Genesis 15:1 - Ti Baro a Naimbag a Damag Biblia

¹ Kalpasan daytoy, nagparmata ni Abram ket nangngegna ni Yahweh a makisasao kenkuana: “Dika agbuteng, Abram. Salaknibanka iti amin a peggad ket ikkanka iti naindaklan a gunggona.”

Ti Biblia (1973)

¹ Calpasan dagitoy a banbanag immay ti sao ni Jehova ken Abram iti maysa a parparmata, a kinunana, Dica agbuteng, Abram: siac ti calasagmo ken ti gungonam a nawadwad unay.

Genesis 15:1 Iomraidhean Croise

Genesis 15:2

Ngem kinuna ni Abram, “O Apo Dios, ania ti serbi kaniak ti gunggona nga itedmo idinto ta awan anakko? Ni laeng Eleazar a taga-Damasco ti agtawid kadagiti sanikuak.

Genesis 15:4

Kalpasanna, nangngegna manen ni Yahweh a makisasao kenkuana, “Saan a ni Eleazar a tagabu ti agtawid iti sanikuam no di ket ti bukodmo nga anak.”

Genesis 21:17

Nangngeg ti Dios ti sangit ti ubing. Manipud langit, kinuna ti anghel ti Dios ken ni Agar, “Ania ti pakariribukam, Agar? Dika agbuteng. Nangngeg ti Dios ti sangit ti ubing.

Genesis 22:1

Iti saan a nabayag, sinuot ti Dios ni Abraham. Kinunana, “Abraham.” “Adtoyak, Apo,” insungbat ni Abraham.

Genesis 22:20

Iti saan a nabayag, nadamag ni Abraham a naaddaan ni Milca nga asawa ni Nahor a kabsatna kadagiti annak a lallaki.

Genesis 26:24

Iti dayta a rabii, nagparang ni Yahweh kenkuana ket kinunana, “Siak ti Dios ni Abraham a tatangmo. Dika agbuteng; addaak kenka. Bendisionanka ket paraburanka iti adu a kaputotan gapu iti karik ken ni adipenko nga Abraham.”

Genesis 31:7

Kaskasdi a sinaurnak ket naminsangapulo a binaliwanna ti tulagan iti panangtangdanna kaniak. Ngem saan nga impalubos ti Dios a dangrannak.

2 Samuel 22:3

Ti Diosko ti mangsalaknib kaniak ket awanto ti pakaan-anoak. Kas maysa a kalasag, salaknibannak, ikaluya ken aywanannak.

2 Ar-ari 1:15

Kinuna ti anghel ni Yahweh ken ni Elias, “Kumuyogka kenkuana a bumaba ket dika agbuteng.” Kimmuyog ni Elias iti kapitan a napan iti ari.

1 Cronicas 28:20

Kinuna ni David ken ni Solomon nga anakna, “Pakirdem ti nakemmo ket dika maupay. Rugiamon ti trabaho ket dimo ipalubos nga adda manglapped kenka. Tulongannakanto ti Apo a Dios a pagserserbiak. Dinakanto baybay-an, ket tarabayennakanto agingga a malpasmo ti trabaho iti Templona.

Dagiti Salmo 115:10

Agtalekkay iti Apo, dakayo amin a papadi ti Dios! Tulongan ken salaknibannakayo.

Dagiti Salmo 119:114

Sika ti salinged ken kalasagko, mangnamnamaak iti karim.

Dagiti Salmo 142:5

O Apo, umasugak kenka iti tulong. Sika, O Apo, ti salaknibko, ditoy a biag sika laeng ti masapulko.

Dagiti Salmo 18:2

Ti Apo ti salaknibko; isu ti bato a sarikedkedko. Ti Diosko ti mangsalaknib kaniak, kenkuana, awan ti pakaan-anoak. Kas maysa a kalasag salaknibannak, ikaluya ken salluadannak.

Dagiti Salmo 27:1

Ti Apo ti silaw ken salakanko; siasino ti kabutengko? Ti Apo ti sarikedked ti biagko; siasino ti kaamakko?

Dagiti Salmo 3:3

Ngem sika, O Apo, ti salaknibko; pagballigiennak ket papigsaem ti pakinakemko.

Dagiti Salmo 3:4

Umawagak ken ni Yahweh ket agpatulongak, ket manipud iti nasantoan a turodna sungbatannak.

