Genesis 1:9 - Ti Baro a Naimbag a Damag Biblia

⁹ Kalpasanna, imbilin ti Dios, “Mapagtitipon iti maymaysa a disso ti danum nga adda iti baba ti tangatang tapno agparang ti daga.” Ket naaramid a kasta.

Ti Biblia (1973)

⁹ Ket ti Dios kinunana, mapagtitipon coma dagiti danum nga adda iti baba dagiti langit iti maysa a disso, ket agparang coma ti daga a namaga: ket naaramid a casta.

Genesis 1:9 Iomraidhean Croise

Genesis 1:8

Pinanagananna ti tangatang iti “Langit.” Limmabas ti rabii, ket dimteng ti bigat. Daytoy ti maikadua nga aldaw.

Nehemias 9:6

Daytoy ti inkararagda: “O Apo, siksika laeng ti Apo; sika ti namarsua kadagiti langit ken kadagiti bituen iti tangatang. Pinarsuam ti daga ken ti baybay ken ti amin nga adda sadiay. Sika ti nangted iti biag ti amin, agtamed ken agdaydayaw kenka dagiti nailangitan a pannakabalin.

Ti Libro ni Job 26:10

Iti rabaw ti taaw, adda marka nga insaadna; kas beddeng ti lawag ken sipnget, nagtimbukel nga ugis ti inkabilna.

Ti Libro ni Job 26:7

Inyukradna ti akin-amianan a tangatang imbitinna ti daga iti law-ang.

Dagiti Salmo 104:3

ket impasdekmo ti bukodmo a palasio iti rabaw dagiti danum iti ngato. Aramatem dagiti ulep a kas lugan; dagiti payak ti angin ti pagsakayam.

Dagiti Salmo 33:7

Pinagtitiponna amin a danum ti baybay iti maymaysa a lugar; insaadna dagiti mangliwengliweng a taaw kadagiti pagidulinan.

Dagiti Salmo 95:5

Inaramidna ti taaw ket kukuana, uray ti daga sinukog ti imana.

Eclesiastes 1:7

Agturong iti taaw ti amin a karayan, ngem saan a mapno ti taaw. Agsubli ti danum iti pangrugian dagiti karayan ket mangrugi manen.

Jeremias 5:22

Siak ni Yahweh. Awan kadi ti panagbutengyo kaniak? Apay a dikay agkintayeg iti sangoanak? Inkabilko ti darat a beddeng ti baybay, maysa a permanente a bangen a dina maballasiw. Mabalin nga agdawel ti baybay ngem dina malabsan; mabalin nga agdaranudor dagiti dalluyon ngem dida malasat.

Jonas 1:9

Kinuna ni Jonas, “Maysaak a Hebreo. Agdaydayawak iti Apo a Dios ti langit a namarsua iti taaw ken iti daga.”

2 Pedro 3:5

Saanda a bigbigen ti kinapudno nga idi un-unana, nagbilin ti Dios ket timmaud ti langit ken ti daga. Naparsua ti daga manipud iti danum ken babaen iti danum.

Paltiing 10:6

Nagsapata iti nagan ti Dios a sibibiag nga agnanayon nga awan inggana, isu a namarsua iti langit, daga, taaw ken amin a linaonda. “Saanen a maitantan,” kinunana.