Genesis 13:8 - Ti Baro a Naimbag a Damag Biblia

⁸ Kinuna ni Abram ken ni Lot, “Saanta koma nga agrirriri, kasta met dagiti pastorta, agsipud ta agkabagianta.

Ti Biblia (1973)

⁸ Ket kinuna ni Abram ken Lot, Dawatec kenca, nga awan coma ti susic, cadata, ken cadagiti pastorco ken cadagiti pastormo; ta agcabsatta.

Genesis 13:8 Iomraidhean Croise

Genesis 13:9

Nasaysayaat no agsinata. Piliem ti aniaman a paset ti daga a kayatmo a pagyanan ket innak met iti sabali.”

Genesis 14:14

Apaman a naammoan ni Abram a natiliw ti kaanakanna, inummongna dagiti amin a mannakigubat iti kampona nga agdagup iti 318 ket sinunsonda dagiti uppat nga ari agingga idiay Dan.

Genesis 45:24

Pinarubbuatanna dagiti kakabsatna ket sakbay a napanda, binalakadanna ida a dida agaapa iti dalan.

Genesis 46:34

masapul nga ibagayo nga agpaspastorkayo sipud pay idi ubbingkayo, kas kadagidi kapuonanyo. Iti kasta, palubosannakayto nga agnaed iti daga ti Gosen.” Imbaga daytoy ni Jose gapu ta kagurgura dagiti Egipcio dagiti agpaspastor.

Dagiti Salmo 133:1

Nagimbagen, wen, nagsayaaten a dagiti tattao ti Dios agnaedda a naurnos ken sangsangkamaysa.

Exodo 2:13

Iti sumuno nga aldaw, nagsubli ni Moises ket nakitana ti dua a Hebreo nga aggubgubal. “Apay a kabkabilem ti padam a Hebreo?” kinunana iti nakabasol.

Dagiti Proverbio 15:1

No napakumbaba ti sungbat, sebsebanna ti pungtot; ngem no nagubsang, ad-adda a rubrobanna.

Dagiti Proverbio 15:18

Ti pungtot pataudenna ti riribuk, ngem ti anus yegna ti kappia.

Dagiti Proverbio 20:3

Mabalin nga irugi ti siasinoman a maag ti aniaman a suppiat; nadaydayaw ti mangliklik iti panagsusuppiat.

San Mateo 5:9

“Nagasat dagiti mamagkakappia, ta managandanto nga annak ti Dios.

Dagiti Aramid 7:26

“Iti sumuno nga aldaw, nakakita iti dua nga Israelita nga agap-apa ket kayatna a pagkappiaen ida. ‘Gagayyem, agpadakayo nga Israelita?’ kinunana. ‘Apay nga agkinkinnabilkayo?’

Taga-Roma 12:10

Nabara koma ti panagiinnayatyo kas agkakabsat ken ni Cristo, ket nareggetkayo a mangipakita iti panagraemyo iti maysa ken maysa.

Taga-Filipos 2:14

Iti uray ania nga aramidenyo, dikay agtantanabutob wenno agsusuppiat,

1 Taga-Tesalonica 4:9

Saanen a masapul a mapalagipankayo iti maipapan iti panagayatyo kadagiti kakabsat iti pammati. Insuronakayo a mismo ti Dios nga agiinnayatkayo.

Hebreo 12:14

Ikagumaanyo ti makikappia iti amin a tattao. Ikagumaanyo met ti agbiag a nasantoan amangan no diyonto makita ti Apo.

Hebreo 13:1

Ituloyyo ti agiinnayat a kas agkakabsat ken ni Cristo.

1 Pedro 1:22

Babaen iti panagtungpalyo iti kinapudno, napakawan dagiti basbasolyo ket nadalusankayo. Gapu ta addan pudno a panagayatyo kadagiti kakabsatyo iti pammati, agiinnayatkayo ngarud iti amin a pusoyo.

1 Pedro 2:17

Agraemkayo kadagiti amin a tattao. Ayatenyo dagiti kakabsatyo iti pammati. Agbutengkayo iti Dios ket padayawanyo ti Emperador.

1 Pedro 3:8

Kamaudiananna, agmaymaysakay iti panunot ken rikna. Agiinnayatkayo a kas agkakabsat. Manangngaasi koma ti tunggal maysa ket saankayo nga agpalpalangguad.

1 Pedro 4:8

Kangrunaan unay, agiinnayatkayo a sipupudno agsipud ta ti ayat punasenna ti adu a basbasol.

2 Pedro 1:7

iti panagbuteng iti Dios, ti ayat a nainkabsatan; ket iti ayat a nainkabsatan, ti nadiosan nga ayat.

1 Juan 4:7

Ay-ayatek a gagayyem, agiinnayattayo, agsipud ta ti ayat agtaud iti Dios. Anak ti Dios ti siasinoman nga agayat, ket am-ammona ti Dios.

Uk-ukom 9:26

Napan idiay Sikem ni Gaal nga anak ni Ebed ken dagiti kakabsatna ket nagtalek kenkuana dagiti taga-sadiay.