Dagiti Salmo 5:12

Bendisionam, O Apo, dagiti agtulnog kenka, kasla kalasag ti ayatmo a mangsalaknib kadakuada.

Dagiti Salmo 58:11

Kunanto dagiti tattao, “Pudno a magunggonaan dagiti nalinteg; awan duadua nga adda Dios a mangukom iti lubong!”

Dagiti Salmo 84:11

O Apo ken Diosmi, arigmo iti init ken kalasag; mangipaayka iti parabur ken dayaw. Dimo ipaidam ti nasayaat a banag kadagiti agaramid iti naimbag.

Dagiti Salmo 84:9

Bendisionam ti arimi, O Dios, ti ari a pinilim.

Dagiti Salmo 91:4

Salukobannakanto kadagiti payakna, ket awanto ti pakaan-anoam. Salakniban ken aywanannakanto ti kinapudno ti Apo.

Exodo 14:13

Kinuna ni Moises kadakuada, “Dikay agbuteng. Patibkerenyo ti pakinakemyo. Ita nga aldaw, makitayo ti panangisalakan ti Apo kadakayo. Diyonton makita dagiti Egipcio.

Dagiti Proverbio 11:18

Awan magangganab dagiti managdakdakes, ngem no agaramidka iti naimbag awan duadua a magunggonaanka.

Dagiti Proverbio 30:5

“Tungpalen ti Dios ti amin a karina. Mayarig iti kalasag kadagiti amin nga agbirok iti panangsalaknibna.

Isaias 35:4

Ibagayo kadagiti amin a naupay: “Dikay agbutbuteng, tumuredkayo! Umaynakay ispalen ti Diosyo, ket umayna balsen dagiti kabusoryo.”

Isaias 40:10

Umay ni Apo Dios tapno agturay iti amin a bilegna, itugotna dagiti tattao nga insalakanna.

Isaias 41:10

Dikay agbuteng—addaak kadakayo! Siak ti Diosyo— diyo ipalubos nga adda mangbutbuteng kadakayo. Papigsaen ken tulongankayo; salakniban ken isalakankayo.

Isaias 41:14

Kuna ni Yahweh, “Israel, uray no bassit ken nakapuyka, saanka nga agbuteng ta tulonganka. Siak a Nasantoan a Dios ti Israel, siak ti mannubbotmo.

Isaias 43:1

Israel, kuna ti Apo a namarsua kenka, “Saanka nga agbuteng—salaknibanka. Inawagak ti naganmo—kukuaka.

Isaias 43:5

Dika agbuteng ta addaak kenka! “Pagawidekto dagiti tattaom manipud iti kaadayoan a paset ti daya ken laud.

Isaias 44:2

Siak ni Yahweh a namarsua kenka; manipud nangrugi ti biagmo tinultulonganka. Dika agbuteng; sika ti adipenko, dakayo dagiti pinilik a tattao nga ipatpategko.

Isaias 44:8

Dikay agbuteng, dakay a tattaok! Ammoyo a manipud idi un-unana agingga ita, impakpakaunak dagiti amin a mapasamak, ket dakayo ti mangsaksi kaniak! Adda kadi sabali pay a Dios? Adda kadi mannakabalin a Dios a diak pay nadamdamag?”

Isaias 51:12

Kuna ti Apo, “Siak ti mangpapigsa kadakayo. Apay a kabutengyo ti tao a kasla ruot a mabiit a matay?

Jeremias 39:17

Ngem siak, ni Yahweh, salaknibankanto ket saankanto a mayawat iti pannakabalin dagiti tattao a kabutbutengmo.

Dungdung-aw 3:24

Ti laeng Apo ti adda kaniak; ngarud, isu ti pangitalkak iti namnamak.

Ezekiel 1:1

Iti maikalima nga aldaw, iti maikapat a bulan, iti maika-30 a tawen, siak, ni Ezekiel a padi ken anak ni Busi, nakipagnanaedak kadagiti napagtalaw a kas balud a Judio iti igid ti Karayan Kebar idiay Babilonia. Naglukat ti langit, ket nakitak ti Dios iti maysa a parmata. (

Ezekiel 11:24

Iti parmata, impangatonak ti espiritu ti Dios, sanak insubli iti ayan dagiti napagtalaw a kas balud idiay Babilonia. Kalpasanna, nagin-inut a napukaw ti parmata,

Ezekiel 3:4

Kalpasanna, kinuna ti Dios, “Anak ti tao, inka kadagiti Israelita ket ibagam kadakuada ti aniaman nga ibagak kenka.

