Genesis 17:7 - Ti Baro a Naimbag a Damag Biblia

⁷ “Agnanayon daytoy a tulag ket tungpalekto ti karik kenka ken kadagiti sumarsaruno a kaputotam. Siakto ti Diosmo ken ti Dios dagiti kaputotam.

Ti Biblia (1973)

⁷ Ket buangayecto ti pagtaluganta, ken cadagiti putotmo iti calpasam, bayat dagiti caputotanda, nga agnanayon a nomo, tapno siac ti Diosmo ken Dios dagiti putotmo iti calpasam.

Genesis 17:7 Iomraidhean Croise

Genesis 15:18

Iti dayta met la a kanito, nakitulag ni Yahweh ken ni Abram. Kinunana, “Ikarik nga itedko iti kaputotam amin daytoy a daga manipud iti beddeng ti Egipto agingga iti Karayan Eufrates,

Genesis 17:13

Masapul a makugit ti tunggal maysa ket daytoy a marka ti bagi ti mangipakita nga agnanayon ti nagtulaganta.

Genesis 17:19

Ngem kinuna ti Dios, “Saan. Aganakto ni Sara iti lalaki ket panaganamto iti Isaac. Tungpalekto ti pagtulaganmi ken ni Isaac ken kadagiti kaputotanna. Agnanayon daytoy a tulag.

Genesis 26:24

Iti dayta a rabii, nagparang ni Yahweh kenkuana ket kinunana, “Siak ti Dios ni Abraham a tatangmo. Dika agbuteng; addaak kenka. Bendisionanka ket paraburanka iti adu a kaputotan gapu iti karik ken ni adipenko nga Abraham.”

Genesis 28:13

Pagammoan, nakitana ni Yahweh nga agtaktakder iti dennana. “Siak ni Yahweh a Dios ni Abraham ken ni Isaac,” kinunana. “Itedkonto kenka ken iti kaputotam daytoy a daga a pagid-iddaam.

Genesis 6:18

Ngem makitulagak kenka. Lumugankayo iti daong—sika, ti asawam, dagiti annakmo ken dagiti assawada.

Genesis 9:16

No agparang ti bullalayaw iti ulep, makitakto ket malagipko ti agnanayon a pannakitulagko kadagiti amin a sibibiag a parsua iti daga.”

2 Samuel 7:24

Pinagbalinmo dagiti Israelita a tattaom iti agnanayon, ket sika, O Apo, ti nagbalin a Diosda.

1 Cronicas 16:14

Ti Apo ti Diostayo, agpaay dagiti bilinna iti entero a daga.

Dagiti Salmo 81:10

Siak ni Yahweh a Diosmo a nangiruar kenka idiay Egipto; agngangaka laeng ket itedko ti taraonmo.

Exodo 3:15

Ibagamto kadagiti Israelita, a siak ni Yahweh a Dios dagiti kapuonanyo, ti Dios da Abraham, Isaac ken Jacob, imbaonka kadakuada. Daytoy ti naganko iti agnanayon. Isunto ti pangawag kaniak dagiti amin a kaputotan.

Exodo 3:6

Siak ti Dios ti amam—da Abraham, Isaac ken Jacob.” Liningdan ni Moises ti rupana ta mabuteng a kumita iti Dios.

Exodo 6:4

Nakitulagak pay kadakuada: Inkarik nga itedko kadakuada ti daga a Canaan a nagnaedanda a kas ganggannaet.

Exodo 6:7

Pagbalinenkayto a tattaok ket siakto ti Diosyo. Maammoanyonto a siak ni Yahweh a Diosyo inton wayawayaankayo iti pannakatagabuyo idiay Egipcio.

Isaias 61:8

Kuna ti Apo, “Ayatek ti kinalinteg, ket guraek ti panagidadanes ken panagaramid iti dakes. Gunggonaakto dagiti tattaok, awan duadua ket makitulagakto iti agnanayon kadakuada.

Jeremias 31:1

Kuna ni Yahweh, “Dumtengen ti tiempo a siakto ti Dios ti amin a tribu ti Israel ket isudanto dagiti tattaok.

Ezekiel 28:26

Sadiay, agipatakderdanto kadagiti balbalayda ken agmuladanto iti ubas. Addanto kappia sadiay ket natalgedto ti panagbiagda kalpasan ti panangdusak kadagiti nasion a nangum-umsi kadakuada, ket awanton ti pakaan-anoan ti Israel. Iti kasta, maammoandanto a siak ni Yahweh a Diosda.”

