Genesis 15:5 - Ti Baro a Naimbag a Damag Biblia

⁵ Inruar ni Yahweh ni Abram ket kinunana, “Tumangadka ket padasem a bilangen dagiti bituen. Kastanto ti kaadu dagiti kaputotam.”

Ti Biblia (1973)

⁵ Ket impanna iti ruar, ket kinunana, Kitaem ita ti langit, ket bilangem dagiti bitbitwen, no mabalinmo a bilangen: ket kinunana kencuana, Castanto dagiti putotmo.

Genesis 15:5 Iomraidhean Croise

Genesis 12:2

Paraburankanto iti adu nga annak ken appoko ket agbalindanto a dakkel a pagilian. Bendisionankanto ket agdinamagto ti naganmo tapno mausar ti naganmo a pagbendision.

Genesis 13:16

Paraburankanto iti adu a kaputotan. Awanto ti makabilang iti kaaduda ket nalaklakanto a bilangen ti tapok iti daga.

Genesis 16:10

Ket innayonna, “Ikkankanto iti adu nga annak ken appoko ket dinto mabilang ti kaaduda.

Genesis 17:2

Makitulagak kenka ket ikkankanto iti adu a kaputotam.”

Genesis 22:17

Paaduekto dagiti kaputotam a kas iti kaadu dagiti bituen iti tangatang wenno dagiti darat iti igid ti baybay. Parmekento dagiti kaputotam dagiti kabusorda.

Genesis 26:4

Paraburankanto iti adu a kaputotan a kas iti kaadu dagiti bituen ket itedkonto kadakuada amin daytoy a daga. Dawatento dagiti amin a nasion ditoy lubong a bendisionak ida kas iti panangbendisionko kadagiti kaputotam.

Genesis 28:14

Umadunto ti kaputotam—kaslanto tapok ti kaaduda. Agwarasdanto iti amin a lugar ket dawatento dagiti amin a nasion a bendisionak met ida a kas iti panangbendisionko kenka ken kadagiti kaputotam.

Genesis 32:13

Naturog sadiay ni Jacob iti dayta a rabii. Kabigatanna, insaganana dagiti regalona ken ni Esau. Nangpili iti dua gasut a kabaian a kalding ken duapulo a bulog, dua gasut a kabaian a karnero ken duapulo a kalakian, tallopulo a gagatasen a kamelio agraman dagiti urbonda, uppat a pulo a kabaian a baka ken sangapulo a toro, duapulo a kabaian nga asno ken sangapulo a kalakian.

1 Ar-ari 3:8

Addaak iti sidong dagiti pinilim a tattaom, isuda a saan a mabilang ti kaaduda.

1 Cronicas 27:23

Saan nga inraman ni Ari David iti sensus dagiti tattao nga awan pay 20 a tawenna agsipud ta inkari ni Yahweh a paaduenna dagiti Israelita a kas iti kaadu dagiti bituen.

Nehemias 9:23

Adu nga annak ti imparaburmo kadakuada, kas kadagiti bituen sadi langit ti kaaduda. Pinalubosam ida a mangparmek ken agnaed iti daga nga inkarim nga ited kadagiti kapuonanda.

Ti Libro ni Job 35:5

Kitaem ti tangatang! Kitaem ti kangato dagiti ulep!

Dagiti Salmo 147:4

Dagiti bituen, intudingna ti bilangda, ket awaganna ti tunggal maysa iti naganda.

Exodo 32:13

Laglagipem da Abraham, Isaac ken Jacob nga adipenmo. Laglagipem ti kari a sinapataam kadakuada a paaduem ti kaputotanda a kas iti kaadu dagiti bituen ti langit ket itedmo amin daytoy a daga nga inkarim a tagikuaenda iti agnanayon.”

Isaias 51:2

Lagipenyo ni Abraham a kapuonanyo ken ni Sara a nangipasngay kadakayo. Idi ayabak ni Abraham, awan putotna ngem binendisionak ket inikkak kadagiti annak; pinaaduk dagiti kaputotanna.

Jeremias 33:22

Paaduekto dagiti kaputotan ni David nga adipenko ken ti bilang dagiti papadi iti tribu ni Levi nga agserbi kaniak. Narigatto a bilangen ti kaaduda a kas iti karigat ti panangbilang kadagiti bituen wenno kadagiti darat iti igid ti baybay.”

Taga-Roma 4:18

Namati ni Abraham ket nangnamnama uray idi awan pangnamnamaanna. Isut' gapuna a nagbalin “nga ama ti adu a nasion.” Kas kuna ti Nasantoan a Surat, “Kas ti kaadu dagiti bituen ti kaadunto ti kaputotam.”

Deuteronomio 1:10

Pinaadunakayo ti Apo a Diosyo a kas kadagiti bituen.

Deuteronomio 10:22

Pitopulo laeng ti bilang dagidi kapuonanyo a napan idiay Egipto. Ngem pinaadunakayon ti Apo a Diosyo a kas kadagiti bituen iti tangatang.”

Hebreo 11:12

Nupay naibilang a kasla natayen ni Abraham, timmaud kenkuana ti adu a kaputotan a kas kaadu dagiti bitbituen sadi langit ken kas kaadu ti darat iti igid ti baybay.

Josue 24:3

Innalak ni Abraham a kapuonanyo iti ballasiw ti karayan ket impanko iti daga ti Canaan. Inikkak iti adu a kaputotan. Intedko kenkuana ni Isaac.