Numero 12:6

kinuna ni Yahweh, “Denggenyo ti ibagak. No adda profeta kadakayo agpakitaak kadakuada iti parmata, ket kasaok ida iti tagtagainep.

Numero 18:20

Kinuna ni Yahweh ken ni Aaron, “Awan ti sanikua a mabalinmo a tawiden ket awan met bingaymo iti daga ti Israel. Siak, ni Yahweh, ti bingay ken tawidmo.”

Numero 24:4

Ken mangngegna ti ibagbaga ti Dios. Simumulagatak ket makitak ti parmata nga aggapu iti Dios a Mannakabalin-amin.

San Mateo 28:5

Nagsao ti anghel kadagiti babbai. “Dikay agbuteng,” kinunana. “Ammok a sapsapulenyo ni Jesus a nailansa iti krus.

San Mateo 8:26

“Apay nga agbutengkayo?” kinuna ni Jesus. “Nagbassit ketdin ti pammatiyo!” Bimmangon ni Jesus. Pinagtalnana ti angin ken dagiti dalluyon ket nagkalma iti kasta unay.

San Lucas 1:13

Ngem kinuna ti anghel kenkuana, “Dika agbuteng, Zacarias! Impangag ti Dios ti kararagmo. Aganakto ni Elisabet nga asawam. Lalakinto ti anakyo ket panaganamto iti Juan.

San Lucas 1:30

Ngem kinuna ti anghel kenkuana: “Dika agbuteng, Maria, ta pinaraburannaka ti Dios.

San Lucas 12:32

“Dikay agbuteng, bassit nga arbanko! Ta pagayatan ni Amayo nga ited kadakayo ti Pagarian.

Dagiti Aramid 10:22

Insungbatda, “Imbaonnakami ni kapitan Cornelio, maysa a tao a nalinteg, managdaydayaw iti Dios ken raraemen dagiti amin a Judio. Binilin ti anghel ti Dios nga awisennaka nga umay iti balayna tapno denggenna ti aniaman nga ibagam.”

1 Taga-Corinto 3:22

Ni Pablo, ni Apolos, ni Pedro, daytoy lubong, biag ken patay, ti agdama ken ti masakbayan. Wen, kukuayo amin dagitoy.

Deuteronomio 18:2

Saanda a mapalubosan nga agtagikua iti daga a kas kadagiti dadduma a tribu; ti bingayda isu ti gundawayda nga agserbi a papadi kas inkari ti Apo.

Deuteronomio 31:6

Papigsaenyo ti pakinakemyo. Tumuredkayo. Dikay agbuteng kadakuada. Ti Apo a Diosyo ti kumuyog kadakayo! Dinakayto paayen wenno baybay-an.”

Hebreo 1:1

Kadagidi un-unana nga aldaw, nagsao ti Dios kadagidi kapuonantayo iti namin-adu a daras ken iti nadumaduma a wagas babaen kadagiti profeta.

Paltiing 1:17

Idi nakitak, kaslaak la natay a napasag iti sakaananna. Impatayna kaniak ti makannawan nga imana ket kinunana: “Dika agbuteng! Siak ti Pangrugian ken ti Paggibusan.

Ruth 2:12

Gunggonaannaka koma ti Apo gapu iti inaramidmo. Wen, naan-anay koma ti gunggonam nga ited ti Apo a Dios ti Israel, isu a nagkamangam!”

1 Samuel 15:10

Nagsao ni Yahweh ken ni Samuel,

1 Samuel 9:9

“Nasayaat ti napanunotmo,” insungbat ni Saul. “Inta ngaruden.” Napanda iti ili a pagnaedan ti tao ti Dios. Idi sumangsang-atda iti turod a mapan iti ili, nasabatda ti sumagmamano a babbalasang a mapan sumakdo. Sinaludsodda kadagiti babbai, “Adda kadi ti mammadto iti ili?” (Kadagidi nga aldaw, Mammadto wenno ti awagda iti profeta, isut' gapuna a no adda makiuman iti Dios, kunana, “Intay iti Mammadto.”)