud aglinong kaniak. No madikayo, rummuar ti apuy kadagiti sisiitan a sangak ket puoranna ti sedro ti Libano.’