Genesis 17:8 - Ti Baro a Naimbag a Damag Biblia

⁸ Itedkonto kenka ken kadagiti kaputotam daytoy a daga a pagnanaedam ita a kas ganggannaet. Kukuanto dagiti kaputotam iti agnanayon ti entero a daga ti Canaan, ket siakto ti Diosda.”

Ti Biblia (1973)

⁸ Ket itedconto kenca ken iti putotmo, iti calpasam, ti daga dagiti naggangannaetam, amin ti daga a Canaan, a tagicucuaen iti agnanayon; ket siacto ti Diosda.

Genesis 17:8 Iomraidhean Croise

Genesis 12:7

Nagparang ni Yahweh ken ni Abram ket kinunana kenkuana, “Daytoy ti daga nga itedko kadagiti kaputotam.” Nangbangon sadiay ni Abram iti altar nga agpaay ken ni Yahweh a nagparang kenkuana.

Genesis 13:15

Itedko kenka ken kadagiti kaputotam ti amin a daga a makitam ket kukuayonto iti agnanayon.

Genesis 13:17

Ita, inka sursoren ti entero a daga gapu ta itedko amin kenka daytoy.”

Genesis 23:4

“Maysaak a ganggannaet nga agnaed iti dagayo. Pangngaasiyo ta lakoandak iti daga a pangitanemak iti asawak.”

Genesis 26:24

Iti dayta a rabii, nagparang ni Yahweh kenkuana ket kinunana, “Siak ti Dios ni Abraham a tatangmo. Dika agbuteng; addaak kenka. Bendisionanka ket paraburanka iti adu a kaputotan gapu iti karik ken ni adipenko nga Abraham.”

Genesis 28:4

Bendisionannaka koma ken ti kaputotam a kas iti panangbendisionna ken ni Abraham. Ket sapay koma ta matagikuam ti daga a nagnaedam, ti daga nga inted ti Dios ken ni Abraham.”

Genesis 35:27

Napan ni Jacob idiay Mamre a pagnanaedan ni tatangna nga Isaac ken nagnaedan met idi ni Abraham iti asideg ti Hebron.

Genesis 36:7

Pinanawanna ni Jacob idiay Canaan ta saanen nga umdas ti daga a mangbiag kadakuada nga agkabsat. Adu unayen ti arbanda ket dida mabalin ti agtipon.

Genesis 37:1

Nagtalinaed ni Jacob iti daga ti Canaan a nagnaedan ni tatangna.

Genesis 48:4

Kinunana kaniak, ‘Paraburankanto iti adu nga annak ket agbalinto dagiti kaputotam a dakkel a nasion. Itedkonto kadakuada daytoy a daga a tagikuaenda iti agnanayon.’”

2 Samuel 23:5

Kastoy ti panangbendision ti Dios kadagiti kaputotak, ta nakitulag kaniak iti agnanayon, maysa a tulag a di masalungasing, maysa a kari a pulos a di mabaliwan. Daytoy la a banag ti tarigagayak; daytoy ti balligik ket awan duadua nga ibanag ti Dios.

1 Cronicas 16:18

“Itedkonto kenka ti daga ti Canaan,” kinunana, “sikanto ti akinkukua.”

Dagiti Salmo 103:17

Ngem kadagiti agdayaw iti Apo agnanayon ti ayatna, awan patinggana. Kadagiti amin a kaputotan, agpaut ti kinaimbagna.

Dagiti Salmo 105:11

“Itedko kenka ti Canaan,” kinunana. “Tagikuaemto ti daga iti agnanayon awan inggana.”

Dagiti Salmo 105:9

Tungpalenna ti nagtulaganda ken ni Abraham, ken ti inkarina ken ni Isaac.

Exodo 13:11

Intuloy ni Moises, “Ipannakayto ti Apo iti daga dagiti Cananeo nga insapatana nga ited kadakayo ken kadagiti kapuonanyo. Inton maitedna kadakayo dayta a daga,

Exodo 21:6

ipanto ngarud ti amongna iti lugar a pagdaydayawan. Sadiay, pagtakderento ti amongna iti ruangan wenno iti baotek ti ruangan ket tebbengannanto. Ket tagabunanto agingga't tungpal biagna.

Exodo 29:45

Agtaengakto iti sidong dagiti Israelita ket siakto ti Diosda.

Exodo 32:13

Laglagipem da Abraham, Isaac ken Jacob nga adipenmo. Laglagipem ti kari a sinapataam kadakuada a paaduem ti kaputotanda a kas iti kaadu dagiti bituen ti langit ket itedmo amin daytoy a daga nga inkarim a tagikuaenda iti agnanayon.”

Exodo 40:15

Ket ikonsagrarmo ida a kas iti amada tapno mabalinda ti agserbi kaniak a kas padi. Iti pannakakonsagrarda, agbalinda a padi ken dagiti kaputotanda iti agnanayon.”

Exodo 6:4

Nakitulagak pay kadakuada: Inkarik nga itedko kadakuada ti daga a Canaan a nagnaedanda a kas ganggannaet.

Exodo 6:7

Pagbalinenkayto a tattaok ket siakto ti Diosyo. Maammoanyonto a siak ni Yahweh a Diosyo inton wayawayaankayo iti pannakatagabuyo idiay Egipcio.

Jeremias 25:5

Imbagada a paglikudanyo ti dakes a panagbiagyo ken dagiti dakes nga aramidyo, tapno mabalinyo ti agnaed iti daga nga inted ti Apo kadakayo ken kadagidi kapuonanyo kas agnanayon a sanikuayo.

