Genesis 12:7 - Ti Baro a Naimbag a Damag Biblia

⁷ Nagparang ni Yahweh ken ni Abram ket kinunana kenkuana, “Daytoy ti daga nga itedko kadagiti kaputotam.” Nangbangon sadiay ni Abram iti altar nga agpaay ken ni Yahweh a nagparang kenkuana.

Ti Biblia (1973)

⁷ Ket nagparang ni Jehova ken Abram, ket kinunana, Iti putotmo itedconto daytoy a daga: ket nangbangon idiay iti maysa nga altar ken Jehova, a nagparang kencuana idi.

Genesis 12:7 Iomraidhean Croise

Genesis 12:8

Kalpasan dayta, intuloyna ti panagdaliasatna agingga iti katurturodan iti daya ti siudad ti Betel. Nagkampo iti nagbaetan ti Betel iti laud ken Ai iti daya. Nangbangon met sadiay iti altar ket nagdaydayaw ken ni Yahweh.

Genesis 13:15

Itedko kenka ken kadagiti kaputotam ti amin a daga a makitam ket kukuayonto iti agnanayon.

Genesis 13:17

Ita, inka sursoren ti entero a daga gapu ta itedko amin kenka daytoy.”

Genesis 13:18

Inyalis ngarud ni Abram ti kampona ket nagnaed iti asideg dagiti kayo ti lugo ti Mamre idiay Hebron. Nangbangon sadiay iti altar nga agpaay ken ni Yahweh.

Genesis 13:4

Napan iti lugar a nangbangonanna idi iti altar ket nagdaydayaw ken ni Yahweh.

Genesis 15:18

Iti dayta met la a kanito, nakitulag ni Yahweh ken ni Abram. Kinunana, “Ikarik nga itedko iti kaputotam amin daytoy a daga manipud iti beddeng ti Egipto agingga iti Karayan Eufrates,

Genesis 17:1

Idi agtawen ni Abram iti 99, nagparang ni Yahweh kenkuana. Kinunana, “Siak ti Dios a Mannakabalin-amin. Agtulnogka kaniak ket aramidem a kanayon ti naimbag.

Genesis 17:3

Idi nangngegna daytoy, nagpakleb ni Abram iti daga. Kinuna ti Dios,

Genesis 17:8

Itedkonto kenka ken kadagiti kaputotam daytoy a daga a pagnanaedam ita a kas ganggannaet. Kukuanto dagiti kaputotam iti agnanayon ti entero a daga ti Canaan, ket siakto ti Diosda.”

Genesis 18:1

Nagparang ni Yahweh ken ni Abraham idiay Mamre, iti ayan dagiti lugo a kayo. Agtugtugaw idi ni Abraham iti ruangan ti toldana iti kapudot ti aldaw

Genesis 22:9

Idi dumtengda iti disso nga imbaga ti Dios kenkuana, nangbangon ni Abraham iti maysa nga altar. Inurnosna dagiti kayo iti rabaw ti altar. Rineppetna ni Isaac nga anakna sana imparabaw kadagiti kayo.

Genesis 24:7

“Innalanak ti Apo, isu a Dios ti langit, iti balay ni amak ken iti daga dagiti kakabagiak, ket insapatana nga itednanto daytoy a daga kadagiti kaputotak. Ibaonnanto ti anghelna nga umun-una ngem sika a mapan sadiay tapno tulongannaka a mangpili iti asawaen ti anakko.

Genesis 26:25

Nangbangon ni Isaac iti altar ket nagdaydayaw ken ni Yahweh. Sadiay ti nagkampoanna ket nagkali dagiti adipenna iti sabali a bubon.

Genesis 26:3

Agnaedka ditoy ket addaakto kenka. Bendisionankanto. Itedkonto amin daytoy a daga kenka ken kadagiti kaputotam, kas inkarik ken ni tatangmo nga Abraham.

Genesis 28:13

Pagammoan, nakitana ni Yahweh nga agtaktakder iti dennana. “Siak ni Yahweh a Dios ni Abraham ken ni Isaac,” kinunana. “Itedkonto kenka ken iti kaputotam daytoy a daga a pagid-iddaam.

Genesis 28:4

Bendisionannaka koma ken ti kaputotam a kas iti panangbendisionna ken ni Abraham. Ket sapay koma ta matagikuam ti daga a nagnaedam, ti daga nga inted ti Dios ken ni Abraham.”

Genesis 32:30

Kinuna ni Jacob, “Nakitak ti Dios iti rupanrupa ket sibibiagak pay laeng.” Daytoy ti gapuna a pinanagananna ti lugar iti Peniel.

