Genesis 19:3 - Ti Baro a Naimbag a Damag Biblia

³ Saan a namingga ni Lot agingga a naawisna ida ket nakikuyogda kenkuana a napan iti balayna. Binilin ni Lot dagiti adipenna nga aglutoda iti tinapay ken mangisaganada iti naimas a taraon dagiti sangaili. Nangan dagiti sangaili.

Ti Biblia (1973)

³ Ngem inuyutanna ida iti napalalo; ket napanda kencuana ket simrecda iti balayna; ket inyaramidanna ida iti maysa a daya, ket nagluto iti tinapay a di-nalevaduraan, ket nanganda.

Genesis 19:3 Iomraidhean Croise

Genesis 19:2

ket kinunana, “Appo, madadaanak nga agserbi kadakayo. Pangngaasiyo ta agdaguskayo iti balayko. Mabalinyo a buggoan dagiti sakayo ket umiankayo. Inton bigat, mabalinyo ti agriing a masapa ket agtuloykayo iti papananyo.” Ngem insungbatda, “Agyamankami, ngem ditoy laengen plasa ti pangpalabasanmi iti rabii.”

Genesis 21:8

Dimmakkel ti ubing. Iti aldaw a pannakapusotna, nangipaay ni Abraham iti dakkel a padaya.

Genesis 24:31

“Dumanonka idiay balay, apo,” kinuna ni Laban, “sika a binendisionan ti Apo. Apay nga addaka ditoy ruar? Adda kuarto a naisagana kenka idiay balay. Adda met pagyanan dagiti kameliom.”

Genesis 26:30

Insaganaan ida ni Isaac iti maysa a padaya ket nagkakapangan ken nagiinumda.

2 Ar-ari 4:8

Iti maysa nga aldaw, napan ni Eliseo idiay Sunem. Adda nabaknang a babai sadiay a nangawis kenkuana a makipangan iti balayda. Manipud idin, kanayon a mangan iti balay ti babai tunggal mapan iti dayta a lugar.

Exodo 12:15

Kinuna ni Yahweh, “Pito nga aldaw a masapul nga awan lebadura ti tinapay a kanenyo. Iti umuna nga aldaw, masapul nga ikkatenyo ti amin a lebadura kadagiti balbalayyo. No adda mangan iti tinapay a nalebaduraan manipud iti umuna agingga iti maikapito nga aldaw, masapul a maisina iti Israel.

Exodo 12:39

Nagaramidda kadagiti tinapay nga awan lebadurana iti masa nga inggapuda idiay Egipto. Kellaat ngamin ti pannakapapanawda ket awan tiempoda a nagluto iti kanenda wenno nangisagana iti masa nga adda lebadurana.

San Lucas 11:8

“Ibagak kadakayo, numan pay aggayyemkayo, saanto a bumangon a mangted kenka iti tinapay. Ngem gapu ta dimo isardeng ti agdawat, bumangonto a mangted kenka iti amin a masapulmo.

San Lucas 14:23

“Iti kasta, kinuna manen ti apo iti adipen, ‘Inka kadagiti daldalan ken bitbit-ang, ket pilitem dagiti tattao nga umay tapno mapno ti balayko.

San Lucas 5:29

Kas pammadayawna ken ni Jesus, nangisagana ni Levi iti dakkel a padaya idiay balayna. Timmabuno ti adu nga agsingsingir iti buis ken dadduma pay a tattao.

San Juan 12:2

Insaganaanda sadiay iti pangrabii. Nagserbi ni Marta ket maysa ni Lazaro a nakisango ken ni Jesus iti panganan.

1 Taga-Corinto 5:8

Ngarud, rambakantayo ti fiesta babaen iti tinapay nga awan lebadurana, ti tinapay ti kinadalus ken kinapudno, saan nga iti tinapay nga addaan iti lebadura ti basol ken kinadakes.

2 Taga-Corinto 5:14

Iturayannakami ti ayat ni Cristo, ta mabigbigmi a natay ti maysa a tao nga agpaay iti amin, kayatna a sawen, nairaman ti amin a tattao iti ipapatay ni Cristo.

Hebreo 13:2

Laglagipenyo a pasangbayen dagiti ganggannaet. Adda dagiti nagpadagus iti balbalayda a dida ammo nga angheles dagiti sinangailida.

Uk-ukom 6:19

Iti kasta, napan nangparti ni Gideon iti urbon a kalding ket linutona. Nanggamay iti sangasalup nga arina ket inaramidna a tinapay nga awan lebadurana. Inkabilna ti karne iti basket ken ti digo iti banga sana impan dagitoy iti anghel nga adda iti sirok ti kayo a lugo.

1 Samuel 28:24

Dinardaras ti babai a pinarti ti urbon ti baka a palpalukmegenna. Nangala iti arina, insaganana ket nangluto iti tinapay nga awan ti lebadurana.