Genesis 1:27 - Ti Baro a Naimbag a Damag Biblia

²⁷ Iti kasta, pinarsua ti Dios ti tao a kalanglangana. Pinarsuana ida a lalaki ken babai.

Ti Biblia (1973)

²⁷ Ket ti Dios pinarsuana ti tao a caladawanna met laeng, iti ladawan ti Dios pinarsuana; pinarsuana ida a lalaki ken babai.

Genesis 1:27 Iomraidhean Croise

San Mateo 19:4

Simmungbat ni Jesus, “Diyo kadi nabasa daytoy a paset ti Nasantoan a Surat? ‘Idi punganay, ti Namarsua inaramidna ida a lalaki ken babai.’

Taga-Efeso 2:10

Datayo ti aramid ti Dios, ket iti pannakikaysatayo ken ni Cristo Jesus, pinarsuanatayo nga agaramid iti naimbag bayat ti panagbiagtayo nga intudingna idi.

San Marcos 10:6

Ngem idi punganay, idi pinarsua ti Dios daytoy lubong, naisao, ‘Inaramid ti Dios ida a lalaki ken babai,’ kas kuna ti Nasantoan a Surat.

Taga-Efeso 4:24

Masapul nga agbalinkay a baro a tao a pinarsua ti Dios nga umasping kenkuana, ket maipakita daytoy iti nalinteg ken nasantoan a panagbiag.

Dagiti Salmo 139:14

Idaydayawka, ta rumbeng a kabutengka; datdatlag ken nakaskasdaaw dagiti aramidmo. Ammok daytoy iti amin a pusok.

Isaias 43:7

Isuda dagiti tattaok; pinarsuak ida tapno idaydayawdak.”

Taga-Colosas 1:15

Ni Cristo ti pudno a ladawan ti saan a makita a Dios. Isu ti inauna nga Anak, kayatna a sawen, katatan-okan kadagiti amin a parsua.

Malakias 2:15

Saannakayo kadi a pinagmaymaysa ti Dios iti bagi ken iti espiritu? Ania ti panggep ti Dios iti panagmaymaysana kadakayo? Tapno maaddaankayo iti annak a pudno a tattao ti Dios! Agalluadkayo ngarud: Diyo liputan ti babai nga inasawayo idi agtutubokayo.

Genesis 2:18

Kinuna ni Yahweh a Dios, “Saan a nasayaat nga agmaymaysa ti lalaki. Yaramidak iti maitutop a kadua ken katulonganna.”

Taga-Colosas 1:26

Nailimed idi daytoy a mensahe kadagiti adu a kaputotan, ngem naipakaammo itan kadagiti tattaona.

Taga-Colosas 3:10

ket inkawesyon ti baro a kinatao. Daytoy ti baro a tao a kanayon a mapabpabaro tapno umasping iti Dios a namarsua kenkuana, ket naan-anay ti pannakaammoyo kenkuana.

Genesis 9:6

Siasinoman a mangpatay iti tao, patayento met ti padana a tao. Ngamin, naaramid ti tao a kaasping ti Dios.

Deuteronomio 4:32

“Sukimatenyo ti amin a pakasaritaan, manipud iti tiempo a panangparsua ti Dios iti tao iti rabaw ti daga. Sukimatenyo ti entero a lubong. Adda kadin naindaklan a banag a kas iti daytoy a napasamak idi? Adda kadin pasamak a kas iti daytoy?

Eclesiastes 7:29

Daytoy la ti naadalko: nalinteg ti tao a pinarsua ti Dios, ngem ti tao ti mangparnuay iti adu a parikutna.

Genesis 2:7

Nangala ni Yahweh a Dios iti daga sa nangbukel iti tao. Insang-awna ti anges ti biag iti agong daytoy ket naaddaan iti biag.

Uk-ukom 21:22

No umayto agriri kadakami ti ama wenno kabsatda, kunaminto kadakuada a kasla dakayo ti agsasao: ‘Pangngaasiyo ta ipalubosyo nga asawaenmi ida, ta dimi met rinabsut ida iti paggugubatan. Uray ta diyo inted ida kadakami, saanyo ngarud a sinalungasing ti sapatayo.’”

Jeremias 29:6

Mangasawa ken aganakkayo. Kalpasanna, pangasawaenyo dagiti annakyo tapno aganakda met. Umadukayo koma; diyo ipalubos a bumassit ti bilangyo.