Levitico 11:45

Siak ni Yahweh a nangiruar kadakayo idiay Egipto tapno agbalinak a Diosyo. Masapul a nasantoankayo agsipud ta nasantoanak.

Levitico 25:38

Daytoy ti bilin ti Apo a Diosyo a nangiruar kadakayo idiay Egipto tapno itedna kadakayo ti daga ti Canaan ken tapno agbalin a Diosyo.

Levitico 26:12

Kaduakayto iti sadinoman a papananyo; siakto ti Diosyo ket dakayto dagiti tattaok.

Levitico 26:44

Ngem uray no kasta, diakto baybay-an wenno dadaelen a mamimpinsan ida bayat ti kaaddada pay laeng iti daga dagiti kabusorda. Ta no kasta ti mapasamak, mawaswas ti pannakitulagko kadakuada. Siak ni Yahweh a Diosda.

Levitico 26:45

Pabaroekto ti tulagko kadagidi kapuonanda idi impakitak ti bilegko kadagiti amin a pagilian babaen iti panangiruarko kadagiti tattaok idiay Egipto tapno siak ni Yahweh, agbalinak a Diosda.”

Levitico 26:9

Bendisionankayto ket paraburankayto iti adu nga annak; tungpalekto ti karik iti tulagantayo.

Mikias 7:20

Ipakitam ti kinapudnom ken ti di agbalbaliw nga ayatmo kadagiti tattaom nga Israelita a kaputotan ni Abraham ken ni Jacob, kas inkarim kadagidi kapuonanmi idi punganay.

San Mateo 22:32

‘Siak ti Dios ni Abraham, ti Dios ni Isaac ken ti Dios ni Jacob.’ Kayatna a sawen nga isu ti Dios dagiti sibibiag, saan a Dios dagiti natay.”

San Marcos 10:14

Idi madlaw ni Jesus ti inaramid dagiti adalanna, nakaunget ket kinunana kadakuada, “Palubosanyo dagiti ubbing nga umay kaniak. Diyo paritan ida ta dagiti kas kadakuada ti agtagikua iti Pagarian ti Dios.

Dagiti Aramid 2:39

Agpaay daytoy a kari kadakayo ken kadagiti annakyo, kasta met kadagiti amin nga adda iti adayo. Wen, maipaay iti tunggal maysa nga ayabanto ti Apo a Diostayo iti sidongna.”

Taga-Roma 9:4

Israelitada, ket pinagbalin ti Dios ida nga annakna. Inranudna ida iti gloriana. Nakitulag kadakuada ket intedna ti Lintegna. Adda kadakuada ti pudno a panagdaydayaw. Inawatda dagiti karina.

Taga-Efeso 2:2

Sinurotyo idi ti dakes a panagbiag daytoy a lubong. Pinaiturayankayo iti naespirituan a pannakabalin ti tangatang, ti espiritu a mangituray ita kadagiti tattao a saan nga agtulnog iti Dios.

Deuteronomio 29:13

Iti kasta, patalgedanna a tattaonakayo ket isu ti Diosyo a kas inkarina kadakayo ken kadagidi kapuonanyo, da Abraham, Isaac ken Jacob.

Hebreo 11:16

Ngem tartarigagayanda ti nasaysayaat a lugar, kayatna a sawen, ti nailangitan a lugar. Isut' gapuna a saan a mabainan ti Dios no awaganda a Diosda agsipud ta insaganaanna ida iti maysa a siudad.

Hebreo 8:10

Daytoy ti baro a pannakitulagko kadagiti Israelita Kadagiti masakbayan nga aldaw, kuna ti Apo: Ikabilkonto dagiti linlintegko kadagiti isipda, Ket isuratkonto ida kadagiti pusoda. Siakto ti Diosda, Ket isudanto dagiti tattaok.

Uk-ukom 2:1

Manipud Gilgal, napan ti anghel ni Yahweh idiay Bokim, ket kinunana kadagiti Israelita, “Inruarkay idiay Egipto ket inyegkay iti daga nga inkarik kadagidi kapuonanyo. Kinunak idi a diakto waswasen ti tulagko kadakayo.