Jeremias 31:1

Kuna ni Yahweh, “Dumtengen ti tiempo a siakto ti Dios ti amin a tribu ti Israel ket isudanto dagiti tattaok.

Ezekiel 11:20

Iti kasta, annurotendanto dagiti lintegko, ket tungpalendanto a sipapasnek dagiti bilinko. Isudanto dagiti tattaok, ket siakto ti Diosda.

Ezekiel 33:24

Kinunana, “Anak ti tao, kastoy ti kuna dagiti agnaed kadagiti nadadael a siudad ti Israel, ‘Maymaysa ni Abraham idi naited kenkuana ti entero a daga. Ngem ita ta adutayon, kukuatayon ti daga.’

Levitico 14:34

dagitoy nga alagaden maipapan kadagiti balay a kinaptan ti agwaras a ratik. (Annuroten dagitoy dagiti Israelita kalpasan ti isasangpetda idiay Canaan, ti daga nga ited ni Yahweh kadakuada.) Siasinoman a makasarak iti ratik iti uneg ti balayna, masapul nga ipakaammona daytoy iti padi.

Levitico 16:34

Masapul a maannurot dagitoy nga alagaden iti amin a tiempo. Tinawen a maannurot daytoy a seremonia tapno madalusan dagiti Israelita iti amin a basolda. Natungpal ngarud amin dagitoy kas imbilin ni Yahweh ken ni Moises.

Levitico 26:12

Kaduakayto iti sadinoman a papananyo; siakto ti Diosyo ket dakayto dagiti tattaok.

Zacarias 8:8

Alaekto ida manipud iti daya ken laud ket isublikto ida idiay Jerusalem a pagnaedanda. Isudanto dagiti tattaok ket siakto ti Diosda. Iturayakto ida a sipupudno ken awan idumdumak.

Numero 10:29

Kinuna ni Moises ken ni kayongna a Hobab nga anak ni Jetro a Midianita, “Agrubbuatkami a mapan iti lugar nga inkari ti Apo nga ited kadakami. Inkarina a parang-ayen ti Israel, isu a sumurotka kadakami ket ibingayandakanto iti kinabaknangmi.”

Numero 25:13

Isu ken dagiti kaputotanna ti maisaad a padi iti agnanayon, agsipud ta dina impalubos nga adda sabali a didiosen a pagdaydayawan dagiti tattao, ket inyegna ti pannakapakawan ti basol dagiti tattao.”

Numero 27:12

Kinuna ni Yahweh ken ni Moises, “Sumang-atka iti Bantay Abarim, ket tannawagam ti daga nga itedko kadagiti Israelita.

Dagiti Aramid 7:5

Awan ti sanikua nga inted ti Dios ken ni Abraham, uray la koma sangkadakulapan a daga, ngem inkarina nga agpaay daytoy a daga kenkuana ken kadagiti kaputotannanto uray awan pay anakna idi.

Deuteronomio 14:2

Ngamin, nasagradoankayo a tattao; kukuanakayo ti Apo a Diosyo. Pinilinakayo kadagiti amin a tattao iti rabaw ti daga tapno agbalinkayo a gamengna.

Deuteronomio 26:18

Ita nga aldaw, inawatnakayo ti Apo a tattaona a kas inkarina kadakayo ket bilinennakayo a tungpalenyo amin a lintegna.

Deuteronomio 29:13

Iti kasta, patalgedanna a tattaonakayo ket isu ti Diosyo a kas inkarina kadakayo ken kadagidi kapuonanyo, da Abraham, Isaac ken Jacob.

Deuteronomio 32:49

“Inka iti Bantay Abarim, iti daga ti Moab, iti kasumbangir ti siudad ti Jerico. Sumang-atka iti Bantay Nebo ket tannawagam ti Canaan nga itedko a tagikuaen dagiti Israelita.

Deuteronomio 32:8

Inted ti Kangatoan ti daga dagiti nasion; intudingna ti daga a pagtaengan ti tunggal pagilian. Inikkanna ti tunggal nasion iti didiosen

Deuteronomio 34:4

Kinuna ni Yahweh ken ni Moises, “Daytoy ti daga nga inkarik kada Abraham, Isaac ken Jacob nga ited kadagiti kaputotanda. Impalubosko a kitaem daytoy a daga ngem saankanto a makastrek sadiay.”

Deuteronomio 4:37

Gapu ta impatpategna dagiti kapuonanyo, pinilina dagiti kaputotanda ket babaen iti nabileg a pannakabalinna, isu a mismo ti nangiruar kadakayo idiay Egipto.

Deuteronomio 9:5

Saan a gapu ta naimbagkayo ket nasayaat ti aramidyo nga ipalubos ti Apo a tagikuaenyo ti dagada. Pagtalawenna ida gapu iti kinadakesda ken tapno matungpal ti karina kada Abraham, Isaac ken Jacob a kapuonanyo.

Hebreo 9:15

Daytoy ti gapu no apay a ni Cristo ti mangisayangkat iti baro a tulag: tapno awaten dagiti inayaban ti Dios dagiti agnanayon a bendision nga inkari ti Dios. Maaramid daytoy agsipud ta iti ipapatayna, wayawayaanna dagiti tattao kadagiti salungasingda idi adda pay laeng iti babaen ti immuna a tulag.

Josue 1:2

Kinunana, “Natayen ni Moises nga adipenko. Sika ken dagiti amin nga Israelita, agsaganakayon a bumallasiw iti Karayan Jordan ket inkay iti daga nga itedko kadakayo.

Paltiing 21:7

Daytoy ti gunggona ti agballigi: Siakto ti Diosna ket isunto ti anakko.