Genesis 33:20

Nangbangon sadiay iti altar a pinanagananna iti “El,” ti Dios ti Israel.

Genesis 35:12

Itedkonto kenka ken kadagiti sumarsaruno a kaputotam ti daga nga inkarik kada Abraham ken Isaac.”

Genesis 35:7

Nangbangon sadiay iti maysa nga altar ket pinanagananna ti lugar iti El-Betel agsipud ta nagparang kenkuana ti Dios sadiay idi tinalawanna ni kabsatna.

Genesis 50:24

Kinunana kadagiti kakabsatna, “Dandanin ti ipapatayko, ngem awan pagdanaganyo ta aywanannakayo ti Dios. Ipanawnakayo iti daytoy a daga ket ipannakayo iti daga a sinapataanna nga ited kada Abraham, Isaac ken Jacob.”

Genesis 8:20

Nangbangon ni Noe iti altar a maipaay ken ni Yahweh. Nangala iti saggaysa kadagiti maibilang a nadalus nga animal ken tumatayab sana pinuoran dagitoy iti altar a kas daton.

2 Samuel 24:25

Nangbangon iti altar nga agpaay ken ni Yahweh ket nangidatag kadagiti daton a mapuoran ken kadagiti daton a pakikappia. Impangag ni Yahweh ti kararagna ket simmardeng ti didigra iti Israel.

1 Ar-ari 18:32

Dagitoy a bato ti inaramatna iti panangbangonna manen iti altar a pagdaydayawan ken ni Yahweh. Nangkali iti kanal iti aglikmut ti altar. Aglaon daytoy a kanal iti dandani uppat a galon a danum.

1 Cronicas 16:18

“Itedkonto kenka ti daga ti Canaan,” kinunana, “sikanto ti akinkukua.”

2 Cronicas 20:11

Ita, kastoy ketdin ti pagsupapakda kadakami. Umaydakami papanawen iti daytoy a daga nga intedmo kadakami.

2 Cronicas 20:7

Sika ti Diosmi. Idi dumteng dagiti tattaom nga Israelita iti daytoy a daga, pinagtalawmo dagiti agnanaed ditoy samo inted ti daga kadagiti kaputotan ni Abraham a gayyemmo tapno tagikuaenda iti agnanayon.

ESDRAS 3:2

Binangonda manen ti altar ti Dios ti Israel tapno adda pagidataganda kadagiti daton a mapuoran, kas mayannurot iti Linteg ni Moises, ti tao ti Dios. Impanguloan ida ni Josue nga anak ni Josadac, ken dagiti papadi agraman ni Zerubbabel nga anak ni Salatiel.

Exodo 17:15

Nangbangon ni Moises iti altar a pinanagananna iti Yahweh-nissi.

Exodo 24:4

Insurat ni Moises dagiti amin a bilin ni Yahweh. Iti agsapa iti sumuno nga aldaw, nangbangon iti altar iti arisadsad ti bantay ken nangipatakder iti 12 a baton-lagip a mangibagi kadagiti 12 a tribu ti Israel.

Exodo 32:13

Laglagipem da Abraham, Isaac ken Jacob nga adipenmo. Laglagipem ti kari a sinapataam kadakuada a paaduem ti kaputotanda a kas iti kaadu dagiti bituen ti langit ket itedmo amin daytoy a daga nga inkarim a tagikuaenda iti agnanayon.”

Exodo 33:1

Kinuna ni Yahweh ken ni Moises, “Pumanawkayo ditoy, sika ken dagiti tattao nga inruarmo idiay Egipto, ket inkay iti daga nga inkarik kada Abraham, Isaac ken Jacob nga ited kadagiti kaputotanda.

Exodo 6:3

Nagparangak a kas Dios a Mannakabalin-amin kada Abraham, Isaac ken Jacob, ngem diak impakaammo kadakuada ti nasantoan a naganko a Yahweh.

Exodo 6:4

Nakitulagak pay kadakuada: Inkarik nga itedko kadakuada ti daga a Canaan a nagnaedanda a kas ganggannaet.

Jeremias 3:18

Tumiponto ti Israel iti Juda ket agkuyogdanto nga agawid manipud iti daga iti amianan ket agsublida iti daga nga intedko kadagidi kapuonanyo a kukuada iti agnanayon.”

Numero 26:53

“Bingbingayem ti daga, ket itedmo kadagiti tribu segun ti kaaduda.

