Genesis 17:10 - Ti Baro a Naimbag a Damag Biblia

¹⁰ Masapul nga umanamongkayo, sika ken dagiti kaputotam, a makugit ti amin a lalaki kadakayo.

Ti Biblia (1973)

¹⁰ Daytoy ti tulagco a salimetmetanyonto, siac ken sica ken dagiti putotmo iti calpasam: tumunggal lalaki cadacayo macugitto.

Genesis 17:10 Iomraidhean Croise

Genesis 17:11

Manipud ita, masapul a kugitem ti ubing a lalaki nga adda walo nga aldawnan, agraman dagiti tagabu a nayanak iti balaymo ken dagiti ginatangmo kadagiti ganggannaet. Daytoy ti pakakitaan nga adda nagtulaganta.

Genesis 17:23

Iti dayta met la nga aldaw, tinungpal ni Abraham ti imbaga ti Dios. Kinugitna ni Ismael nga anakna ken amin a lallaki iti balayna, tagabu man a nayanak sadiay wenno dagiti ginatangna.

Genesis 17:27

agraman dagiti amin a tagabu ni Abraham.

Genesis 21:4

Idi walo nga aldawnan, kinugit ni Abraham, kas imbilin ti Dios kenkuana.

Genesis 34:15

Umannugotkami laeng iti maysa a kondision: Agpakugitkayo, a kas kadakami, kasta met ti amin a lallaki kadakayo.

Genesis 34:22

Ngem kayat dagitoy a tattao ti makipagnaed kadatayo ket makipagmaymaysada kadatayo no la ket makugittayo a lallaki a kas kadakuada.

Exodo 12:48

No adda ganggannaet a makipagnaed kadakayo a mayat a mangrambak iti Paskua ni Yahweh, kugitenyo pay nga umuna dagiti lallaki iti familiana. Kalpasanna, mabalinna ti makipagrambak; maibilangto a kas Israelita. Ngem maiparit iti saan a kugit a mangan iti daytoy.

Exodo 4:25

Nangala ni Sefora iti natadem a bato ket kinugitna ti anakna sana insagid ti nageppas a kudil kadagiti dapan ni Moises. Gapu iti seremonia ti pannakakugit, kinunana ken ni Moises, “Asawaka babaen iti dara.” Iti kasta, pinalubosan ni Yahweh nga agbiag ni Moises.

Jeremias 4:4

Tungpalenyo ti nakitulaganyo kaniak nga Apo yo ket idatonyo dagiti pusoyo kaniak, dakayo a tattao ti Juda ken Jerusalem. Ta no saan, gumil-ayabto ti pungtotko gapu kadagiti dakes nga aramidyo, ket sumged nga awan ti makaiddep.”

San Juan 7:22

“Gapu ta imbilin kadakayo ni Moises a kugitenyo dagiti annakyo, kugitenyo ti ubing iti Aldaw a Panaginana (nupay saan a ni Moises ti nangirugi iti daytoy no di ket dagiti ammayo).

Dagiti Aramid 7:8

“Kas pakakitaan iti daytoy a tulag, inted ti Dios ken ni Abraham ti seremonia ti pannakakugit. Daytoy ti gapuna a kinugit ni Abraham ni Isaac iti maikawalo nga aldaw kalpasan ti pannakayanakna. Kinugit met ni Isaac ni Jacob. Kasta met ti inaramid ni Jacob kadagiti sangapulo ket dua nga annakna a lallaki, dagiti nalatak a kapuonan ti pulitayo.

Taga-Roma 2:28

No nakugit ti maysa a Judio, saanna kayat a sawen nga isu ket napaypayso a Judio. Saan a Judio ti maysa a tao gapu laeng ta nakugit.

Taga-Roma 3:25

Indaton ti Dios ni Cristo Jesus tapno, babaen iti ipapatayna, isu ti pakapakawanan dagiti basol dagiti tattao babaen iti pammatida kenkuana. Inaramid ti Dios daytoy tapno ipakitana ti kinalintegna. Iti napalabas, naanus ket pinalabasna dagiti basol ti tao.

Taga-Roma 3:28

Ta ibilangtayo a mapalinteg ti tao iti sangoanan ti Dios babaen iti pammati, ket saan a babaen iti panangtungpalna iti Linteg.

Taga-Roma 3:30

Maymaysa ti Dios, ket palintegennanto dagiti Judio babaen iti pammatida. Palintegennanto met dagiti Hentil babaen iti pammatida.

Taga-Galacia 3:28

Ngarud, awan ti pagdumaan ti Judio ken Hentil, ti tagabu ken ti siwawaya, ti lalaki ken ti babai: maymaysakayo amin ken ni Cristo Jesus.

Taga-Galacia 6:12

Dagiti tattao a mangipapilit a makugitkayo isuda dagiti agpabuya tapno aglatakda ken mangipangas kadagiti banag a makita. Nupay kasta, aramidenda daytoy tapno malisianda ti panagsagaba a maipatay kadakuada gapu iti krus ni Cristo.

Taga-Efeso 2:11

Laglagipenyo no aniakayo iti napalabas, dakay a nayanak a Hentil nga awagan dagiti Judio iti “saan a nakugit,” ket awaganda ti bagida iti “nakugit,” (daytoy ti seremonia nga aramiden dagiti lallaki iti bagida).

Deuteronomio 10:16

Manipud ita, agtulnogkayo iti Apo ket ikkatenyon ti kinasukiryo.

Deuteronomio 30:6

Pabaroennakayto ti Apo ket agbalinkayto a natulnog tapno ayatenyo iti amin a puso ken kararuayo ken agtultuloykayto nga agnaed iti dayta a daga.

Taga-Filipos 3:3

Datayo, saan nga isuda, ti pudno a nakugit ta agdaydayawtayo iti Dios babaen iti Espirituna. Agrag-otayo ta ti biagtayo adda ken Cristo Jesus ket saantayo nga agtalek kadagiti seremonia.

Josue 5:2

Kinuna ni Yahweh ken ni Josue, “Agaramidka kadagiti imuko iti natangken a bato ket kugitem amin dagiti Israelita.”

Josue 5:4

Idi pumanaw dagiti Israelita idiay Egipto, nakugit aminen dagiti lallaki. Ngem iti unos ti 40 a tawen a panagdaliasat dagiti Israelita idiay let-ang, awan ti maladaga a nakugit. Maysa pay, kalpasan dayta a tiempo, natay dagiti amin a mannakigubat a lallaki a rimmuar idiay Egipto, agsipud ta nagsukirda iti Apo. Kas insapatana, dina impalubos a makitada ti nabaknang ken nadam-eg a daga nga inkarina nga ited kadagiti kapuonanda.