Genesis 14:8 - Ti Baro a Naimbag a Damag Biblia

⁸ Inummong dagiti ari ti Sodoma, Gomorra, Adma, Zeboiim ken Bela dagiti armadada iti Tanap ti Siddim tapno gubatenda

Ti Biblia (1973)

⁸ Ket rimmuar ti ari ti Sodoma, ken ti ari ti Gomorra, ken ti ari ti Adma, ken ti ari ti Seboim, ken ti ari ti Bela (nga isu ti Zoar); ket inornosda ti bacal a bumusor cadacuada idiay lobong ti Siddim;

Genesis 14:8 Iomraidhean Croise

Genesis 10:19

agingga a dimmanon ti beddengda manipud Sidon nga agpa-abagatan idiay Gerar, iti asideg ti Gaza ken agpadaya idiay Sodoma, Gomorra, Adma ken Zeboiim, iti asideg ti Lasa.

Genesis 13:10

Inwaras ni Lot ti panagkitana ket naimatanganna ti entero a Tanap ti Jordan agingga idiay Zoar. Adu ti danumna a kas iti Minuyongan ni Yahweh wenno ti daga ti Egipto. (Saan pay idi a nadadael dagiti siudad ti Sodoma ken Gomorra.)

Genesis 14:10

Nasaknapan ti tanap kadagiti abut a naikkan iti alketran ket idi itarayan dagiti ari ti Sodoma ken Gomorra ti paggugubatan, natnagda kadagiti palab-og. Nakataray dagiti tallo nga ari ket nagkamangda kadagiti kabambantayan.

Genesis 14:9

dagiti ari ti Elam, Goiim, Siniar ken Elasar. Lima nga ari kontra uppat nga ari.

Genesis 19:20

Makitam dayta bassit nga ili? Mabalinko ti agkamang sadiay ta as-asideg. Sadiayen ti papanak—makitam met a bassit laeng a lugar—ket awanto ti pakaan-anoak.”

Genesis 19:22

Darasem ngarud! Sakonto la rugian ti aramidek inton makadanonka sadiay.” Gapu ta inawagan ni Lot a bassit ti ili, napanaganan dayta iti Soar.

Oseas 11:8

“Israel, kasano nga isinaka? Kasano a baybay-anka? Kasano a dadaelenka a kas iti Adma? Kasano a pagbalinenka a kas iti Zeboim? Diak maaramid daytoy, ta timmaud ti panangngaasik.