Genesis 15:6 - Ti Baro a Naimbag a Damag Biblia

⁶ Nagtalek ni Abram ken ni Yahweh ket gapu iti daytoy, naragsakan kenkuana ni Yahweh ket inawatna a kas nalinteg ni Abram.

Ti Biblia (1973)

⁶ Ket pinatina ni Jehova ket daytoy imbilangna kencuana a kinalinteg.

Genesis 15:6 Iomraidhean Croise

Nehemias 9:8

Napaneknekam a napudno kenka, ket nakitulagka kenkuana. Inkarim nga itedmo kenkuana ti daga ti Canaan, ti daga dagiti Heteo ken Amorreo, ti daga dagiti Perezeo, Jebuseo ken Gergeseo, tapno pagnaedan dagiti kaputotanna. Tinungpalmo ti karim, agsipud ta mapagtalkanka.

Dagiti Salmo 106:31

Manipud idin, naibilang kenkuana daytoy a kas kinalinteg malaglagip ti inaramidna iti agnanayon awan inggana.

Taga-Roma 4:11

Naud-udi ti pannakakugitna, ket ti pannakakugitna ti mangpaneknek nga inawat ti Dios a kas nalinteg ni Abraham gapu iti pammatina sakbay a nakugit. Iti kasta, ni Abraham ti naespirituan nga ama dagiti amin a mamati iti Dios, ket awaten ti Dios a kas nalintegda uray pay no saanda a nakugit.

Taga-Roma 4:9

Agpaay laeng kadi kadagiti nakugit daytoy a kinagasat a sarsaritaen ni David? Saan! Agpaay met kadagiti saan a nakugit. Ta inaramattayo daytoy a paset ti Nasantoan a Surat nga agkuna: “Namati ni Abraham iti Dios, ket gapu iti pammatina, inawat ti Dios a kas nalinteg.”

2 Taga-Corinto 5:19

Daytoy ti mensahemi: Nakikappia ti Dios iti amin a tattao babaen ken ni Cristo. Saan nga imbilang ti Dios dagiti basolda a maibusor kadakuada ket intalekna kadakami ti mensahe a mangibaga no kasano ti pannakikappiana kadakuada.

Hebreo 11:8

Gapu ta adda pammati ni Abraham, nagtulnog idi ayaban ti Dios ket napan iti maysa a pagilian nga inkari ti Dios nga ited kenkuana. Pimmanaw iti ilina, nupay dina ammo ti papananna.

Santiago 2:23

Ket pimmudno ti maysa a paset ti Nasantoan a Surat: “Namati ni Abraham iti Dios, ket imbilang ti Dios a nalinteg gapu iti pammatina.” Isut' gapuna a naawagan ni Abraham a “gayyem ti Dios.”