Genesis 10:6 - Ti Baro a Naimbag a Damag Biblia

⁶ Dagiti lallaki nga annak ni Ham—Cus, Egipto, Put ken Canaan—ti kapuonan dagiti tattao a napanaganan kadagiti naganda.

Ti Biblia (1973)

⁶ Ket dagiti lallaki nga annac ni Cam: ni Cus, ken Mizraim, ken Fut, ken Canaan.

Genesis 10:6 Iomraidhean Croise

Genesis 10:5

Isuda dagiti kapuonan dagiti agnaed iti igid ti baybay ken kadagiti isla. Dagitoy dagiti kaputotan ni Jafet nga agnaed kadagiti bukodda a tribu ken il-ili ken addaan iti bukod a pagsasao.

Genesis 2:13

Gihon ti nagan ti maikadua ket agayus iti likmut ti pagilian ti Cus.

Genesis 5:32

Agtawen ni Noe iti 500 idi naparaburan iti tallo nga annak a lallaki: da Sem, Ham ken Jafet.

Genesis 9:18

Adtoy dagiti annak ni Noe a kinaduana iti daong: da Sem, Ham ken Jafet. (Ni Ham ti tatang ni Canaan.)

Genesis 9:22

Idi nakita ni Ham a lamolamo ti amana, napanna imbaga kadagiti dua a kakabsatna.

1 Cronicas 4:40

Naraber a pagpaaraban ti nasarakanda iti nalawa, natalna ken namayengmeng a tay-ak. Sigud a dagiti Hamatita ti nagnaed sadiay.

Dagiti Salmo 105:23

Napan dagiti Israelita idiay Egipto kalpasanna, ket nagnaedda iti dayta a daga.

Dagiti Salmo 105:27

Impakitada dagiti nakaskasdaaw a gapuanan ti Dios, ket nagaramidda kadagiti milagrona idiay Egipto.

Dagiti Salmo 106:22

Datdatlag dagiti pasamak iti Nalabaga a Baybay.

Dagiti Salmo 78:51

Pinatayna dagiti inauna nga annak a lallaki, iti amin a familia ti Egipto.

Isaias 11:11

Inton dumteng dayta nga aldaw, aramatento manen ti Apo ti pannakabalinna. Yawidnanto dagiti nakalasat a tattaona a nabati idiay Asiria, Egipto, Patros, Etiopia, Elam, Babilonia, Hamat ken kadagiti pagilian kadagiti igid ti baybay ken kadagiti purpuro.

Jeremias 46:9

Abogenyo dagiti kabalio! Paggunayenyo dagiti lugan a pakigubat! Ibaonyo a sumaranget dagiti soldado: dagiti nakakalasag a taga-Etiopia ken taga-Put ken dagiti pumapana a taga-Lud.’”

Ezekiel 27:10

“Nagserbi iti armadam dagiti soldado a naggapu iti Persia, Lud ken Put. Imbitinda dagiti kalasag ken helmetda kadagiti kampom. Isuda ti nanggun-od iti dayagmo.

Ezekiel 38:5

Nakikuyog kenkuana dagiti taga-Persia, Etiopia ken Libia; nakakalasag ken nakahelmetda amin.