Numero 32:11

‘Gapu ta dida nagtalinaed a napudno kaniak, awanto ti agtawen iti 20 wenno nasursurok a rimmuar iti Egipto a sumrek iti daga nga inkarik kada Abraham, Isaac ken Jacob.’

Dagiti Aramid 7:5

Awan ti sanikua nga inted ti Dios ken ni Abraham, uray la koma sangkadakulapan a daga, ngem inkarina nga agpaay daytoy a daga kenkuana ken kadagiti kaputotannanto uray awan pay anakna idi.

Taga-Roma 9:8

Kayatna a sawen a saan nga amin nga annak ni Abraham ket maibilangda nga annak ti Dios. Dagiti laeng naipasngay kas mayannurot iti kari ti Dios ti maibilang a napudpudno nga annakna.

Taga-Galacia 3:16

Ita, adda inkari ti Dios ken ni Abraham ken iti kaputotanna. Saan a kuna ti kari, “ken kadagiti kaputotam,” kayatna a sawen, adu a tattao; ngem kunana, “ken iti kaputotam,” kayatna a sawen, maymaysa laeng a tao nga isu ni Cristo.

Taga-Galacia 4:28

Ita, kakabsatko, kas ken ni Isaac, annaknakayo ti Dios. Dakayo ti pakatungpalan ti karina.

Deuteronomio 1:8

Dumngegkayo. Itedko kadakayo ti amin a daga iti masangoananyo. Inkayo sakupen ti daga nga inkari ti Apo nga ited kadagidi kapuonanyo, da Abraham, Isaac ken Jacob, ken kadagiti kaputotanda.’”

Deuteronomio 30:20

Ayatenyo ti Apo a Diosyo, agtulnog ken agtalinaedkayo a napudno kenkuana tapno napautto ti panagnaedyo, dakayo ken dagiti kaputotanyo, iti daga nga inkarina nga ited kadagidi kapuonanyo, da Abraham, Isaac ken Jacob.”

Deuteronomio 34:4

Kinuna ni Yahweh ken ni Moises, “Daytoy ti daga nga inkarik kada Abraham, Isaac ken Jacob nga ited kadagiti kaputotanda. Impalubosko a kitaem daytoy a daga ngem saankanto a makastrek sadiay.”

Deuteronomio 6:10

“Kas inkari ti Apo a Diosyo kadagiti kapuonanyo, da Abraham, Isaac ken Jacob, ikkannakayo iti daga nga addaan iti dadakkel ken narang-ay a siudad a dikay binangon.

Deuteronomio 9:5

Saan a gapu ta naimbagkayo ket nasayaat ti aramidyo nga ipalubos ti Apo a tagikuaenyo ti dagada. Pagtalawenna ida gapu iti kinadakesda ken tapno matungpal ti karina kada Abraham, Isaac ken Jacob a kapuonanyo.

Hebreo 11:13

Nagtalek amin dagitoy a tattao iti Dios agingga iti ipapatayda. Saanda a naawat dagiti inkari ti Dios, ngem nakita ken pinaspasungadanda dagitoy a kari uray no mabayag pay ti pannakatungpalda. Dida nagaripapa a mangibaga kadagiti tattao a ganggannaetda ket agdaldaliasatda ditoy daga.

Hebreo 11:8

Gapu ta adda pammati ni Abraham, nagtulnog idi ayaban ti Dios ket napan iti maysa a pagilian nga inkari ti Dios nga ited kenkuana. Pimmanaw iti ilina, nupay dina ammo ti papananna.

Josue 1:6

Pakirdem ti pakinakemmo ket dika agbuteng ta ipanguloam dagitoy a tattao a mangsakup iti daytoy a daga nga insapatak nga ited kadagiti kapuonanda.

Josue 22:10

Idi dumtengda idiay Gelilot a masakupan ti Canaan iti ballasiw ti Jordan, nangipatakderda iti dakkel ken nadaeg nga altar iti igid ti karayan.

Josue 8:30

Idiay Bantay Ebal, nangbangon ni Josue iti altar a maipaay ken ni Yahweh a Dios ti Israel.

Uk-ukom 6:24

Nangaramid sadiay ni Gideon iti altar nga agpaay ken ni Yahweh ket pinanagananna iti “Yahweh-salom.” Agpapan ita, adda pay laeng ti altar idiay Ofra a kukua ti kaputotan ni Abiezer.

1 Samuel 7:17

Kalpasanna, agawid iti balayna idiay Rama a pagserbianna pay a kas ukom. Sadiay, nangbangon iti altar a maipaay ken ni Yahweh.