Genesis 18:6 - Ti Baro a Naimbag a Damag Biblia

⁶ Dinagdagus ni Abraham ti simrek iti toldana ket kinunana iti asawana, “Sara, mangalaka iti sangasupot iti kasayaatan nga arina ket manglutoka iti tinapay. Darasem!”

Ti Biblia (1973)

⁶ Ket ni Abraham napan a nagdardaras ken Sara iti sapaw, ket kinunana, Agdarasca a mangisagana iti tallo a casucat ti nasayaat nga bellaay, gamayem, ket agaramidca iti tinapay.

Genesis 18:6 Iomraidhean Croise

Genesis 18:5

Yalaankayo met iti taraon tapno adda pamigsayo a mangituloy iti panagbiaheyo. Mapadayawanak iti yaayyo iti taengko ket palubosandak kadi a mangsangaili kadakayo.” “Agyamankami,” insungbatda. “Padayawanmi ti awismo.”

Genesis 18:7

Kalpasanna, nagtaray a napan iti ayan dagiti arban ket nangpili iti nalukmeg nga urbon ti baka. Intedna iti maysa kadagiti adipenna a nagdardaras a napan nangisagana.

Genesis 19:3

Saan a namingga ni Lot agingga a naawisna ida ket nakikuyogda kenkuana a napan iti balayna. Binilin ni Lot dagiti adipenna nga aglutoda iti tinapay ken mangisaganada iti naimas a taraon dagiti sangaili. Nangan dagiti sangaili.

2 Samuel 13:6

Naginsasakit ngarud ni Amnon ket napan nagidda. Sinarungkaran ni Ari David ni Amnon. Kinuna ni Amnon kenkuana, “Pangngaasim ta ibagam nga umay ditoy ni Tamar tapno yaramidannak iti kankanen. Kayatko a makita ti panaglutona ket isu metten ti mangpakan kaniak.”

Dagiti Salmo 119:60

Saanak nga agtaktak, dagdagusek a tungpalen dagiti bilinmo.

Isaias 32:8

Ngem ti natakneng, nalinteg ti aramidna ket pagtakderanna ti aniaman a nainkalintegan.

San Mateo 13:33

Adda pay sabali a pangngarig nga insarita ni Jesus kadakuada. Kinunana, “Mayarig ti Pagarian ti Langit iti sumaganad: Mangala ti maysa a babai iti lebadura sana igamay iti uppat a pulo a litro nga arina. Gapu iti lebadura, bumsog ti entero a masa.”

Dagiti Aramid 16:15

Nagbuniag ni Lydia ken dagiti kabbalayna. Kalpasanna, inawisnakam a kunana, “No namnamaenyo a mamatiak a sipupudno iti Apo, umaykay agdagus idiay balay.” Ket saankami a nakapagkedked.

Taga-Roma 12:13

Ibingayanyo dagiti napanglaw a kakabsatyo iti pammati, ket padagusenyo dagiti sangsangaili.

Taga-Galacia 5:13

Iti biangyo, kakabsatko, naayabankayo nga agwayawaya. Ngem saan a daytoy a wayawaya ti panggapuanyo a mangipalubos nga iturayannakayo ti tarigagayyo a kas tao. Agtitinnulongkayo ketdi gapu iti ayat.

Hebreo 13:2

Laglagipenyo a pasangbayen dagiti ganggannaet. Adda dagiti nagpadagus iti balbalayda a dida ammo nga angheles dagiti sinangailida.

1 Pedro 4:9

Nabara koma ti panagsisinnangailiyo.

Uk-ukom 6:19

Iti kasta, napan nangparti ni Gideon iti urbon a kalding ket linutona. Nanggamay iti sangasalup nga arina ket inaramidna a tinapay nga awan lebadurana. Inkabilna ti karne iti basket ken ti digo iti banga sana impan dagitoy iti anghel nga adda iti sirok ti kayo a lugo.

1 Samuel 28:24

Dinardaras ti babai a pinarti ti urbon ti baka a palpalukmegenna. Nangala iti arina, insaganana ket nangluto iti tinapay nga awan ti lebadurana.