Genesis 19:5 - Ti Baro a Naimbag a Damag Biblia

⁵ Pinukkawanda ni Lot ket sinaludsodda, “Sadino ti ayan dagiti lallaki a nagdagus iti balaymo ita a rabii? Iruarmo ida!” Kayat a kaiddaen ida dagiti lallaki ti Sodoma.

Ti Biblia (1973)

⁵ Ket inayabanda ni Lot, ket kinunada kencuana, Adino ti yan dagiti lallaki nga immayda kenca ita a rabii? Iruarmo ida cadacami, tapno maam-ammomi ida.

Genesis 19:5 Iomraidhean Croise

Genesis 19:6

Rimmuar ni Lot ket sinerraanna ti ridaw.

1 Ar-ari 14:24

Ket adda pay dagiti lallaki ken babbai nga agserserbi a kas balangkantis kadagita a pagdaydayawan dagiti pagano. Tinulad dagiti tattao ti Juda ti amin a nakababain nga aramid dagiti tattao a pinagtalaw ni Yahweh idi sumrek dagiti Israelita iti daga.

1 Ar-ari 22:46

Pinagtalawna dagiti natda a lallaki ken babbai a balangkantis a nagtalinaed a nagserbi kadagiti altar a pagdaydayawan dagiti pagano uray idi kalpasan ti panagturay ni Asa nga amana.

Isaias 1:9

No saan nga impalubos ti Apo a Mannakabalin-amin a makalasat ti sumagmamano a tattao, nadadael koman a namimpinsan ti Jerusalem a kas iti Sodoma ken Gomorra.

Isaias 3:9

Ti panangidumdumada ti pakaukomanda. Iparangda ti panagbasolda a kas kadagiti taga-Sodoma. Nasentensiaanda a madadael ket isuda met la ti nangyeg iti pakadusaanda.

Jeremias 3:3

Daytoy ti gapuna a di nagtudo ken di met nagarbis. Balangkantiska a babai; awan a pulos ti babainmo.

Jeremias 6:15

Nagbainda kadi idi inaramidda dagitoy makarimon a bambanag? Saan! Pulos a dida nagbain; dida pay ammo ti rikna ti mabainan. Iti kasta, mapasagdanto a kas kadagiti dadduma inton dusaek ida ket daytanton ti paggibusanda. Siak, ni Yahweh ti agsasao.”

Ezekiel 16:49

Napalangguadda idi—isu ken dagiti annakna a babbai agsipud ta adu ti taraonda ket nagbiagda a natalna ken naulimek. Nupay kasta, saanda a tinulongan dagiti napanglaw ken dagiti marigrigat.

Ezekiel 16:50

Napalangguad ken natangken ti uloda, ket inaramidda dagiti kagurak, isu a dinadadaelko ida a kas maiparbeng.

Ezekiel 16:51

“Nagbasol ti Samaria ngem awan pay kagudua laeng koma ti nagbasolam. Ad-adu ti makarimon nga inaramidmo ngem ti inaramidna. Kasla awan basol dagiti kakabsatmo a babbai no maidilig ti aramidda iti aramidmo.

Levitico 18:22

Maiparit a kainaig ti lalaki ti padana a lalaki; kagura ti Dios dayta nga aramid.

Levitico 20:13

No kaiddaen ti maysa a lalaki ti padana a lalaki, agpadada a mapapatay ta nakarimrimon ti inaramidda, isuda met laeng ti akimbasol iti bukodda nga ipapatayda.

1 Taga-Corinto 6:9

Saanyo aya nga ammo a dinto tagikuaen dagiti managdakdakes ti Pagarian ti Dios? Dikayo paallilaw. Dagiti tattao nga immoral, dagiti agrukbab kadagiti didiosen, dagiti mannakikamalala, dagiti aggartem iti padada a lalaki wenno padada a babai

Deuteronomio 23:17

“Maiparit iti maysa nga Israelita, lalaki man wenno babai, nga agbalin a balangkantis iti templo.

1 Timoteo 1:10

kadagiti mannakiabig; kadagiti aggartem kadagiti padada a lallaki wenno babbai nga aggartem kadagiti padada a babbai; kadagiti kidnaper; kadagiti suitik ken ulbod a saksi wenno siasinoman nga agaramid iti maibusor iti pudno a pannursuro.

2 Timoteo 3:13

Ngem dumakdakesto dagiti dakes a tattao ken manangallilaw, ket agtultuloydanto a mangallilaw ken paallilaw.

2 Pedro 2:2

Uray pay no kasta, adunto ti tumulad iti saan a nasayaat nga aramidda, ket gapu kadakuada, madadaelto ti Dalan ti kinapudno.

2 Pedro 2:7

Inispalna ni Lot, maysa a nalinteg a tao a nariribuk iti kinadakes dagiti managlabsing iti linteg.

San Judas 1:7

Laglagipenyo ti Sodoma ken Gomorra ken dagiti kabangibang nga il-ili. Nagbasolda iti pannakikamalala ken kinaderrep ket sagsagabaenda ti dusa iti agnanayon nga apuy. Daytoy ti pakaballaagantayo amin.

Uk-ukom 19:22

Madamada nga agraragsak idi pagammoan la ta dimteng dagiti derrep a lallaki iti ili. Linawlawda ti balay ket nagtugtogda iti ruangan. Kinunada iti lakay, “Iruarmo ti lalaki a nagdagus ditoy balaymo ta kayatmi a kaiddaen.”