Genesis 13:7 - Ti Baro a Naimbag a Damag Biblia

⁷ Daytoy ti gapuna a masansan nga agririri dagiti agay-aywan kadagiti animalda. (Agnanaed pay laeng idi dagiti Cananeo ken Perezeo iti dayta a deppaar.)

Ti Biblia (1973)

⁷ Ket adda susic idi cadagiti pastor ti an-animal ni Abram: ken cadagiti pastor ti an-animal ni Lot: ket ti Cananeo ken ti Ferezeo nagnaedda met idi iti daga.

Genesis 13:7 Iomraidhean Croise

Genesis 10:19

agingga a dimmanon ti beddengda manipud Sidon nga agpa-abagatan idiay Gerar, iti asideg ti Gaza ken agpadaya idiay Sodoma, Gomorra, Adma ken Zeboiim, iti asideg ti Lasa.

Genesis 12:6

sinursor ni Abram ti daga agingga a dimmanon idiay Sikem nga ayan ti kayo a lugo ti More. (Kadagidi a tiempo, agnanaed pay laeng dagiti Cananeo iti dayta a daga.)

Genesis 21:25

Iti naminsan, napan nagreklamo ni Abraham ken ni Abimelec maipapan iti bubon nga inagaw dagiti adipen ti ari.

Genesis 26:20

Nagsusuppiat dagiti agpaspastor a taga-Gerar ken dagiti tattao ni Isaac. Imbaga ngamin dagiti taga-sadiay a kukuada ti ubbog. Ket pinanaganan ni Isaac ti bubon iti Esek.

Genesis 34:30

Kinuna ni Jacob kada Simeon ken Levi, “Inrubodak. Ita, guraendakon dagiti Cananeo, dagiti Perezeo ken amin nga agnaed iti daytoy a daga. No agtitiponda a mangraut kadatayo, awan ti umanay a tattaotayo a mangsaranget kadakuada. Mabalin nga ikisapdatayo a sangafamiliaan.”

Genesis 46:34

masapul nga ibagayo nga agpaspastorkayo sipud pay idi ubbingkayo, kas kadagidi kapuonanyo. Iti kasta, palubosannakayto nga agnaed iti daga ti Gosen.” Imbaga daytoy ni Jose gapu ta kagurgura dagiti Egipcio dagiti agpaspastor.

Nehemias 5:9

Kinunak pay: “Saan a nasayaat ti kasta nga aramidyo! Rebbengyo ti agbuteng iti Dios ket agaramidkayo iti naimbag tapno awan pakalaisantayo kadagiti Hentil a kabusortayo.

Exodo 2:17

Ngem adda dagiti agpaspastor a dimteng ket pinapanawda dagiti babbai. Inarayat ida ni Moises sana pinainum dagiti animalda.

Dagiti Proverbio 20:3

Mabalin nga irugi ti siasinoman a maag ti aniaman a suppiat; nadaydayaw ti mangliklik iti panagsusuppiat.

San Marcos 3:25

No agririri dagiti kameng ti maysa a familia, marakrak dayta a familia.

1 Taga-Corinto 3:3

ta agbibiagkayo pay laeng a kas tattao iti lubong. Wen, ipaneknek ti panagiinnapal ken panagriririyo a nainlubongankayo, nga agbibiagkayo kas mayannurot iti alagaden ti lubong.

Taga-Galacia 5:20

panagrukbab kadagiti didiosen, panagan-anito, panaggiginnura, panagaapa, panagiinnimon, panagpungpungtot, kinaagum,

Taga-Colosas 4:5

Annadanyo ti tignayyo kadagiti saan a mamati ken ni Cristo. Usarenyo a naimbag ti tiempo a kaaddayo kadakuada.

1 Taga-Tesalonica 4:12

tapno agraemto kadakayo dagiti saan pay a mamati. Ket dikayton agpannuray iti siasinoman a mangted iti uray ania a kasapulanyo.

Tito 3:3

Ta maag, nasukir ken nayaw-awantayo met idi. Tinagabunatayo ti nadumaduma a kita ti tarigagay ken paggarteman. Nagbiagtayo iti dakes a panagem ken apal. Ginuradatayo dagiti sabsabali ket ginuratayo met ida.

Santiago 3:16

Iti sadinoman a yan ti apas ken panagririri, masarakan met ti di panagtutunos ken amin a kita ti kinadakes.

Santiago 4:1

Ania ti pagtaudan dagiti panagsusuppiat ken panagriririyo? Aggapuda kadagiti dakes a tarigagay a kanayon nga agbibinnusor iti unegyo.

1 Pedro 2:12

Agbiagkayo koma a natakneng iti imatang dagiti Hentil. Uray no kunada a managdakdakeskayo, mabigbigdanto met laeng dagiti naimbag nga aramidyo ket idaydayawdanto ti Dios inton dumteng ti Aldaw a yaayna.