Genesis 18:7 - Ti Baro a Naimbag a Damag Biblia

⁷ Kalpasanna, nagtaray a napan iti ayan dagiti arban ket nangpili iti nalukmeg nga urbon ti baka. Intedna iti maysa kadagiti adipenna a nagdardaras a napan nangisagana.

Ti Biblia (1973)

⁷ Ket ni Abraham nagtaray iti ayan dagiti vaca, ket nangala iti maysa nga urbon a naganus ken nasayaat, ket intedna iti adipen; ket dinardarasna nga insagana.

Genesis 18:7 Iomraidhean Croise

Genesis 18:6

Dinagdagus ni Abraham ti simrek iti toldana ket kinunana iti asawana, “Sara, mangalaka iti sangasupot iti kasayaatan nga arina ket manglutoka iti tinapay. Darasem!”

Genesis 18:8

Nangala ni Abraham iti keso, gatas, ken ti karne a pinalutona ket impasangona kadagiti lallaki. Iti sirok ti kayo ti nangserbianna kadakuada. Bayat ti pannanganda,

Genesis 19:3

Saan a namingga ni Lot agingga a naawisna ida ket nakikuyogda kenkuana a napan iti balayna. Binilin ni Lot dagiti adipenna nga aglutoda iti tinapay ken mangisaganada iti naimas a taraon dagiti sangaili. Nangan dagiti sangaili.

Amos 6:4

Asikayo pay, dakayo nga agid-idda kadagiti napipintas ken nalamuyot a sofa ken agsidsida iti karne ti urbon a karnero ken baka.

Malakias 1:14

Mailunod koma ti manangallilaw a mangidaton kaniak iti awan serserbina nga animal idinto nga inkarina a mangidatag kaniak iti nasayaat nga animal nga aggapu iti arbanna. Naindaklanak nga ari! Kabutengdak dagiti amin a tao iti amin a pagilian.”

San Mateo 22:4

Nangibaon manen kadagiti sabali nga adipen ket kinunana: ‘Ibagayo kadagiti naawis a naisaganan ti padayak. Napartin dagiti kalakian a baka ken dagiti napalukmeg nga urbon a baka ket naisagana aminen a masapul. Ibagayo nga umaydan.’

San Lucas 15:23

Inkay alaen ti napalukmeg a baka ket partienyo. Agrambaktayo!

San Lucas 15:27

‘Nagsublin ti kabsatmo,’ insungbat ti katulongan, ‘ket pinaparti ni tatangmo ti napalukmeg a baka, ta napasangpetna a sisasalun-at ken sikakaradkad.’

San Lucas 15:30

Ngem daytoy nga anakmo—binusbosna amin a sanikuam kadagiti dakes a babbai. Ket ita ta nagsublin, impartiam iti napalukmeg a baka!’

1 Samuel 28:24

Dinardaras ti babai a pinarti ti urbon ti baka a palpalukmegenna. Nangala iti arina, insaganana ket nangluto iti tinapay nga awan ti lebadurana.