Genesis 11:4 - Ti Baro a Naimbag a Damag Biblia

⁴ Kinunada, “Ita, mangbangontayo iti siudad nga addaan iti torre a dumanon idiay langit tapno agbalintayo a nalatak ket ditay masinasina iti entero a daga.”

Ti Biblia (1973)

⁴ Ket kinunada, intayon mangbangontayo coma iti maysa a ciudad, ken maysa a torre, a dumanon coma ti tuctocna sadi langit, ket aramidentayo ti pacaidayawantayo; di la ket ta maiwaraswarastayo iti rabaw ti langa ti amin a daga.

Genesis 11:4 Iomraidhean Croise

Genesis 6:4

Kadagidi nga aldaw ken uray pay kadagiti sumarsaruno, addan dagiti higante iti rabaw ti daga. Isuda dagiti annak dagiti nailangitan a parsua ken dagiti babbai nga inasawada. Nalatakda ket mabigbigbigda a naindaklan a bannuar idi panawenda.

2 Samuel 8:13

Ad-adda manen ti panaglatak ni David idi agsubli kalpasan ti panangpapatayna iti 18,000 nga Edomita iti Tanap ti Asin.

Dagiti Salmo 107:26

Inyallon dagiti dalluyon dagiti barko a naglugananda, ket limnedda iti lansad ti taaw. Iti kasta a peggad, napukaw ti namnamada.

Dagiti Salmo 92:9

Ammomi a matayto dagiti kabusormo, ket mawarawaranto amin a managdakdakes.

Dagiti Proverbio 10:7

Malaglagipto a kas bendision ti naimbag a tao, ngem awanton pakalaglagipan iti nadangkes.

Jeremias 51:53

Uray no makauli ti Babilonia iti tangatang ket agaramid iti nalagda a sarikedkedna sadiay, mangibaonakto latta kadagiti tattao a mangdadael kenkuana. Siak, ni Yahweh, ti nagsao iti daytoy.”

Daniel 4:11

Dimmakkel a dimmakkel agingga a timmukno sadi langit, ket makita ti entero a lubong.

Daniel 4:22

“Natan-ok nga Ari, sika ti kayo. Nagbalinka a naindaklan ken nabileg ket matuknom ti langit. Dumanon ti pagturayam kadagiti adayo a paset ti lubong.

Daniel 4:27

Ipangagmo ngarud, Natan-ok nga Ari, daytoy balakadko: Isardengmon ti panagbasolmo, agaramidka iti naimbag, ket kaasiam dagiti napanglaw tapno manayonto ti kinarang-aymo.”

Daniel 4:30

Kinunana, “Anian a nagpintas ti Babilonia! Binangonko a kabeserak a pakakitaan iti pannakabalin ken bilegko, iti dayag ken kinatan-okko.”

San Lucas 1:51

Imparangna ti pannakabalin ti takkiagna, Ket winarawarana dagiti natangsit a tattao ken amin a gandatda.

San Juan 5:44

“Agpipinnadayawkayo, ngem diyo met kalikaguman ti pammadayaw nga aggapu iti maymaysa a Dios. Kasano ngarud ti panamatiyo kaniak?

Deuteronomio 1:28

Apay a mapantayo sadiay? Mabutengkami. Imbaga dagiti imbaontayo a napigpigsa ken nataytayag ngem datayo dagiti tattao nga agnaed sadiay. Kunada nga agnaedda kadagiti siudad nga adda bakudna a dumanon sadi langit. Nakakitada kadagiti higante sadiay!’

Deuteronomio 4:27

Iwarawaranakayto ti Apo kadagiti sabali a nasion; manmanonto kadakayo ti makalasat sadiay.

Deuteronomio 9:1

“Dumngegkayo, tattao iti Israel! Ita nga aldaw, bumallasiwkayo iti Karayan Jordan ket sakupenyo ti daga dagiti nasion a nabilbileg ngem dakayo ken dagiti siudad a nabakudan kadagiti nangato a pader.